Números 12:8 - Cofán: Chiga Tevaen'jen

⁸ Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Números 12:8 ပူးပေါင်းရင်းမြစ်များ

Génesis 32:30

Afasi Jacobja: “Tayo Chigama cambajunaccu atte'ma gi toya canse”–qquen supa tse'ttima inisian Penuel.

Salmos 49:4

Settapoen'choi'ccu condasesi paña'faja. Gitara'ca'ma jeñamba a'tutsse conda'choma gi a'tatsse afaya.

Éxodo 19:19

Toya'caen tsonjen'cho jen'jen'cho'qque ti'tsse quian'me je'ñacca'ni Moisés afasi Chigaja tsanda afaqquia'caen afa.

Éxodo 20:4

“Ñoña'cho chiga'can'me ñoñajama. Ni sefani jinqque'suve, ni andeni jinqque'suve, ni ande tsosini'su marni jinqque'suve chiga qquen ñoñajama.

Éxodo 33:11

Nane Chigaja Moisési'ccu cambajunaccu tisu amigoma'caen condasecco'je. Tsa'caen condase nanimba Moisésja canqqueni ji'je. Tsa'ma tisema shondo'su Josué, tsa pushe me'choa Nun dutssi'yeja, minga'ni'qque joqquitssi'jembi tsa carpa tsa'o'ye.

Éxodo 33:19

Tsa'ma Na'su Chigaja su: —Pa'cco ña ñotssiama gi quenga canjaeña. Toya'caen ña inisema'qque gi quenga condaya. Nane majama ña in'jan'da tsama gi mende'ye.

Éxodo 33:23

Tsomba ña tivema joqquitssiansi qui ña sepaccoma atteye oshaya. Tsa'ma ña camba'juma atteya'bi qui.

Éxodo 34:30

Tsa'caen Moisés camba'ju chanjun'choma attepa Aarón toya'caen poiyi'cco israendeccu ñoa'me dyopa tisenga catse'fambi.

Números 14:14

tsu Canaán andesundeccunga condase'faya. Nane tsendeccu'qque tsu que qquen su'choma paña'fa: ‘Queja, Na'su, israendeccui'ccu can'jemba cambajunaccu tise'pai'ccu afa'je; toya'caen que unjimba'cco'qque tise'pa canqque ombani dusepa a'taja unjimba'ccove attiamba tise'pama o'tie jayi; coseja si'ngeve attiamba tsa'caen jayi.’

Mateo 13:35

Tsa'caen tsu atesian'jen tayopi'su Chiga Aya'fama afa'su qquen suqquia'caen tsoñe: Condase'chongaeyi gi condapa atesiaña. Andema agattointene condambi'choama gi ja'ño condaya.

Lucas 10:16

Majan que'ima paña'da ñama tsu paña'fa. Majan que'ima chi'ga'ta ñama tsu chi'ga'fa. Majan ñama chi'ga'ta ñama moen'su Chiga Quitsama'qque tsu chi'ga'fa.

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

Juan 15:15

Tsa'camba ja'ño que'ima suya'bi gi “shondosundeccu”. Nane shondosundeccuja atesu'fambi na'su tson'choma. Tsa'ma osha'cho ña Yaya ñanga su'choma gi que'inga tayo conda. Tsa'camba gi ja'ño ñajan que'ima suya “ña in'jan'chondeccu.”

Juan 15:24

Ña cca'i canjaen'choma ti'tsse canjaembiecan'da tise'paja shacapa'biye'can tsu tise'pa egae tsincon'chone. Tsa'ma ja'ño tsendeccuja osha'choma ña tsonsi atte'a'qque ñama chi'gapa ña Yayama'qque chi'ga'fa.

1 Corinto'su 13:12

Ja'ño gi sara'cho'a cancconga canqquia'caen ñotsse a'tatsse atte'fambi. Tsa'ma tsequi a'ta gi camba'juve atteqquia'caen ñotsse in'jan'faya. Ja'ño gi enttingeveyi atesu'fa. Tsa'ma tsequi a'ta gi pa'tssima atesupa in'jan'faya. Chiga ñama atesuqquia'caen gi pa'tssima atesu'faya.

2 Corinto'su 3:18

Tsa'cansi gi poiyi'cco cambajuma fanangombe'yi canccoa'caen Na'su a'tatssia'ma attepa canjaen'fa. Ingi'qque Tisia'caen a'tatssia've gi da'fa. Ja'ño re'ricco a'tatssia've dapa jai'ngae gi ti'tsse tisia'caen a'tatssia've da'faya. Nane Na'suve in'jansi Tise Qquendya'paja tsa'caen in'jaemba ingima ñotsse tson'jen.

Deuteronomio 34:10

Tsa'ma faesu Chiga aya'fama afa'suja Moisés'cantsse Israelnga attiambi. Nane Moisésja Na'su Chigai'ccu cambajunaccu condasecco'je.

Colosa'su 1:15

Chiga Quitsaja atte'masia. Tsa'ma Jesúsja tsa'suyi tsu. Toya andeve aga'ttoembi'te Jesúsja canse.

1 Tesalónica'su 4:8

Tsa'cansi majan va atesian'choma pañamba chi'ga'ta aqquia a'i su'choma chi'gaya'bi tsu. Ñoa'me Chiga su'choma tsu chi'gaya. Tsa Chigayi tsu inginga afe Tise Qquendya'pama ingi ñotssiave da'faye.

1 Timoteoga 6:16

Chiga Quitsayi tsu ñoa'me pa'masia. Tise ñotssiaye chanjunsi ni majañi'qque Tisenga catse'fambi. Nane a'ija Tisema attembipa ñoa'me atteye osha'fambi. Tisene gi tsangae ñotsse afa'faya'cho. Tsangae tsu Tiseja osha'choma oshacho. Tsangaeyi.

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Hebreo'su 1:3

Dutssi'yeja tsa'caen an'biamba tise joccapitssia aya'fai'ccu tsu osha'choma tansintsse manda'je. Chigaja a'tatssipa joccapitssiasi tise'qque tsa'caen joccapitssia tsu. Ma'caen Chiga jincho'nijan tise'qque tsa'caeñi tsu jincho. A'i egae tsincon'chone ccushaeña'choma nanimba tsu tiseja Chiga sefacconi ansundepa Chiga tansinfanga dyaipa Chigai'ccu manda'je.

2 Pedro 2:10

Ti'tsse tsu vanaeña'cho tsangae in'jangae cansesundeccuma. Tsendeccuja osha'cho egave in'jamba manda'su na'suma'qque chi'ga'fa. Nane tisupa in'jan'choveyi in'jamba janjaen'fambipa dyo'fambi sefacconi'su joccapitssia nasundeccuma afaseye.

Judas 1:8

Tsama in'jan'ma tsu tsa egae atesiansundeccuja ayoni canseqquia'caen injanga egae tsincomba tisuma daño'fa. Chiga tise'panga manda'choma chi'gapa tsu ti'tsse joccapitssia nasundeccuma'qque afase'fa.