Nehemías 1:3 - Cofán: Chiga Tevaen'jen

³ Iñajampañasi tsu qquen condase'fa: “Tsa patsuyepa ccuyapa can'jen'chondeccuja ñoa'me aiye'pave dapa vana'jen'fa. Nane Jerusalénma patu ttuccuja pa'cco tsu asittaye'cho. Toya'caen tsa'su sombo'ttima picco'je'choma'qque tsu pa'ccoma si'ngei'ccu oque cati'cho.”

Nehemías 1:3 ပူးပေါင်းရင်းမြစ်များ

2 Reyes 25:10

Pa'ccoma oque catisi tisei'ccu jacan'su caldeo'su sundarondeccuja Jerusalén'su patu ttuccuma'qque asitta'fa.

Esdras 2:1

Majan Judá andeni isu'cho israendeccu Nabucodonosor angasi Babiloniani jipa can'jen'chondeccu ja'ño toequi Jerusaléni toya'caen faesu Judá'su canqqueni ja'fa.

Nehemías 2:13

Tsequi cose Sinjunccu'su sombo'tti'ye sombopa Vatova tsa'ccu sombo'jengae pashamba Cati'je'cho sombo'ttinga nepi. Nepipa gi Jerusalén canqque'su patu ttuccuma atte'fa tayo amppi sheque'choma, toya'caen canqque'su sombo'ttima tayo oque'fa'choma.

Nehemías 2:17

Tsa'camba gi ja'ño tise'panga su: —Que'i in'janqquia'caen ingija ñotsse can'jen'fambi. Nane Jerusalén canqque'su patu ttuccu amppi shequepa sombo'tti'qque tayo oque'cho. ¡Chigáne ñama fuite'faja! ¡Jinge fae'ngae semamba Jerusalén canqque'su ttuccuma ccase ccutsiañe cuintsu cca'indeccu ingima afase'choma antte'faye!

Nehemías 2:3

na'suma chigambiamba qquen su: —Ti'tsse canseja Ti'tsse'tssia. ¿Ma'caen gi ñombi'ye'je'chove attiambi'ya tsa ingi yayandeccu'ye ccui'fa'cho canqquema metsse tsomba toya'caen tise sombo'ttima metsse oque cati'fa'ninda? Ña tsa'caen susi tsu na'suja su:

Proverbios 25:28

Majan a'i tisu injan'choma an'biañe oshambi'ta tsu canqque ttu'cho me'choa tisuma ccushaeñe oshambiqquia'caen jincho.