Oseas 2:20 - Cofán: Chiga Tevaen'jen

²⁰ Queja ña pushesi gi tsangae quema an'biaña. An'biansi qui ñama que Na'su qquen injan'jeña.

Oseas 2:20 ပူးပေါင်းရင်းမြစ်များ

Génesis 9:10

Nane poiyi'cco que'i'ccu tsa'o shavo'ye sombopa can'jendeccu —chhiriria, vaura'can, poi tsampini jincho'choi'ccu'qque gi fae'ngae injancco'faya.

Jeremías 32:41

Nane avujaya gi tise'panga ñotsse tsoñe. Pa'cco ña in'jan'choi'ccu gi tise'pa va andeni canseya'chove antteya.”

Jeremías 9:24

Nane majan ñoa'me quinsepoeñe in'jan'da tisu ñame in'jan'choi'ccu tsu quinsepoeña'cho. ‘Na'su Chiga tsu’ qquen in'jamba tsu quinsepoeñe ñotssi. Nane ñoa'me gi Na'su. In'jamba gi va andeni ñotsse tsomba tansintsse mandapa avujatssi. Ñotssiaveyi tsomba gi avujatssi. Ña, Na'su Chiga gi qquen que'inga conda.”

Oseas 2:19

Israel, que qui tsangae ña pusheve daya. Nane injama'choi'ccu ñoa'me in'jamba gi manda'cho mandaqquia'caen quema pusheya.

Oseas 6:6

Ñanda gi osha'cho afe'choma ñanga afembe'yi ñama ñotsse in'jan'faye que'ima in'jan. In'jan gi cuintsu jongoesuma oque oraembe'yi ñama in'jan'faye que'i Chigave.”

Levítico 26:5

Trigo tsu cucho'jeya o'fa tsajama taiya'ngae. Toya'caen o'fa tsaja tsu cucho'jeya trigoma joña'ngae. Panma tte'pputsse amba qui que'i andeni dyombi'tsse cansepa avujatssi'faya.

Levítico 26:6

Ña que'i andenga tsa'caen tsonsi qui opatsse can'jemba ppimppintsse ana'jen'faya. Nane putsa'su ttesia'can que'i andeni can'jeña'bi ni faesu ande'su sundarondeccu'qque geraeñe ji'faya'bi.

Miqueas 4:3

Na'suja poi biani'su canqquema camba in'jaña majan ñotssia, majan ega've. Tsa'caen in'jamba tsu tise'panga ma'caen tsoña'chove in'jan. Nane tsendeccu tsu tise'pa sundaro matichima andema pa'fuqque'suve tson'faya. Tise'pa oma'ccoma'qque tetajin'su ttembama cha'ttuqque'suve tson'faya. Minguite tsu fae ande faesu ande'sui'ccu ccase geraen'faya. Nane aindeccuma'qque atesian'fayambi sundarondeccuve.

Zacarías 9:10

Jipa tsu Efraín (israendeccu) gera caroma nepiaña. Jerusaléni'su (judándeccu) gera cavayoma'qque itsapa gera battittianccuma'qque u'ccaya. Poi andeni “¡Opatsse canse'faja!” qquen mandapa tsu fae mar'ye faesu marnga mandaya. Nane Eufrates naene sefacco já ccutsuni tsu mandaya.

Mateo 11:27

Jesús Chigama iñajan nanimba aindeccunga su: —Tayo tsu ña Yaya osha'choma ñanga afe. Ni fae a'iyi'qque ñama atesu'fambisi Chiga Quitsayi tsu ñama atesu. Ñajan Tise Dutssi'ye. Toya'caen ni fae a'iyi'qque Chiga Quitsama atesu'fambisi ñañi gi Tisema atesu. Tiseja ña yaya tsu. Toya'caen ñajan Chiga Dutssi'yepa gi majama in'jamba ña condase'nijan tsendeccu'qque Chiga Quitsama atesu'fa.

