Números 16:28 - Cofán: Chiga Tevaen'jen

²⁸ Toya'caen tsu Moisésja su: —Tisutsse ña tsoñe oshambisi Na'su Chiga ñama moesi gi pa'cco ña tson'jen'choma tson'jen. Tsa'camba qquen tsonsi qui in'jan'faya Na'su Chiga ñama moe'chove:

Números 16:28 ပူးပေါင်းရင်းမြစ်များ

1 Reyes 18:36

Tsonsi Chiganga afeya'cho hora nepisi Chiga aya'fama afa'su Elíasja catsepa quian'me su: “Na'su Chiga, Abram, Isaac toya'caen Israel Chiga, ja'ño a'ta canjaenjan cuintsu poiyi'cco atesu'faye queja ñoa'me Israel Chigave. Toya'caen canjaenjan cuintsu atesu'faye ñajan quema shondo'supa que mandasi ja'ño que suqquia'caen vama tson'jen'chove.

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Éxodo 4:12

Tsa'cansi junde jaja. Ña gi quei'ccu can'jemba quema afaen'jeña que ma'caen suya'chove.

Éxodo 4:15

Tisenga condaseja pa'cco ma'caen suya'choma. Ñajan tisei'ccu quei'ccu'qque gi can'jemba afaen'jeña. Toya'caen gi que'i ma'caen tsoña'chove conda'jeya.

Éxodo 7:9

—Faraón canjaen'chove que'ima iñajan'ninda Aarónma suja cuintsu tise accuicco'choma isupa faraón dyai'tti'su andenga ttova ccuiñañe cuintsu iyove daye.

Números 24:13

‘Mapán cori, totoacori que tsaoni jincho'choma afe'ni'qque ñajan Na'su Chiga su'choma pasapa ni ñotsse ni egae tsoñe oshambi gi. Toya'caen tisu in'jan'choma afaye oshambipa Na'su su'choveyi gi afaye osha.’

Juan 11:42

Ñajan atesu gi Que ñama paña'jen'choma. Tsa'ma qquen gi Quene ñotsse afa'je cuintsu vani can'jensundeccu pañamba in'jañe Que ñama moen'chove.

Juan 14:11

Ñotsse in'jan'faja ña qquen su'choma “Ñajan fae'ngae jincho ña Quitsai'ccu.” Tsambi'ta ña tson'choma attepa ñame in'jan'faja.

Juan 5:30

Tisuyi'ta gi tsoñe oshambi. Tsa'ma ñama mandaqquia'caen gi tansintsse afa'je. Nane tansintsse in'jamba gi tansintsse afa'je. Ña in'jan'chove in'jambipa ñama moen'su Chiga Quitsa in'jan'chove gi in'jan.

Juan 5:36

Tsa'ma Juan su'choma bove ñotsse canjaen'cho tsu jin. Ña Yaya ñama mandasi gi tsa'caen tson'jen. Tsa'caen tson'jensi tsu tsa tson'choja ñoa'me canjaen Chiga ñama manda'suve.

Juan 6:38

Ñajan sefaccone jimbi gi tisu in'jan'chove tsoñe. Tsa'ma ñama moen'su in'jan'chove tsoñe gi ji.