Oseas 1:4 - Cofán: Chiga Tevaen'jen

⁴ Isusi Na'suja Oseasnga su: “Va du'shumajan Jezreelve inisianjan. Nane junde gi ande na'su Jehú dutssiyendeccuma vanaeña Jehú Jezreel canqqueni tayopi can'jemba egae tsincon'chone. Tsangae gi Israel manda'je'choma nepiaña.

Oseas 1:4 ပူးပေါင်းရင်းမြစ်များ

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Jeremías 23:2

Na'su Israel Chiga tsu tise aindeccuma mandasundeccunga qquen conda: “Que'ija ña ovejandeccuma ñotsse coirambipa qui injanga shequian maña'fa. Tsa'caen ña aindeccuma egae tson'chone gi que'i injama'choma'qque somboeña. Ña, Na'su Chiga gi que'inga conda.

Oseas 1:6

Can'jemba Gomerja ccase surie dapa pushesu du'shuve isu. Isusi Na'suja Oseasnga su: “Va pushesu du'shuma Lo-ruhamame inisianjan, Ña israendeccuma mendeyeya'bi qquen canjaeñe. Toya'caen tise'pa egae tsincon'choma joqquitssiaña'bi gi.

Oseas 1:9

Isusi Na'suja Oseasma afapa su: “Va du'shuma Lo-amime inisiaña'cho, que'ija ja'ño ña a'imbi qquen suye. Toya'caen ñajan que'i Chigambi gi.”

Oseas 2:22

Toya'caen ande sho'yaensi tsu trigo, vino, yayapa'qque tsai'bitsse atapaya. Tsonsi Jezreelja ‘Ñoa'me Chiga jon'chove’ daya.

Mateo 1:21

Tsandie du'shuve tsu isuya. Tise aindeccuma tsu tise'pa egae tsincon'cho'ye ccushaeña. Tsa'cansi tisema qui inisian'faya Jesúsve. Jesús qquenda tsu ccushaen'su qquen su.

Lucas 1:13

Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

Lucas 1:31

Surie dapa qui tsandie du'shuve isuya. Tisema qui inisiaña Jesúsve.

Lucas 1:63

Tsonsi Zacaríasja canjan'jen'choma in'jamba canjan'jen cuintsu tisenga tevaenqque'suma afe'faye. Isupa tevaen: “Tise iniseja Juan.” Qquen tevaensi poiyi'cco a'i asi'ttaemba can'boen'fa.

Juan 1:42

Tsomba tisema anga Jesúsnga. Jesúsja Simónma attepa su: —Que qui Simón, Jonás dutssi'ye. Tsa'ma Cefasve tsu inisiaña'cho. (Pedro, qquen tise aya'fangae, patu qquen su'cho.)