Lucas 10:22

Tsa'caen Chigama iñajamba Jesúsja su: —Tayo tsu ña yayaja osha'choma ñanga afe. Cca'i ñama atesu'fambisi Chiga Quitsayi tsu ñama atesu'cho. Ñajan Tise Dutssi'ye. Toya'caen cca'ija Chiga Quitsama atesu'fambisi ñañi gi Tisema atesu'cho. Tiseja ña yaya tsu. Toya'caen ñajan Chiga Dutssi'yepa gi majama in'jan'da tsanga condase cuintsu tsendeccu'qque Chiga Quitsama atesu'faye.

Juan 17:3

Yaya, que qui ñoa'me Chiga. Faesuveja me'i'on tsu. Ña gi Jesús que moen'cho Cristo. Majan ingima cachuipa in'jan'da tsu ñoa'me tsangae canseya.

Juan 8:55

Tsa'ma que'ija Tisema atesu'fambi qui. Ñajan Tisema atesucho. Atesumbi qquen su'choecan'da gi que'ia'caen afopa'choye'can. Tsa'ma ñajan ñoa'me gi Tisema atesucho. Tise su'choma gi ñotsse paña.

2 Corinto'su 4:6

Chiga Quitsaja coejechigave agattoemba su: “Cuintsu sintssia'ye a'tatssia've chanjuñe.” Tsa Chigayi tsu ingi injama'choma'qque chanjienqquia'caen a'tatsse in'jaen cuintsu ingija Jesucristo cambajuma attepa Chiga a'tatssia've atesu'faye.

Filipo'su 3:8

Cristo Jesús ña Na'suve in'jañe osha'chone ñoa'me'qque ti'tsse'tssia tsu. Cristove in'jamba gi osha'cho tisu tayoe ti'tsse'tsse tsincon'choma ja'ñojan chi'ga. Nane ñoa'me pa'tssi ña quinsepoen'choma'qque gi tayo cati. Tayo cati'cho tsu, qquen gi in'jan Cristoma ganaqquia'caen

Colosa'su 1:10

Tsa'caen in'jamba qui ñotsse Chiga in'janqquia'caen canseye osha'faya. Chiga'qque que'i'ccu avujatssiya. Ñotssia jomba'cho te'tapa naqquia'caen qui osha'cho ñotssiave tsomba ti'tsse Chigane atesu'faya.

2 Timoteoga 1:12

Tsa'caen tson'jemba gi ja'ñoa'caen va'ná canse. Tsa'caen canse'a'qque ña in'jan'cho ccushaen'suma in'jamba atesupa gi ansangembe'yi canse. Ñoa'me gi atesu Tiseja Cristone ñotsse condase'choma ñanga tayo afepa osefaeña'cho a'ta napiya'ngae tsu tsama ñotsse coiraya.

Hebreo'su 8:11

Nane tayoe a'ija tisupapora atesian'fa. Quindya tsu tise quinshima nafattian cuintsu Na'su Chigave in'jañe. Tsa'ma tsequi a'ta poiyi'cco pañamba ñame in'jansi majameñi'qque atesiañe me'i'on tsu. Nasundeccu, utu'ccoandeqquia'qque tsu ñame in'jan'faya.

1 Juan 4:6

Tsa'ma ingija Chigambe'fa gi. Majan Chigave in'jan'cho tsu ingima paña'jen'fa. Tsa'ma majan Chigave in'jambi'choa tsu ingima paña'jen'fambi. Tsa'caen gi atesu'faya majan Chiga in'jaensi tansintssia've afa'je'choma. Toya'caen gi atesu'faya majan afopa'cho in'jaensi afa'je'choma.

1 Juan 5:20

Toya'caen gi atesu'fa Chiga Dutssi'ye tayo ji'choma. Tsa tsu ingima in'jaen ñoa'me Chigama atesuye. Ingija fae'ngae jincho'fa ñoa'me Chigai'ccu. Toya'caen gi fae'ngae jincho'fa Tise Dutssi'ye Jesuscristoi'ccu. Tsaja ñoa'me Chigayi. Tsai'ccu fae'ngae jincho'ta tsangae canseya'cho tsu.