Miqueas 5:3 - Cofán: Chiga Tevaen'jen

³ Ja'ño Na'suja tise aindeccuma re'riccone catiya, maqui suri aiye'jepa isuya'ngae. Nane tsequi a'ta tsu poiyi'cco tise antiandeccu, ccani japa can'jen'chondeccu, jipa poiyi'cco israendeccui'ccu bo'faya.

Miqueas 5:3 ပူးပေါင်းရင်းမြစ်များ

Isaías 11:11

Toya'caen tsequi a'ta Na'suja tise Osha'choma Oshacho'choma canjaemba tise aindeccu'su toya tise've in'jan'chondeccuma ccase ttu'se boñaña. Nane Asiriani toya'caen Egiptonima ttu'se boñamba Patros, Etiopía, Elam, Sinar, Hamat toya'caen poi marni'su andenima'qque tise'pama ttu'sepa boñaña.

Jeremías 23:5

Na'su Chigaja tansintsse conda: “Jai'ngae gi antteya shoyo'choqquia'caen na'su David omba'su dutssi'ye na'suve dapa ñotsse in'jamba ñotssiaveyi tsomba tansintsse poi aindeccuma mandaye.

Oseas 11:8

Efraíndeccu: ¿Ma'caen gi quema catiya? Ju, que'i israendeccu: ¿Ma'caen gi quema antteya? ¿Osha ti gi Adma canqquema sefaenqquia'caen que'ima'qque sefaeñe? Nane ¿Osha ti gi Zeboimma tsonqquia'caen que'ima'qque tsoñe? ¡Me'in! Injama'cho tsosipie que'ima ñotsse in'jansi ña in'jan'choja ccaninga tsu.

Miqueas 4:4

Tsa'ma poi a'i opatsse cansepa tisupa o'fa tsaja ccaqueje tumbianccuni, tsambi'ta tisupa higuera tsosiccuni dyai'faya. Na'su Osha'choma Oshacho'cho tsa'caen susi ¿majan tsu tise'pama dyoñaña?

Mateo 1:21

Tsandie du'shuve tsu isuya. Tise aindeccuma tsu tise'pa egae tsincon'cho'ye ccushaeña. Tsa'cansi tisema qui inisian'faya Jesúsve. Jesús qquenda tsu ccushaen'su qquen su.

Mateo 12:50

Nane poiyi'cco majan Chiga ña Sefacconi'su Quitsa aya'fama pañamba tsa'caen tson'da ñoa'me ña quinshin, ña que'tte, ña mama'can'fa tsu.

Mateo 25:40

Qquen iñajampañasi na'su tsu suya: “Ñoa'me gi su: Osha'cho jongoesuve qui va ñame in'jamba utu'ccoandeqquianga ñotsse tson'da qui ñanga'qque tson.”

Romanos 8:29

Nane Chigaja tsa'caen tayoe in'jamba ingi toya meinte ingine tsa'caen antte cuintsu Jesucristoa'caen da'faye. Tsa'caen tsu in'jan cuintsu Jesucristoja ingi poiyi'ccombe joccapitssia quindyave daye.