Oseas 1:2 - Cofán: Chiga Tevaen'jen

² Pushe tisu tsa'nduma catiqquia'caen israendeccuja Na'suma catipa ñoa'me egae tsincon'fa. Na'suja tsama Israelnga canjaeñe in'jamba Oseasnga qquen su: “Japa tisu ai'voi'ccu gana'su pushesuma pushepa dushundeccuve an'bianjan. Tsendeccuya tsu ega pushesumbe dushundeccu.”

Oseas 1:2 ပူးပေါင်းရင်းမြစ်များ

Salmos 106:39

Nane israendeccuja tsa'caen egae tsincomba tisupama'qque egave tsomba tisupama afe'fa osha'cho egae tsincon'chove tsoñe.

Marcos 1:1

Qquen tsu Jesucristone ñotsse condase'choja ashaen. Tiseja Chiga Dutssi'ye tsu.

2 Pedro 2:14

Toya'caen pushesuma attepa egae in'jambe can'fambi. Quimbi'fambi egae tsincoñe. Faesuja injama'cho shacasi tisema qqueña'fa. Osha'choma an'biamba ti'tsse in'jangae in'jañe atesu'fa. Nane tsa'caen tsonsi Chigaja tise'pama chi'ga.

Canjaen'cho 17:5

Tise tsovejunga tsu ccaninga inisema tevaen'cho. Qquen tsu su: ¡Ti'tsse'tssia Babilonia! Poi egae tsinconsundeccumbe chan tsu. Osha'cho Chiga in'jambi'choa've tsonsundeccumbe chan tsu.