Números 11:24 - Cofán: Chiga Tevaen'jen

²⁴ Moisés carpane sombopa japa aindeccunga conda Na'su Chiga tisenga su'choma. Toya'caen setenta israe'su coenzandeccuma boñamba tise cachuicco'je'cho carpanga shoquendi'e ccutsian.

Números 11:24 ပူးပေါင်းရင်းမြစ်များ

Génesis 3:24

Tsandiema tteyamañamba dos Chiga sefacconi'su sundarondeccuma ccutsian Edéni'su jombachoccu sombo'ttinga. Nane tseni Edénima chiga sombo'jefanga tise'pama ccutsiamba si'nge matichima'qque manda cuintsu ccafa ccafa ccafa jaye majan tsa Cansiaña'cho Quini'cconga já catsesa'ne.

Números 11:16

Tsama pañamba Na'su Chigaja su: —Setenta israe'su coenzandeccuma ñambe boñajan majama que poiyi'cco israendeccuma manda'jeya'chone in'jan'chondeccu'suma. Tsendeccuma ipa ñai'ccu cachuicco'je'tti'su carpani tise'pai'ccu ronda'jeja.

Números 11:26

Toya'caen dos tsandie, Eldad, Medad'qque tsa setentave ttu'secho'su tsa carpani jambi'ma toe canqqueni can'jen'fa. Tsa'caen can'jen'fa'ni'qque Chiga Qquendya'paja tise'panga'qque ca'nisi canqquene Chiga Aya'fama afaye ashaen'fa.