Nehemías 2:4 - Cofán: Chiga Tevaen'jen

⁴ —¿Ma'caen gi quenga tsoña? Tsa'caen susi gi injama'choi'ccu sefacconi'su Chigama iñajamba

Nehemías 2:4 ပူးပေါင်းရင်းမြစ်များ

1 Reyes 3:5

Fae cose Salomón Gabaóni can'jemba ayo'osi Na'su Chiga tisenga attiamba su: “Jongoesuve in'jan'da ñama iñajanjan. Ña gi afeya.”

Nehemías 1:11

Chigáne Na'su, ña quema iñajansi, toya'caen quema shondosundeccu iñajansi, pañamba tsa'caen tsonjan. Nane avujatsse gi quema ñotsse afa'je'fa. Toya'caen ña na'suni japa iñajansi tisema in'jaenjan cuintsu ñame in'jamba ña iñajan'choma afeye.”

Nehemías 1:4

Tsama pañamba gi i'namba ñombi'yepa ambe'yi asettupa sefani canjen'su Chigama iñajamba qquen su:

Nehemías 1:5

“Ñoa'me dyo'tssia Na'su sefacconi canjen'su Chiga, majan que manda'choma pañamba tson'sui'ccu, toya'caen majan queve in'jan'chondeccui'ccu tsangae injancco'su;

Nehemías 2:20

Tsa'ma ñajan qquen su: —Na'su, Sefacconi'su Chiga tsu ingima fuiteya. Ingija, tisema shondosundeccuyi gi canqque'su ttuccuma ccase ccutsian'faya. Nane que'ija ca'ni'faya'bi qui ingi'ccu semañe.

Nehemías 2:5

qquen na'sunga su: —Que Ti'tsse'tssia ñame in'jan'da, toya'caen ña ja'ño iñajan'cho ñotssisi in'jan'da, chigáne ñama manda moejan Judá andeni, ña yayandeccu'ye ccui'fa'cho canqqueni, ña japa ccase tsesuve ñoñañe.

Proverbios 3:6

Jongoesuma tsoñe in'jan'da o'tie Na'suma in'janjan. Tiseja que tsaiquima tansianqquia'caen quema fuiteya ñotsse tansintsse in'jamba canseye.

Marcos 10:51

Tise catsesi Jesúsja iñajampaña: —¿Jongoesuve ña tsoñe qui in'jan? Tsonsi binijan su: —Na'su, atte'jeye gi in'jan.

Tson'fa'cho 23:19

Tsonsi coronelja du'shu tive'ye fendepa ccani anga faesu paña'fasa'ne. Tsomba iñajampaña: —¿Jongoesuma qui ñanga condaya?

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.