Números 24:24 - Cofán: Chiga Tevaen'jen

²⁴ Nane Chipre andeni sheque'cho barco tsu cattufapa Asiria toya'caen Heberma patsuya. ¡Tsa'ma tsa'caen patsupa tsu jai'ngae patsuyeya!”

Números 24:24 ပူးပေါင်းရင်းမြစ်များ

Génesis 10:4

Javán dutssiyendeccu tsu Elisa, Tarsis, quiteondeccu toya'caen rodaneondeccu.

Génesis 14:13

Tsa'ma fae'cco tseni'su a'ija ccushapa sombopa Hebreo a'i Abramnga conda'su ji. Nane Abramjan toya tsa Amorreo a'i Mamrembe roble quini'ccoccuni can'jen. Mamre antiandeccu Escol, toya'caen Aner'qque Abramma fuitesundeccu tsu.

Daniel 2:35

Tse'faei'ccuyi tsu yoshava, apicha, cu'a yoshava, totoacori, toya'caen ñoa'me cori'qque jimbitsse vuvu sheque. Nane coejefani trigoma qquesho'jesi fingian ttonoma metsse angaqquia'caen tsu ni minga'vieyi'qque jinchombitsse vuvu sheque. Tsa'ma tsa patu vuvian shequian'suja tse'ttinga ccuipa rande ccotta'ccove dasi pa'cco andema picco.

Daniel 2:45

Tsane tsu tsa patu ccotta'cco'ye a'i ccofettambi'ma battin jipa pa'cco yoshava, cu'a yoshava, apicha, totoacori, toya'caen corima metsse vuvian cati'choja canjaen. Ti'tsse Joccapitssia Chiga tsu Que Ti'tsse'tssianga jai'ngae ma'caen daya'choma tsa'caen canjaen. Tsa ayo'opata tsu ñoa'metsse ayo'o'cho. Toya'caen tsane conda'cho'qque tsu ñoa'metsse su'cho.”

Números 24:20

Tsomba Balaamjan Amalec aindeccuma attepa qquen su: “Amalecja poi aindeccuma ti'tsse'tssia tsu. Tsa'ma osefa'poe tsu me'tsse daya.”

Números 24:23

Tsomba Balaamjan ccase jai'ngae tsoña'chove qquen afa: “¡Ay! Chiga tsa'caen tsonsi ¿majan tsu ccushaya?

Mateo 24:15

Tayopi'su Chiga Aya'fama afa'su Daniel egae dyoña'sune condase. Tsa dyoña'su napipa tsangae tsu dañoña. Majan Jerusaléni can'jen'ni tsa su'cho Chigai'ccu cachuicco'jeccuni ca'nisi atte'ta ccotta'cconga japa tsu ccuya'faya'cho. (Va tevaen'jema camba afa'su ñotsse in'janjan.)

Lucas 20:24

—Corifin'dima ñanga canjaenjan. ¿Majambe tsove, majambe tevaen'cho tsu vaja? Tise'paja su'fa: —Na'su Césarmbe.

Juan 11:48

Ingi can antte'nijan poiyi'cco tsu tise've in'jan'faya. Tsonsi Romano nasundeccu mandasi tsu sundarondeccu jipa va Chiga ettima asitta cati'faya. Ingi aindeccuma'qque tsu sefoen'faya.