Nehemías 2:12 - Cofán: Chiga Tevaen'jen

¹² cose jangipa majan faesu tsandiendeccui'ccu canqquema can'su ja. Nane toya majangayi'qque condambi gi Na'su Chiga ñama in'jaensi Jerusalénma ma'caen tsoña'choma. Ñajan boronga otsepa jasi ñai'ccu fae'ngae jacansundeccuja tsu'ttengae tsuipa ja'fa.

Nehemías 2:12 ပူးပေါင်းရင်းမြစ်များ

Nehemías 2:11

Osefa'poe gi Jerusaléni nepi. Tseni tres a'ta can'jemba gi

Nehemías 2:13

Tsequi cose Sinjunccu'su sombo'tti'ye sombopa Vatova tsa'ccu sombo'jengae pashamba Cati'je'cho sombo'ttinga nepi. Nepipa gi Jerusalén canqque'su patu ttuccuma atte'fa tayo amppi sheque'choma, toya'caen canqque'su sombo'ttima tayo oque'fa'choma.

Salmos 51:18

Que tsa'caen in'jan'da Ziónga ñotsse tsonjan. Jerusalén canqque'su patu ttuccuma ccase ttuja.

Jeremías 31:33

Nane qquen tsu ña tsequi a'ta Israeli'ccu fae'ngae injanccoya'cho: Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Tise'pa tsa'caen ña aindeccuve dasi gi ñajan tise'pa Chigave daya. Ña, Na'su Chiga gi que'inga conda.

Jeremías 32:40

Toya'caen tise'pai'ccu gi tsangae fae'ngae injancco'fa'chove afaya. Ñoa'metsse su'choi'ccu gi tise'panga qquen condaya: Anttembe'yi gi tise'panga ñotsse tsomba in'jaeña cuintsu anttembe'yi ñame in'jamba paña'faye.

Miqueas 7:5

Tisupapora in'jamba afa'choma pañajama. Que injama'cho in'jan'choma'qque que ñotsse in'jan'chonga condajama. Nane que pushenga jongoesuma condase'je'ta injan'jeñi condaseja.

Mateo 10:16

Que canjan, opa ovejama mandamoenqquia'caen gi que'ima ega aindeccunga moeñe tson'jen. Tsendeccuja putsa'su ain'caen que'ima noñangian'faya. Noñangia'nijan iyo injama'pa'caen ñotsse in'jan'faja. Ppuppuju'cho egave atesumbiqquia'caen can'jen'faja.

Mateo 2:14

Tse'faei'ccuyi José qquendyapa jangi. Jangipa toya sinttia'ni du'shu Jesúsma, tise chama'qque qquendyaemba sombo'fa Egipto andeni jaye.

2 Corinto'su 8:16

Ña que'ima in'janqquia'caen Tito'qque fae'ngae que'ima in'jan. Chiga tisema tsa'caen in'jaensi gi avujatsse Chiganga ñotsse afa.

Canjaen'cho 17:17

Nane Chiga Quitsa tsu tsa diez ande'su nasundeccuma tsa'caen in'jaeña cuintsu Tise in'jan'chove tson'faye. Nane fae'ngae in'jamba dyo'ccoa cocoyanga tisuma afe'fa cuintsu mandaye. Tsa'caen afesi dyo'ccoa cocoya tsu tise'pama mandaya pa'cco Chiga su'choma naniña'gae.

Jueces 6:27

Tsa'caen susi Gedeónjan diez tise'be semasundeccui'ccu Na'su mandaqquia'caen tson. Tsa'ma tise antiandeccuma toya'caen tsa canqque'su tsandiendeccuma dyojopa cose tsa'caen tson. Ñoa'me dyojopa a'taja tson'fambi.