Números 13:22 - Cofán: Chiga Tevaen'jen

²² Nane Néguevma panshamba Hebróni nepi'fa. Hebróni tsu can'jen'fa Ahimán, Sesai toya'caen Talmai. Tsendeccuta tsu Anac omba'su dushundeccu. Hebrón canqque tsu Egipto'su Zoan canqquema o'tie ñoña'cho siete canqque'fave panshan'cho.

Números 13:22 ပူးပေါင်းရင်းမြစ်များ

Génesis 13:18

Tsa'caen susi Abramjan pa'cco tise an'bian'choma ñoñamba Hebrón canqque pporotsse japa ccotta'cco'su roble quini'ccoccuni can'jen. Tseni'su na'suja Mamre tsu. Tseni can'jemba Abramjan Chiganga afeye oque'je'choma ccutsian Na'su Chigama iñajañe.

Génesis 23:2

Quiriat-arbani pa. Tsa Quiriat-arba tsu Canaán andeni'su Hebrón canqque. Sara pasi Abrahamjan ñombi'yepa i'na.

Salmos 78:12

Nane tise'pa yayandeccu can'jeinte Chigaja osha'choma tise'panga canjaen. Egipto andeni'su Zoáni tsa'caen tsomba

Salmos 78:43

Nane Egipto'su Zoán andeni osha'cho canjaen'choi'ccu tise'pai'ccu iyiccosundeccuma patsu'choma'qque aqque'pa'fa.

Números 13:17

Moisésja cuintsu Canaán andema a'tutsse camba atesu'faye moe'jemba qquen su: —Néguev andenga japa ccotta'cco'su andeni ja'faja.

Números 13:28

Tsa'ma tseni'su aindeccuja ñoa'me osha'faya'cho tsu. Toya'caen tise'pa canqqueja ñoa'me randepa ñotsse ttu'choni tsa'oja sheque. Toya'caen tsenima gi atte'fa rande a'i, Anac omba'su dushundeccuma.

Números 13:33

Toya'caen gi atte'fa tsa rande a'i Anac omba'su dushundeccuma'qque. Ingita gi tisupama in'jan'fa ttombia'cancho'cco. Nane tsendeccu'qque tsu tsa'cancho'ccoe ingima caña'jen'fa.

Deuteronomio 9:2

Tsa canqqueni can'jensundeccu tsu tayopi'su Anac dutssiyendeqquia'caen dyo'jinma bia'a aindeccu. Nane Anacja dyo'jin'onsi tsu a'ija su'fa, ‘Majañi'qque tsu Anac dutssiyendeccui'ccuja iyicco'faya'bi.’