Oseas 6:6 - Cofán: Chiga Tevaen'jen

⁶ Ñanda gi osha'cho afe'choma ñanga afembe'yi ñama ñotsse in'jan'faye que'ima in'jan. In'jan gi cuintsu jongoesuma oque oraembe'yi ñama in'jan'faye que'i Chigave.”

Oseas 6:6 ပူးပေါင်းရင်းမြစ်များ

Isaías 1:11

Na'suja su: “¿Jongoesie qui osha'cho afe'choma ñanga i'fa? Panshaen an'biamba gi que'i ovejama, vaura du'shu yayapama'qque oque oraen'fa'choma in'jambi. Nane vaura, oveja, chivo quitsaye anjampama'qque gi chi'ga.

Daniel 4:27

Ja'ño Ti'tsse'tssia, ña suqquia'caen qquen tsoncanjan: Ñotsse canseja ti'tsse egae tsincombe'yi. Tisu egae tsincon'choma anttepa va'chandeccuma fuiteye in'janjan. Isha qui tsa'caen tsomba ti'tsse ñotsse, avujatsse, toya'caen opatsse osha'choma an'biambaja canseya.’ ”

Oseas 2:20

Queja ña pushesi gi tsangae quema an'biaña. An'biansi qui ñama que Na'su qquen injan'jeña.

Amós 5:21

“Que'i injanga Chigama iñajan'cho fiestama gi chi'ga. Ñoa'me gi que'i bo'fa'choma in'jambi.

Mateo 12:7

Tayopi Chigaja a'inga su: “Osha'cho fi'ttipa oque oraemba afe'choma in'jambipa gi que'i tisupapora injancco'fa'choma in'jan.” Tsa'ma que'ija tsa su'choma paña'ma in'jan'fambi. In'jan'choecan'da qui ñotssia a'imbe injama'choma somboen'fambiye'can.

Mateo 5:7

Que'i majan cca'ima mende'ye'ta ñoa'me qui avujatssi'fa. Chiga'qque que'ima mende'yepa ñotsse tsoña.

Marcos 12:33

Nane pa'cco injama'choi'ccu, pa'cco canse'pai'ccu, pa'cco in'jan'choi'ccu, pa'cco ai'voi'ccu Chigama in'jañe, toya'caen tisuma in'janqquia'caen tisupapora in'jañe'qque –tsa tsu pa'cco oque oraen'choma bove ñotssi. Tsa tsu pa'cco Chiganga fi'ttipa afe'choma'qque bove ñotssi.

Josué 5:5

Poiyi'cco Egiptone sombo'cho tsandiendeccuja chhiyitevaen'cho tsu, “Israendeccu gi” qquen canjaeñe. Tsa'ma poiyi'cco a'i menia isu'choja toya me'in.

1 Juan 2:3

Jesucristo manda'choma ñotsse paña'da gi atesu'fa ingi tisema in'jan'chove.

1 Juan 3:6

Toya'caen majan tisei'ccu fae'ngae jincho'ta egae jinchombi. Tsa'ma majan egae tsincon'suja, Cristoma attembipa atesumbi'choa.

1 Samuel 15:22

Tsonsi Samuelja su: ¿Na'su Chigata ti avujaya oque oraemba afe'ninda? Nane ti'tsse avujatssi tsu tise manda'choma pañasi. Ñotsse pañañe tsu afe'choma bove ñotssi.