Números 14:6 - Cofán: Chiga Tevaen'jen

⁶ Toya'caen Josué, Caleb'qque fae'ngae andema cañe jacansundeccupa tisupa ñombi'ye'choma canjaeñe in'jamba ondiccu'jema chi'ttapa

Números 14:6 ပူးပေါင်းရင်းမြစ်များ

Génesis 37:29

Tsa'caen tson'fa'chove atesumbipa Rubénjan toequi posoni jipa Joséve attembipa tise ondiccu'jema chitta tisu ñombi'ye'choma canjaeñe.

Génesis 37:34

Tsa'caen supa Jacobja tisu ondiccu'jema chittapa pasi ñombi'ye'choma canjaenqque'su ondiccu'jema ondiccu. Tsa'caen ondiccupa tsain'bio a'ta tise dutssi'ye pa'chone inambani canse.

Génesis 44:13

Tsa'caen attesi tsendeccuja tisupa ondiccu'jema chitta'fa ñombi'ye'choma canjaeñe. Tsa'caen tsomba poiyi'cco tisumbema boronga andiamba toequi canqqueni ji'fa.

Job 1:20

Tsonsi Jobja jangipa tisu ñombi'ye'choma canjaeñe tise ondiccu'jema chitta ttova. Tsomba pa'cco tise tosema'qque fuchha catipa andenga puntssan dyaipa Chigama iñajamba

Números 13:30

Tsama pañamba Calebja Moisési'ccu afa'je'cho aindeccuma ziyaemba qquen su: —¡Jinge japa tsa'su aindeccuma joqquitssiamba tsa andema isuye! ¡Ingija osha'faya gi tsa andema itsaye!

Números 13:6

Judá aindeccu'su Caleb, Jefone dutssi'ye;

Números 13:8

Efraín aindeccu'su Oseas, Nun dutssi'ye;

Números 14:24

Jo'su ñama shondo'su Calebyi tsu tise injama'cho ccaninga'pa ñoa'me ñama ñotsse in'jamba paña. Tsa'cansi gi tisema antteya cuintsu tise can'ga'cho andenga ca'niñe. Toya'caen tise omba'su dushundeccu tsu tseni tsangae canse'faya.

Números 14:30

Nane ñoa'me gi su ni majañi'qque que'i'suja ña ñoa'metsse su'choi'ccu afeye su'cho andenga ca'ni'faya'bi. Jo'su Caleb, toya'caen Josuéyi tsu tsanga ca'ni'faya.

Números 14:38

Jo'su Josué toya'caen Calebyi tsu pambe pasa'fa.

Números 14:5

Tsonsi Moisés toya'caen Aarón poiyi'cco aindeccu caña'jen'ni camba'jui'ccu andenga puntssamba ccui'fa.

Números 14:7

poiyi'cco aindeccunga qquen su'fa: —¡Tsa ande ingi can'ga'choja ñoa'me ñotssia ande tsu!

Mateo 26:65

Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.

Marcos 14:63

Qquen susi Chigama afa'su na'suja iyicca'yepa tisu ondiccu'jema chi'ttapa su: —¿Toya ti shaca camba afasundeccuja?

Tson'fa'cho 14:14

Tsa'caen tson'jen'fasi Jesúsne afasundeccu Bernabé, Pablo'qque a'i in'jan'choma attepa tisupa ondiccu'jema chitta'fa. Tsa'caen tsu tson'fa a'i in'jan'choma se'pi'chove canjaeñe. Tsomba a'inga butto catsepa quia'me afa'fa:

Josué 7:6

Tsama pañamba Josuéja iyicca'yepa tisu ñombi'ye'choma canjaeñe in'jamba tisu ondiccu'jema chi'ttapa Chiga a'i'ccu injancco'fa'cho cafonga catsepa camba'jui'ccu andenga puntssan ccui. Nane cose'tsse tsu tsa'caen puntssan ccui. Israe'su coenzandeccu'qque tsa'caen tsomba ande'su totopa'ma tisupa tsovenga ganga'fa.