Números 14:14 - Cofán: Chiga Tevaen'jen

¹⁴ tsu Canaán andesundeccunga condase'faya. Nane tsendeccu'qque tsu que qquen su'choma paña'fa: ‘Queja, Na'su, israendeccui'ccu can'jemba cambajunaccu tise'pai'ccu afa'je; toya'caen que unjimba'cco'qque tise'pa canqque ombani dusepa a'taja unjimba'ccove attiamba tise'pama o'tie jayi; coseja si'ngeve attiamba tsa'caen jayi.’

Números 14:14 ပူးပေါင်းရင်းမြစ်များ

Génesis 32:30

Afasi Jacobja: “Tayo Chigama cambajunaccu atte'ma gi toya canse”–qquen supa tse'ttima inisian Penuel.

Salmos 105:39

Ja'fasi Chigaja tise'pama piccoye unjimba'ccoma attajaemba cose'qque si'ngei'ccu tise'pama attian.

Salmos 78:14

A'tanijan unjimba'ccoi'ccu fuitepa canjaen'jen maningae ja'faya'chove. Cose'qque si'ngei'ccu sefane chanjiemba canjaen'jen.

Éxodo 33:11

Nane Chigaja Moisési'ccu cambajunaccu tisu amigoma'caen condasecco'je. Tsa'caen condase nanimba Moisésja canqqueni ji'je. Tsa'ma tisema shondo'su Josué, tsa pushe me'choa Nun dutssi'yeja, minga'ni'qque joqquitssi'jembi tsa carpa tsa'o'ye.

Éxodo 33:16

Nane tsa'caen que fuitecambian'da gi faesu aindeccui'ccu fae'ngatssia've da'faya. Tsa'ma que ingi'ccu fae'ngae jacamba fuite'yi'ta gi in'jan'fa ingija que aindeccu'fa toya'caen que ingima ñotsse in'jan'chove'qque.

Éxodo 40:38

Nane tsa'caen tsu tson'fa poi israendeccu'su jacan'cho canqque'fa. Poiyi'cco israendeccu tsu poi a'ta Na'su Chiga unjimba'ccoma atte'fa Chigai'ccu cachuicco'je'ttimbe ombama. Toya'caen tsu poi cose ombanga si'ngema atte'fa.

Números 10:34

Toya'caen poi a'ta tise'pa jaye sombo'fa'ninda tsu Na'su Chiga unjimbaja tise'pambe omba'ye jayi.

Números 12:8

Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Juan 14:9

Jesúsja tisema su: —Felipe, va pa'tsse que'i'ccu can'jen'ma ¿toya ti qui ñama atesumbi? Majan ñama atte'ta Chiga Quitsama'qque tsu atte'fa. ¿Ma'caen qui ja'ñojan su: “Chiga Quitsama inginga attianjan.”?

1 Corinto'su 13:12

Ja'ño gi sara'cho'a cancconga canqquia'caen ñotsse a'tatsse atte'fambi. Tsa'ma tsequi a'ta gi camba'juve atteqquia'caen ñotsse in'jan'faya. Ja'ño gi enttingeveyi atesu'fa. Tsa'ma tsequi a'ta gi pa'tssima atesupa in'jan'faya. Chiga ñama atesuqquia'caen gi pa'tssima atesu'faya.

Deuteronomio 34:10

Tsa'ma faesu Chiga aya'fama afa'suja Moisés'cantsse Israelnga attiambi. Nane Moisésja Na'su Chigai'ccu cambajunaccu condasecco'je.

Josué 5:1

Na'su Chiga Jordánma samboensi israendeccu ise'choma pañamba chiga amppi'jeni canjensundeccu, tsa amorreo'su nasundeccu toya'caen mar otafa'su cananeo'su nasundeccu'qque ñoa'me dyopa tise'pa injama'choni chape'fa. Nane dyojo'fa tsu israendeccui'ccu iyiccoye.

1 Juan 3:2

Ña in'jan'chondeccu, ja'ño gi Chiga dushundeccu'fa. Toya atesu'fambi gi ingi jai'ngae ma'caen daya'chove. Tsa'ma atesu'fa gi Jesucristo jisi tise ma'ca'me'qque attepa gi tisia'caeñi da'faya.