Miqueas 5:2 - Cofán: Chiga Tevaen'jen

² “Tsa'ma que Judá ande'su Belén Efrata canqque, mapán faesu Judá'su canqquema bove'cconi'qque, que'ye tsu ande na'suja somboya Ña a'i israendeccuma mandaye. Tiseja me'ttia'ye can'jemba tsu tayopi'su aindeccu'su.

Miqueas 5:2 ပူးပေါင်းရင်းမြစ်များ

Génesis 35:16

Can'jemba Betelne sombo'fa Efratani jaye. Tsa'ma toya Efratani nepimbi'te Raquel du'shuma isuya'cho nepi. Nane ñoa'me vanamba isu.

Génesis 35:19

Tsa'caen Raquel pasi Efrata'su tsaiquinga a'tu'fa. Tsa tsu ja'ñojan Belén.

Génesis 48:7

Nane ñajan Padan-aramni japa shandapa jiñasi que mama Raquelja pa. Nane Canaán andeni nepipa toya Efratani nepimbe'yi tsu pa. Tsa'caen pasi gi Efrata'su tsaiquinga a'tu. Tse'tti tsu ja'ñojan Belén.

Génesis 49:10

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

Isaías 11:1

Shoyo'cho quini'cco setsa'cho'ye sho'yoqquia'caen tsu tiseja Isaí omba'su dutssiyendeccu'ye attiaña.

Isaías 53:2

Nane Na'suja in'jan cuintsu tisema shondo'su jonqquia'caen santssia ande'ye sho'yoye. Ñotsse attiambi ingi tise've in'jan'faye. Ñotssimbi ingi tisenga catse'faye.

Isaías 55:4

Nane tisema gi ccutsian cuintsu poi ande'su aindeccunga canjaemba poi canqque'su aindeccuma nafattiañe.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Oseas 6:3

¡Jinge quin'tsse tta'tta'faye Na'suma atesuye! Nane coejechiga pasambi'tsse sinte sombo'jeqquia'caen tsu Na'suja ñoa'metsse jiya. Unjin sanfani toya'caen coejefani tuiye ashaenqquia'caen tsu tiseja ñoa'metsse jiya.

Amós 9:11

“Tsa'o osui'choma ccase tsao'ñaqquia'caen gi ccase David'can na'suma ccutsiaña. Ttuccu asittaye'choma gi tayoa'caen ccase cuname ñoñamba ccutsiaña

Zacarías 13:7

Na'su Osha'choma Oshacho'choja qquen su: “¡Qquendyaja matichi, jangipa ña ovejama coira'suma fi'ttija! ¡Tsa ñama fuite'suma fi'ttija! Nane coira'suma fi'tti'ninda oveja tsu shequequin ja'faya. Toya'caen gi ccase jipa oveja dushundeccuma'qque fi'ttiya.

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Mateo 2:1

Jesúsja Belén canqqueni isu'cho. Judea ande'su canqque tsu. Herodes na'suite tsu Jesúsma isu'cho. Tsa'caen isusi biani'su injama'pandeqquia tisema can'su ji'fa. Chiga sombo'jene jipa Jerusaléni ca'nimba

Mateo 2:6

Queja Judá ande'su Belén canqque, Faesu Judá'su canqquema bove'ccombi qui. Nane que'ye tsu ande na'suja somboya. Tiseja ña aindeccuma tsu coirapa mandaya.

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Lucas 23:2

Jesús ma'caen tsincon'choma condaseye ashaemba su'fa: —Ingija va a'ima attepa gi indi'fa. Tiseja ingi aindeccuma afopoemba atesian'jen. Ingima tsu se'pi Na'su César iñajan'cho impuestoma afeye. Tiseja Cristo qquen tsu su, ande na'su qquen su'cho.

Lucas 23:38

Toya'caen Jesús tsove omba'ttinga qquen tevaen'choma avuja'cconga ancaen'fa. Vaja israe'su na'su.

Juan 7:42

Chiga Tevaen'jen'da tsu su Cristoja David dutssi'yeya. Tisemajan Belén, David canqquenga, isuya'cho.

Colosa'su 1:17

Jesúsja osha'chove toya meinte can'jemba osha'choma ja'ño angacan injanga dañonge'fasa'ne.

Hebreo'su 13:8

Nane Jesucristoja ccaningaembi. Tayópi, ja'ño, tsangae tsu ccaningaembi.

1 Juan 1:1

Tseyi me'ttia'ye tiseja can'jen. Tsa'ma ingija tisema paña'fa. Tisemajan ingi tso'fei'ccu gi atte'fa. Nane tisema camba gi ingi tivei'ccu pporaen'fa. Tsa Cansian'su Chiga Aya'fane gi condase'fa. Tsaja Jesucristo tsu.

Canjaen'cho 19:16

Tise omba'su ondiccu'jenga, toya'caen tise ttena'gonga'qque tsu qquen faesu iniseve tevaen'cho: Poi manda'suma Manda'su; Poi na'sumbe Na'su.

Canjaen'cho 2:8

Toya'caen Esmirna canqque'su Jesúsve in'jamba bo'fa'choma coira'sunga qquen tevaenjan: Qquen tsu Me'ttie'su toya'caen Osefa'tti'suja, tsa papa ccase qquendya'suja su:

Canjaen'cho 21:6

Omboe tsu ccase su: —Tayo tsu nani. Ña gi Ashaen'su. Ña gi Nani'su. Majan tsaqquie'su'ninda gi corifin'dive iñajambe'yi cansiaña'cho tsa'ccu sombo'je'choma cui'ñaña.

Rut 1:1

Ñoquiansundeccu mandaite pa'cco israe'su andeni tsu qquipoesuiteve da. Tsa'caen dasi fae Judá'su tsandie tise Belén canqquema catipa tise pushe, tise dos dutssiyendeccui'ccu Moab andeni ja'fa tseni can'jenccaye.

Rut 4:11

Tsa'caen susi coenzandeccu toya'caen tseni bo'fa'chondeccuja su'fa: —Ju, tsa'can'fa gi. In'jan'fa gi cuintsu Na'su Chiga va pushesu que tsaoni jiya'choma ñoa'me Raquel toya'caen Leama'caen tsoñe. Nane tsendeccu'ye tsu poiyi'cco israendeccuja isuyepa sombo'fa. Toya'caen gi in'jan'fa cuintsu queja Efrata'su joccapitssia a'ive dapa Belén'su ti'tsse'tssia've daye.

1 Samuel 17:12

Belén canqqueni tsu Judá'su a'i can'jen, tise inise Isaí. Nane Saúl can'jeinte Isaíja ñoa'me coenza ccashe'yeve dapa ocho dutssiyendeccuve an'bian. Fae'ccoja David tsu.

1 Samuel 17:18

Toya'caen va diez quesoma angaja tise'pa sundaro capitánga. Que quindyandeccu ma'caen can'jen'choma ñotsse pañamba jipa ñanga condaja ña tise'pa ñotsse can'jen'fa qquen in'jañe.

1 Samuel 8:12

Toya'caen tsu majama ca'niaña sundaro capitánme, majama sargentove. Majan que'i'suma tsu mandaya tise andema semañe, toya'caen tise anqque'suma taiye. Faesundeccuma tsu mandaya geraenqque'su matichi, dansan'cho toya'caen gera'su cavayo carove cuintsu ñoña'faye.