Oseas 11:4 - Cofán: Chiga Tevaen'jen

⁴ Tise'pama ñotsse in'jamba gi angacan. Nane osha'cho ñotssiave gi tson cuintsu tise'pa ñame in'jan'faye. Du'shu changa catsesi puntssamba chochoenqquia'caen gi tise'pama coira'je.

Oseas 11:4 ပူးပေါင်းရင်းမြစ်များ

Salmos 105:40

Israendeccu anqque'suve iñajansi yayapa chivi'rima moe. Toya'caen sefacconi'su panma tise'pa ttepputsse shequian moe.

Éxodo 16:32

Omboe Moisésja su: —Tsa'can tsu Na'su Chiga manda'choja: ‘Dos litro manáma taipa apinga on'boemba ñotsse coira'faja cuintsu que'i omba'su dushundeccu'qque atte'faye. Attepa tsu in'jan'faya ña que'ima Egiptone somboemba a'i menia angapa ofian'jen'choma.’

Levítico 26:13

Ña gi Na'su, que'i Chiga, Egipto'ye que'ima somboen'su. Nane egiptondeccu ti'tsse que'ima semoesa'ne gi que'i candenama u'ccaqquia'caen que'ima ccushaen cuintsu que'i ansangembe'yi opatsse canse'faye.

Juan 12:32

Toya'caen ñama avuja'cconga jangian'fasi gi poiyi'cco a'ima in'jaeña cuintsu ñanga ji'faye.

2 Corinto'su 5:14

Nane Cristo a'ima ñotsse in'jan'choma atesupa gi ti'tsse a'ima candusian'jen. Fae'cco poiyi'ccone pasi ñoa'me poiyi'cco tisei'ccu fae'ngae pa'fa qquen gi in'jan'fa.