Nehemías 1:11 - Cofán: Chiga Tevaen'jen

¹¹ Chigáne Na'su, ña quema iñajansi, toya'caen quema shondosundeccu iñajansi, pañamba tsa'caen tsonjan. Nane avujatsse gi quema ñotsse afa'je'fa. Toya'caen ña na'suni japa iñajansi tisema in'jaenjan cuintsu ñame in'jamba ña iñajan'choma afeye.”

Nehemías 1:11 ပူးပေါင်းရင်းမြစ်များ

Génesis 24:42

“Tsa'caen susi jipa gi ja'ño a'ta posonga nepipa Na'su Chiga, tsa ña na'su Abraham Chigama qquen iñajan: ‘Ñoa'me ñama fuitepa ñotsse i'ta

Génesis 32:11

Chigáne ña antian Esaú fi'ttisa'ne ñama ccushaenjan. Ñoa'me gi dyojo tise jipa ingima patsupa pushesundeccu, dushundeccuma'qque fittittisa'ne.

Génesis 32:28

Tsa'caen susi a'ija su: —Ti'tsse quema Jacob qquen afambipa Israel qquen tsu afa'faya. Nane queja Chigai'ccu, aindeccui'ccu iyiccopa patsusi tsu tsa'caen quema afa'faya.

Génesis 40:1

Can'jensi omboen tsu Egipto'su na'su faraónga tasama afe'su toya'caen panma matssan'su'qque tise'pa na'su in'jambi'choa've tson'fa.

Génesis 40:2

Tsa'caen tson'fasi na'su faraón tsa dos tisema shondosundeccuma, tasama afe'su na'su toya'caen panma matssan'su na'suma'qque iyicca'yepa

Génesis 40:21

Isi tasama afe'su na'suma ccase tise semaqque'sungayi ca'niansi ccase faraónga tayoa'caeñi angapa cuiña'suve da.

Génesis 40:23

Tsa'caen ccusha'ma tasama afe'su na'suja Joséne in'jambitssi.

Génesis 41:9

Tsa'caen osha'fambisi tasama afe'su na'suja faraónga su: —Ja'ño gi injanjangi ña aqque'papa egae tson'jen'choma.

Génesis 43:14

Tsa Chiga Osha'choma Oshacho'cho tsu tisema in'jaeña cuintsu que'ima mendeyepa faesu que'i antian Simeónma fettapa Benjamínma'qque mingae tsombe'yi antteye. Ñajan, mapán du'shu me'ccoe da'a'qque cuin'qque gi tsa'caen me'ccoe daya.

Esdras 1:1

Persia ande'su na'su, Ciro, mandaye ashaensi tsa canqque'fanga Na'su Chigaja tisema in'jaen cuintsu Chiga aya'fama afa'su Jeremías, Na'su tayopi mandasi suqquia'caen tsoñe. Tsa'caen in'jaensi Ciroja tsama in'jamba qquen tevaemba ma'da máñejan cuintsu poi tise manda'je'cho canqqueni japa tsama conda'faye:

Nehemías 1:6

Chigáne, ña, a'ta toya'caen cose'qque quema shondo'su israendeccune quema iñajan'choma pañamba tsa'caen tsonjan. Atesu gi ingi israendeccu gi quenga egae tsincon'fa. Nane ñoa'me ña'su aindeccu, toya'caen ña'qque gi tsa'caen egae tsincon.

Nehemías 2:1

Na'su manda'je'cho veinte canqque'fave nepisi tsa Nisán ccovuni gi fae a'ta tisenga cui'ñañe vinoma isi tsu na'suja ña ñombi'ye'je'choma atte.

Nehemías 2:8

Toya'caen gi faesu tevaen'jeme iñajan na'sumbe tsampima coira'su Asafnga afeye cuintsu tsaja osha'cho quini'ccoma ñanga afeye. Afesi mesave somboemba Chiga etti pporotsse'su sundaro etti'su sombo'ttima toya'caen ttuccu'su sombo'ttima'qque ccase ñoñamba ña tsa'ove'qque tsao'ñañe. Ña tsa'caen iñajansi tsu Na'su, ña Chiga, ñama ñotsse fuitesi na'su Artajerjesja osha'cho ña iñajan'choma ñanga afe.

Salmos 106:46

Nane Na'su ccaningae tsomba in'jaensi Israelma patsusundeccu'qque tise'pama mende'yepa ñotsse tson'fa.

Hebreo'su 13:18

Ingine Chigama iñajan'faja. Injama'choni Chiga in'janqquia'caen in'jamba gi osha'chone ñotsse tson'fa qquen gi in'jan'fa. Toya'caen ti'tsse tsa'caen tsoña'chove gi in'jan'fa.