Números 20:14 - Cofán: Chiga Tevaen'jen

¹⁴ Cadesni can'jemba Moisésja majan aindeccuma Edom ande'su na'sunga moe cuintsu japa qquen suye: “Que antian israendeccu tsu qquen quema su'fa: ‘Queta qui ñotsse atesu ingi ma'caen vanamba canse'choma.

Números 20:14 ပူးပေါင်းရင်းမြစ်များ

Génesis 25:23

tiseja su: “Que tto'panijan dos aindeccu tsu can'jen'fa. Nane dos canqquepa tsu toya isumbi'te iyicco'je'fa. Fae'cco tsu faesuma ti'tsse'tssiya. Nane coenza tsu chu'ama shondoya.”

Génesis 25:25

O'tie isu'choja cu'apa tosa'vu'cho'oyisi tisema inisian'fa Esaú.

Génesis 25:26

Omboe tise quinshinme isusi tivei'ccu tise quindya Esaú tsu'ttema indi'cho. Tsa'caen sombosi tsu inisian'fa Jacob. Isaac sesenta canqque'fave an'bian'ni tsu Rebecaja tsa'caen du'shuma isu.

Génesis 32:29

Tsonsi Jacobja ccane'qque iñajampaña: —Ja'ño condaja jongoesu inise qui queja. Tsa'ma tsa a'ija su: —¿Jongoesie qui ña iniseve iñajampaña? Tsa'caen supa tsa a'ija tse'ttingayi Chiga tisema ñotsse tsoña'chove afa.

Malaquías 1:2

Na'su Chigaja su: “Ñajan que'ima ñotsse in'jan.” Tsa'ma que'ija qquen iñajampaña'fa: “¿Ma'caen gi atesu'faya que ingima in'jan'chove?” Qquen iñajampaña'fasi Na'suja su: “Esaúja Jacob quindya fae'ngae isu'cho tsu. Tsa'ma ñajan Jacobma in'jamba gi

Números 13:26

toequi Cadesni jipa Parán a'i menia nepi'fa. Tse'tti tsu Moisés Aarón toya'caen poiyi'cco israendeccu can'jen'fa. Tsa'caen nepipa tisupa japa atte'choma condasepa tseni'su teta'choma'qque canjaen'fa.

Números 20:15

Nane ingi tayopi'su coenzandeccuja Egiptoni japa bo'tsse tseni canse'fa. Tsa'ma egiptondeccuja ingima in'jangae tsincon'fa ingi tayopi'su coenzandeccuma tsinconqquia'caeñi.

Números 20:22

Poiyi'cco israendeccu Cadesne sombopa Hor ccotta'cconga ja'jengae ja'fa.

Josué 2:10

Paña'fa gi ma'caen que'i Egipto'ye sombopa jayisi Chigaja Cu'a marma samboen cuintsu que'i iseye. Toya'caen Jordán na'en jonifani'su Sehón, Ogma'qque, tsa amorreo'su nasundeccuma patsupa que'i sefaen'choma pañamba gi ti'tsse dyo'fa.

Josué 2:9

—In'jan gi Na'su Chiga tsu va andema que'inga afe. Nane poiyi'cco va ande'su aindeccu gi que'ima dyojo'fa. Nane paye dyojopa gi ñoa'me dyopa ttun'dundu'je'fa.

Josué 9:10

toya'caen tsa Jordán na'ema chiga sombo'jefa'su dos amorreo'su nasundeccuma patsu'choma'qque gi paña'fa. Hesbón canqque'su na'su, Sehón, toya'caen Basán ande'su na'su, Og, tsa Astarot canqqueni canjen'suma'qque patsu'fa qquen gi biane paña'fa.

Josué 9:9

Tsonsi tsu su'fa: —Que'ima shondosundeccuja ñoa'me biani'su andeni can'jemba Na'su que'i Chigama pañamba gi ji'fa. Nane Na'su Chiga Egiptosundeccuma tson'choma pañamba