Números 20:15 - Cofán: Chiga Tevaen'jen

¹⁵ Nane ingi tayopi'su coenzandeccuja Egiptoni japa bo'tsse tseni canse'fa. Tsa'ma egiptondeccuja ingima in'jangae tsincon'fa ingi tayopi'su coenzandeccuma tsinconqquia'caeñi.

Números 20:15 ပူးပေါင်းရင်းမြစ်များ

Génesis 15:13

Tsa'caen dyosi Na'suja tisema su: —Atesuya'cho tsu que dutssiyendeccu faesu andeni can'jemba tsenima aqquiatsse ganambe semasundeccuve da'faya'choma. Tsa'caen dapa tsu cuatro ciento canqque'fave me'detsse vana'faya.

Génesis 46:6

Tsa'caen tsu Jacobja pa'cco tise aindeccui'ccu Egiptoni ja. Toya'caen vaura, oveja, pa'cco tise'pa Canaán andeni atapoemba an'bian'choma'qque anga'fa.

Génesis 46:7

Nane poiyi'cco tise dutssiyendeccu, onquengendeccu, tsambe dushundeccu'qque fae'ngae tisei'ccu ja'fa.

2 Samuel 12:18

Siete a'ta pasasi du'shuja pa. Pasi Davidma shondosundeccu tisenga condaye dyojo'fa qquen in'jamba: “Du'shu toya canse'ni afasi ingima pañañe chi'ga'chomanda ¿ma'caen gi conda'faya du'shu pa'chone? Isha tsu sumbie dapa egae tsoña.”

Éxodo 1:16

—Maqui a'ta hebreo'su pushesu, du'shuma isu'jesi ja'ta ñotsse in'janjan. Pushesuve isu'ninda antteja cuintsu canseye. Tsa'ma tsandieve isu'ninda fi'ttija.

Éxodo 1:22

Tsa'caen tson'jen'fasi faraónjan manda poiyi'cco tise aindeccuma qquen supa: “Hebreosundeccu tsandie du'shuve isu'ninda na'enga ttova cati'faja. Tsa'ma pushesu du'shuve isu'ninda antte'faja cuintsu canseye.”

Éxodo 12:40

Israendeccuja cuatro ciento treinta canqque'fave Egipto andeni canse'fa.

Números 11:5

Nane injan'jen gi ingi Egiptoni can'jemba aqquiatsse asipa avuma an'jen'choma. Toya'caen gi tseni an'jen'fa pepino, melón, sevoya, totoa sevoya, toya'caen ajoma.

Números 16:13

¿‘Ñotssi tsu’ qquen ti qui in'jan que ingima chocho, tuño cuñajun'cho shacambitssia ande'ye joqquitssiansi cuintsu va a'i menia qquipoe'supa pa'faye? Toya'caen: ¿‘Ñotssi tsu’ qquen ti qui in'jan ingima ti'tsse joccapitssia na'suve daye qquen in'jamba?

Números 20:14

Cadesni can'jemba Moisésja majan aindeccuma Edom ande'su na'sunga moe cuintsu japa qquen suye: “Que antian israendeccu tsu qquen quema su'fa: ‘Queta qui ñotsse atesu ingi ma'caen vanamba canse'choma.

Números 20:16

Tsa'caen vana'jemba gi Na'su Chigama iñajan'fa cuintsu ingima fuiteye. Tsa'caen ingi iñajan'fasi tsu tisema sefacconi'su shondo'suma moemba Egiptone ingima somboen. Ja'ñonda gi Cades canqqueni can'jen'fa que andei'ccu pporotsse.

Tson'fa'cho 7:15

Tsa'caen ttu'sesi Jacobja Egipto andeni can'jemba pa. Ingi tayopi'su coenzandeccu'qque tseni pa'fa.

Tson'fa'cho 7:19

Tsa'camba ingi tayopi'su coenzandeccuma'qque chi'gapa patsuye in'jamba tise'pama afopoemba vanae. Nane tsa'caen vanaemba manda tsandie du'shuve isu'ta cuintsu cati'faye a'i panshaen atapasa'ne.