Números 20:12 - Cofán: Chiga Tevaen'jen

¹² Tsa'ma Na'su Chigaja Moisés toya'caen Aarónga su: —Nane que'ija ñama in'jambiqquia'caen tisuyi tsa'ccuma afe qquen supa israendeccunga ñajan tise'pama fuite'suve canjaembi. Tsa'camba qui va aindeccui'ccu ña tise'panga afe'cho andeni ca'ni'faya'bi.

Números 20:12 ပူးပေါင်းရင်းမြစ်များ

Salmos 106:32

Toya'caen Meriba tsa'ccu jini Chigama iyicca'yean'fa. Tsa'caen tson'jemba Moisésma'qque vanae'fa.

Levítico 10:3

Omboe Aarón iyicca'yesi Moisésja tisema qquen su: —Tsane tsu Na'su Chigaja qquen su: ‘Majan ñanga catsesi gi tisenga ña ñotssiama canjeña. Nane poi israendeccunga gi tisu oshacho ñotssiama canjaeña.’ Tsa'caen susi Aarónjan ziya.

Números 11:15

Nane ñoa'me ñame in'jan'cho'ta panshaen tsa'caen ñama tsinconsa'ne junde ñama fi'ttija. Tsa'caen da'ta gi ti'tsse ña vana'jen'choma vanaña'bi.

Números 20:24

“Aarónda tsu ña israendeccunga afe'cho andeni ca'nimbe'yi paya. Nane Meriba tsa'ccu sombo'je'ttinga qui ña mandaqquia'caen tsombipa tisu in'janqquia'caen tson'fa.

Mateo 17:17

Qquen iñajansi Jesúsja su: —Que'i ja'ño'su aindeccuja tansintsse Chigave in'jambipa ccaningae qui in'jan'fa. ¿Min'ge'e gi tsuin'da quei'ccu can'jemba angacaña? I'ngaja du'shuma.

Mateo 17:20

Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

Lucas 1:20

Tsa'ma ¡que canjan! Ña suqquia'caen tsu ñoa'me tsoña. Tsa'ma queja ña su'choma in'jambipa qui ayafambie dapa can'jeña que pushe du'shuma isuya'ngae.

Lucas 1:45

Chigaja Tise su'choma ñoa'me tsoña. Tsama pañamba in'jamba qui ñoa'me avujatssiya.

Juan 1:17

Moisésja Chiga manda'choma afapa conda. Tsa'ma Jesucristoma moemba Chigaja Tise ingima in'jamba ñotsse tson'choma tansintsse canjaen.

Romanos 4:20

Injama'cho shacambipa ni ñombi'yembipa tiseja Chiga ñoa'me su'choma pañamba ti'tsse in'jamba Chigama ñotsse afa.

Deuteronomio 34:4

Canjaemba Na'suja tisema su: “Va tsu ña Abraham, Isaac, Jacobnga'qque tise'pa dushundeccunga afeye qquen tansintsse su'cho ande. In'jamba gi quema canjaen que ca'niñambia'qque tso'fei'ccu atteye.”

Josué 1:2

“Ñama shondo'su Moisésja tayo pa. Tsa'cansi ja'ñojan que qui poiyi'cco va israendeccui'ccu ñoñamba Jordán na'ema isepa ña que'inga afeya'cho andenga ca'niña'cho.

1 Pedro 3:15

Cristo tsu que'i na'su. Tsa'cansi injama'chone tisema ñotsse in'jan'faja. Toya'caen que'i Cristove in'jan'choma asi'ttaemba in'jamba ñotsse injan'jen'faja cuintsu faesuja, “¿Micomba qui Cristo a'ive da?” qquen su'nijan junde condaye. Tsa'ma vasuitsse ñotsse in'jamba tsu condaya'cho.