Números 22:32 - Cofán: Chiga Tevaen'jen

³² Tsa'ma Na'su Chigama sefacconi'su shondo'suja su: —¿Jongoesie qui que boroma tres se ochha'chha? Ña gi ji tsaiquima ttuye que in'jamba jayi'cho ñane ñotssimbi'si.

Números 22:32 ပူးပေါင်းရင်းမြစ်များ

Salmos 36:6

Que ñotsse tansintsse tson'choja ccotta'cco randea'cantsse cambiambitssi. Toya'caen rande mar tsosini nepiqquia'caen tsu que tansintsse in'jan'choja nepi. Queja, Na'su, a'ima in'jamba poi va andeni jacanqque'suma'qque in'jamba coira'je.

Jonás 4:11

Tsa'caen gi ña'qque Nínive rande canqque'su aindeccuma mendeyeya'cho. Nane tsa ciento veinte mil a'i ñoa'me'qque du'shua'caen majan ega, majan ñotssiave atesumbindeqquiama. Toya'caen tseni tsu tsain'bio aiña'cho sheque'fa. Tsendeccuma'qque gi mendeyeya'cho.

Números 22:20

Tsequi cose Chigaja Balaamnga attiamba su: —Ñoa'me va aindeccu queve ji'fa'ninda jangipa tise'pai'ccu jaja. Tsa'ma jo'su ña su'choveyi tsu afaya'cho.

Números 22:22

Tsa'caen Balaam tise boronga dyaipa jayisi dos tisema shondosundeccu'qque ja'fa. Tsa'ma Chigaja tise tsa'caen jasi iyicca'yepa manda Na'suma sefacconi'su shondo'su cuintsu Balaam panshansa'ne tsaiquima ttuye.

Números 22:28

Tse'faei'ccuyi Na'su Chigaja boroma afaensi a'ia'caen afapa Balaamma qquen su: —¿Jongoesuma gi tson? Vai'ccuta qui tres se tayo ñama ochhai.

Números 22:33

Nane borota tsu ñama attepa tres se ccafanga ja. Ccafanga jambiecan'da gi tayo quema fi'ttipa boromajan canseveyi moeñe'can.

Números 22:35

Tsa'ma Na'su Chigama sefacconi'su shondo'suja su: —Jaye qui osha. Tsa'ma japa ña suqquia'caeñi suja. Tsa'caen susi Balaamjan Balac moe'cho coenzandeccui'ccu ja.

Tson'fa'cho 13:10

su: —¡Que qui afopa'cho, injamambi, cocoya na'su in'jan'cho! ¡Pa'cco ñotssiane qui chi'ga'cho! ¿Mingapa qui anttembe Na'su Chiga tansintssia tsaiquima dañoqquia'caen Tisene atesian'jen'choma daño'jen?

Deuteronomio 25:4

Vaura trigoma tsu'ttei'ccu tsu'tsu qquesho'je'ninda tsambe aya'fama tandanjama añe se'pipa.