Números 14:22 - Cofán: Chiga Tevaen'jen

^22-23 Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Números 14:22 ပူးပေါင်းရင်းမြစ်များ

Génesis 31:41

Nane veinte canqque'fa pa'cco que tsaoni can'jensi qui tsa'caen ñanga tson. Catorce canqque'fa pa'cco gi que onquengendeccune sema. Toya'caen seis canqque'fa pa'cco que aiña'chondeccuma coiraye semasi qui anttembe'yi ña afepoen'choma cambi'bian.

Génesis 31:7

Tsa'caen semasi tiseja ñama afopoemba tsu anttembe'yi ña afepoen'choma cambi'bian. Tsa'ma Chiga Quitsaja se'pi cuintsu tise ñama egae tsoñe.

Job 19:3

Tsain'bie qui ñama afase'fa. ¿Tsa'caen tson'jemba ansange'fambi ti qui?

Salmos 106:14

Tseni, a'i menia tisupayi can'jemba tise'pa in'jangae in'jan'chove iñajamba Chigama qqueñacañe iñajan'fa.

Salmos 106:26

Tsa'caen tsonsi Chigaja tansintsse su'choma canjaeñe tivema yasapa qquen su: “Vandeccuja a'i menia pa'fasi

Salmos 78:41

Injanga tson'ñaccapa Chiga iyicca'yepa tson'jen'chove atesu'fa. Tsa'caen tsomba Israel Ñotssia Joccapitssia Chigama ñoquimbian'fa.

Éxodo 14:11

Tsomba Moisésnga su'fa: —¿Egipto andeninda ti atu'ttive me'i'on que tsene ingima somboensi jipa va a'i menia'ni paye? ¿Jongoesie qui ingima tsa'caen tsincon? ¿Jongoesie qui ingima Egiptone somboen?

Éxodo 15:24

Tse'ttinga tsu aindeccuja Moisésma afasepa qquen iñajampaña'fa: “¿Jongoesuma gi cu'ifaya?”

Éxodo 16:2

Tseni a'i menia aindeccuja Moisés toya'caen Aarónma afaseye ashaen'fa

Éxodo 17:2

Tsa'cansi tsu aindeccuja Moisési'ccu qquen afacco'fa: —¡Tsa'ccuma afeja ingi cui'ye! Tsonsi Moisésja su: —¿Jongoesie qui ñai'ccu afacco'fa? ¿Jongoesie qui Chigama noñangiancán'fa?

Éxodo 17:3

Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Éxodo 17:7

tsa'caen tsomba tse'ttima Meriba qquen inisian. Nane israendeccu afacco'fattisi tsa'caen inisian. Toya'caen Masah qquen inisian, israendeccu Chigama noñangiamba'ttisi. Nane noñangiancamba tsu qquen su'fa: “¿Can'jen miconde Na'su Chigaja ingi'ccu? ¿Tsambi'ta me'in?”

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Éxodo 5:21

Tsomba su'fa: —Cuintsu Na'su Chiga que'i ingima tson'choma attepa que'i injama'choma somboenjan. Nane que'i qui shacapa'fa faraón toya'caen tise mandasi semoeñe mandasundeccu'qque ingima chi'ga'fa'chone. Que'iyi qui tson'fa tise'pa ingima sema'moen cansepa sefaen'faya'chove.

Daniel 1:20

Pa'cco in'jamba atesuqque'suma na'su iñajampañasi tsendeccuja poiyi'cco Babilonia'su injama'padeqquia toya'caen o'fema camba ma'caen daya'chove atesu'chondeccuma ñoa'me ti'tsse'tsse atesupa conda'fa.

Números 11:1

Fae a'ta israendeccuja Na'su Chigama afaseye ashaen'fa tisupa ma'caen can'jen'chone. Tsa'caen afase'fa'choma pañamba Na'su Chigaja iyicca'yepa si'ngema moesi pa'cco tise'pa can'jen'cho utufa'ye setsa.

Números 11:4

Toya'caen israendeccui'ccu fae'ngae jacan'cho injanga cansesundeccu jo'su aña'choveyi añe injan'jen'fa. Faesu israendeccuma in'jaensi poiyi'cco i'nañe ashaemba su'fa: “¡Aña'cho te jiñe'can cuintsu ingi an'jeñe!

Números 12:1

María toya'caen Aarón Moisésma egae afaseye ashaen'fa. Nane Moisés Cus ande'su pushesuma pushesi tsa'caen afase'fa.

Números 14:11

Tsa'caen attiamba Na'su Chigaja Moisésnga su: —¿Mi'nge'e tsu aindeccuja ñama chi'gapa ‘Barembi tsu’ qquen su'je'faya? ¿Toya'caen mi'nge'e tsu ñame in'jambiqquia'caen canse'faya? Nane tsain'bitsse tise'panga ña oshacho'choma canjaensi atte'ma tsu ñame in'jan'fambi.

Números 14:2

Poiyi'cco tsendeccu tsu Moisés toya'caen Aarónma egae afapa qquen su'fa: “¡Egiptoni tsambi'ta va a'i menia pa'choecan'da bove ñotssiye'can!

Mateo 4:7

Jesúsja su: —Toya'caen tsu Chiga Tevaen'jenjan qquen su: “Chigaja que Na'su tsu. Tisema qqueñambe canjan.”

1 Corinto'su 10:5

Tsa'ma tsa'caen Cristone isu'a'qque vui'o a'imbipa Chiga in'janqquia'caen tson'fambisi Chigaja tise'pama cati. Catisi tsu a'i menia pa'fa.

1 Corinto'su 10:9

Na'su Chigama iyicca'yian qquen tsonjama. Majan ingi tayopi'su coenzandeccu tsa'caen tsonsi Chigaja iyoi'ccu tise'pama fi'tti.

Hebreo'su 3:9

Que'i tayopi'su coenzandeccuja tsa'caen a'i menia can'jemba Ñama pañambipa injanga Ñama patsu qquen tsincon'fa. Ñajan cuarenta canqque'fave tise'pama ñotsse tsonsi tsu atte'fa. Atte'ma toya in'jambipa Ñama patsu qquen tsincon'fa.