Proverbios 3:6 - Cofán: Chiga Tevaen'jen

⁶ Jongoesuma tsoñe in'jan'da o'tie Na'suma in'janjan. Tiseja que tsaiquima tansianqquia'caen quema fuiteya ñotsse tansintsse in'jamba canseye.

Proverbios 3:6 ပူးပေါင်းရင်းမြစ်များ

Nehemías 1:11

Chigáne Na'su, ña quema iñajansi, toya'caen quema shondosundeccu iñajansi, pañamba tsa'caen tsonjan. Nane avujatsse gi quema ñotsse afa'je'fa. Toya'caen ña na'suni japa iñajansi tisema in'jaenjan cuintsu ñame in'jamba ña iñajan'choma afeye.”

Nehemías 2:4

—¿Ma'caen gi quenga tsoña? Tsa'caen susi gi injama'choi'ccu sefacconi'su Chigama iñajamba

Salmos 32:8

Qquen tsu Na'suja su: “Ñajan quema caña'jemba gi quema atesian'jeña. Nane quema in'jaemba gi candusiaña ma'caen canseya'chove.

1 Corinto'su 10:31

Bove ñotssi tsu osha'cho jongoesuma an'jen'da, jongoesuma cui'je'ta, nane osha'cho jongoesuve qui tson'jen'da, tsa'caen tson'faja Chigaja ñotssia qquen canjaeñe.

2 Corinto'su 8:16

Ña que'ima in'janqquia'caen Tito'qque fae'ngae que'ima in'jan. Chiga tisema tsa'caen in'jaensi gi avujatsse Chiganga ñotsse afa.

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.

Colosa'su 3:17

Que'ija Na'su Jesús a'i'fa qui. Jesúsve in'jamba que'i su'choma su'faya'cho. Jesúsve in'jamba que'i tson'choma tson'faya'cho. Tsa'caen tson'da qui Na'su Jesúsi'ccu fae'ngae Chiga Quitsanga ñotsse afa'faya.

Colosa'su 3:23

Jongoesu sema'bama mandasi sema'jen'da quia'me tson'faja. A'i mandambima'caen in'jamba Na'su Cristo manda qquen in'jamba ñotsse sema'faja.

Santiago 1:5

Ma'caen ñotsse canseye atesumbi'ta Chigama iñajaña'cho. Chigaja se'pimbe'yi tsesuma poiyi'cconga ñotsse afeye atesu. Nane iyu'umbe'yi tsu Chigaja iñajan'suma in'jaeña.