Números 14:35 - Cofán: Chiga Tevaen'jen

³⁵ Ña Na'su Chiga gi vama ñoa'metsse su: Tsa'caen gi va ega aindeccu fae'ngae bopa ñama chi'gasundeccunga tsoña. Va a'i menia tsu tise'pa sefaya'cho. Va'ttinga tsu pa'faya.

Números 14:35 ပူးပေါင်းရင်းမြစ်များ

Salmos 78:33

Tsa'cansi tsu Chigaja tise'pa canse'choma uta'tsse naniamba dyoqque'sui'ccu tise'pa can'jen'choma noñangian.

Éxodo 23:21

Tise'ye attufa'fajama. Tisema ñotsse paña'faja pañambiqquia'caen tsinconsa'ne. Nane tiseja ñoa'me ña'cantsse afa'su tsu. Que'i egae tsincon'choma aqque'paya'bi tsu.

Números 23:19

Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

1 Corinto'su 10:11

Chigaja ingi tayopi'su israe'su coenzandeccuma tsa'caen tson ingima candusiamba canjaeñe. Nane Chiga Tevaen'jenga tsane tevaen'fa cuintsu ingija osefaeña'cho a'ta napijisi can'jemba atesuye.

1 Corinto'su 10:5

Tsa'ma tsa'caen Cristone isu'a'qque vui'o a'imbipa Chiga in'janqquia'caen tson'fambisi Chigaja tise'pama cati. Catisi tsu a'i menia pa'fa.

Hebreo'su 3:19

Tsa'cansi gi in'jan'fa tsendeccuja Chigama pañañe chi'gapa Chigai'ccu tsangae opatsse can'jeña'chonga ca'ni'faya'bi.

Josué 5:6

Nane israendeccu cuarenta canqque'fave a'i menia jacamba poiyi'cco Egiptone sombo'cho tsandiendeccu, sundarove ca'niñe nepi'chondeccuja, tayo pa'fa. Nane tise'pa tayopi'su coenzandeccunga Na'su Chigaja andema afeye su, chocho toya'caen tuño cuñajun'cho'qque shacambitssia andema. Tsa'ma tsendeccu ñotsse pañambisi Na'suja tsendeccuma ñoa'me su'choi'ccu su cuintsu tise afeye su'cho andema attembe'yi pa'faye.