Oseas 2:21 - Cofán: Chiga Tevaen'jen

²¹ Ña, Na'su gi que'inga conda'je: Tsequi a'ta gi sefaccoma pañaqquia'caen antteya tsambe in'jan'chove tsoña. Sefacco'qque unjima andenga tuiñaña.

Oseas 2:21 ပူးပေါင်းရင်းမြစ်များ

Isaías 55:10

“Unjin chandisu'cco'qque sefane tuipa, ccase toequi sefani ansundembi. Nane tsangae tsu tuipa andema tssipoen cuintsu sho'yoqque'su sho'yopa te'taye. Tetasi a'ija an'bian'fa ccase joñe; toya'caen panme ñoñamba añe.

Isaías 65:24

Tsendeccu toya ñama ttu'sembi'te gi tise'pa in'jan'choma in'jamba afaya. Nane tise'pa toya afa'je'ni gi tise'pama pañaña.

Zacarías 13:9

Ña anttesi toya canse'chondeccuma gi si'nge'ye panshaenqquia'caen vanaeña. Tsa'caen tsomba gi tise'pama giyaeña, totoacorima tssutssiamba giyaenqquia'caen. Ñoa'me coriama'caen gi tise'pama si'ngei'ccu giyaeña. Giyaensi tsu ñama iñajan'faya. Iñajan'fasi gi tise'pama pañaña. ‘Tise'paja ña aindeccu tsu’ qquen ña susi ‘Na'suja ingi Chiga tsu’ qquen tsu su'faya. Ña, Na'su Chiga, gi tansintsse conda.”

Zacarías 8:8

Tise'pama ccushaemba gi Jerusaléni iya cuintsu vani can'jen'faye. Vani can'jemba ñoa'me ña aindeccuve da'fasi gi ñajan tise'pa Chigave dapa tise'pama ñotsse in'jamba ñotsse mandaya.”

Malaquías 3:10

Tsa'ma que'i chongayi'cho'cco enttingeve ña etti'su corifin'dima coira'je'ttinga i'faja cuintsu ña tsa'o anqque'sui'ccu on'baye. Ican'faja ña tson'choma atesuye. Ñoa'me gi ventanama fettaqquia'caen sefacco'su osha'cho ñotssiama que'inga tuiñaqquia'caen afeya.

Malaquías 3:11

Antteya'bi gi osha'cho ega paqque'su que'i tai'je'cho ni que'i o'fa tsajaccuma dañoñe.

Mateo 6:33

Tsa'cansi que'ija o'tie Chiga Quitsama na'suve in'jan'faja. Tsa'caen in'jamba Tise in'janqquia'caen cansesi tsu Chiga Quitsaja que'inga osha'cho jongoesu shaca'ninda afeya.

Romanos 8:32

Nane Chiga Quitsaja ingima in'jamba se'pimbe'yi Tise Dutssi'yema afe cuintsu tsaja papa ingima ccushaeñe. Ñoa'me tsu Chigaja Jesucristoi'ccu fae'ngae osha'choma inginga afeya.