Números 14:43 - Cofán: Chiga Tevaen'jen

⁴³ Nane tayo tsu ronda'je'fa amalecitandeccu, cananeondeccu'qque que'i'ccu iyiccopa que'ima fitti'ttiye. Ñoa'me gi su tayo qui Na'su Chigama catisi tise'qque que'ima catipa ja'ñojan que'i'ccu jacambi.

Números 14:43 ပူးပေါင်းရင်းမြစ်များ

Levítico 26:17

Nane ña'qque que'i'ccu iyiccosi tsu que'i enemigondeccuja que'ima patsu'faya. Que'ima chi'gasundeccu tsu que'ima manda'faya. Faesu que'ima mandiambi'ma qui aqquia buttocan'faya.

Números 13:29

Néguevnijan amalecitandeccu tsu can'jen'fa. Ccotta'cco'su andenijan hititandeccu, jebuseondeccu toya'caen amorreondeccu can'jen'fa. Toya'caen mar otafa'ye Jordán naeni tsu cananeondeccumbe ande.

Números 14:25

Amalecitandeccu, cananeondeccu tsu tsa ande'su sinjunccuni can'jen'fa. Tsa'cansi que'ija tu'iyi toequi a'i menia tsa Cu'a marni ja'jengae ja'faja.

Números 14:42

Jambe can'faja. Na'su Chigaja que'i'ccu can'jembi. Que'i'ccu iyiccosundeccu tsu ai'yembitsse que'ima patsu'faya.

Números 14:44

Tsa'caen susi paña'ma tsendeccuja ti'tsse ccotta'cco'su ande se'fatssianga ansunde'fa. Tsa'ma Na'su Chiga a'i'ccu fae'ngae injancco'fa'cho cafon ni Moisés'qque canqque'ye tsendeccui'ccu fae'ngae sombombi.

Josué 7:12

Tsa'camba tsu israendeccuja tise'pai'ccu iyiccosundeccui'ccu cambajunaccu ccutsupa iyiccoye osha'fambi. Nane israendeccuja tisupa shacaemba tsa'caen tisupa sefaya'chove tson'da tsu ja'ñojan dyopa ccuya'je'faya'cho. Toya'caen ña sefaeña'cho manda'choma que'i uta'tsse sefaembian'da gi ñajan que'i'ccu ti'tsse can'jeña'bi.

Jueces 16:20

Dalilaja quian'me Sansónma fundo: —¡Sansón, injama'tse! ¡Filisteondeccu quema indiye ji'fa! Sansónjan qquendyapa in'jan: “Tayoe tsonqquia'caen tsomba tisuma ccushaeñe.” Tsa'ma atesumbi Na'su Chiga tisei'ccu can'jembi'choa've.