Números 11:23 - Cofán: Chiga Tevaen'jen

²³ Tsa'caen susi Na'su Chigaja su: —¿In'jan ti qui tsata tsu re'ricco ñane'jan? Ja'ño qui atteya ña suqquia'caen ña ñoa'me tson'choma.

Números 11:23 ပူးပေါင်းရင်းမြစ်များ

Génesis 18:14

¿Oshambi ti Na'su Chigaja osha'choma oshapa tsa'caen tsoñe? Nane ñoa'me fae canqque'fa pasasi ña ccase jisi tsu Saraja tsandie du'shuve isuya.

Salmos 78:41

Injanga tson'ñaccapa Chiga iyicca'yepa tson'jen'chove atesu'fa. Tsa'caen tsomba Israel Ñotssia Joccapitssia Chigama ñoquimbian'fa.

Éxodo 6:1

Tsama pañamba Na'su Chigaja su: —Ja'ño qui atteya ña faraónga tsoña'choma. Nane jo'su vanae'choi'ccuyi tsu antteya cuintsu que'i tise ande'ye sombo'faye. Toya'caen tsa'caen vanamba tsu tise'yi que'ima tteya moeña.

Isaías 59:1

Na'su Oshacho'choja ingima ccushaeñe oshambi'bi tsu inginga nepipa ingima ccushaeñe. Ni tsosinambia'caen ingima pañañe oshambi'bi tsu.

Jeremías 32:27

“Ña gi Na'su, Osha'cho Cansian Jinchombe Chiga. Me'i'on tsu ña oshambi'choa've.

Daniel 6:20

Tayo pporotsse japa na'suja ñoa'me ñombi'ye'cho aya'fai'ccu Danielma qquen afa: —Daniel, Cansian Chigama shondo'su, ¿que Chiga, tsa que ñoa'me in'jamba tsain'bitsse shondocan'chota ti ttesindeccu'ye quema ccushaeñe osha?

Números 11:22

¿Mani tsu tsain'bitssi oveja toya'caen vaura'qque jiña tsama fi'ttipa tsa pa'tssi a'inga afeye'ta? Mapán mar'su avuma pa'ccoma afe'ni'qque nepiya'bi tsu poiyi'cconga.

Números 23:19

Chigaja ingi a'ia'cambipa afopoembi ni cambiaña'bi. Nane tise ma'caen su'ta tsu tsa'caen tsoña. Tise ñoa'me tsoña qquen su'ta tsu tsa'caen tson.

Mateo 19:26

Tsa'ma Jesús tise'pama camba su: —A'ija tsa'caen osha'fambi. Tsa'ma Chigaja osha'choma oshacho.

Mateo 24:35

Nane sefacco, ande'qque pasaya. Tsa'ma ña aya'faja pasaya'bi. Ñoa'me su'cho tsu. Ña suqquia'caen tsu daya.

Lucas 1:37

Nane Chigaja osha'choma oshacho.