Miqueas 4:3 - Cofán: Chiga Tevaen'jen

³ Na'suja poi biani'su canqquema camba in'jaña majan ñotssia, majan ega've. Tsa'caen in'jamba tsu tise'panga ma'caen tsoña'chove in'jan. Nane tsendeccu tsu tise'pa sundaro matichima andema pa'fuqque'suve tson'faya. Tise'pa oma'ccoma'qque tetajin'su ttembama cha'ttuqque'suve tson'faya. Minguite tsu fae ande faesu ande'sui'ccu ccase geraen'faya. Nane aindeccuma'qque atesian'fayambi sundarondeccuve.

Miqueas 4:3 ပူးပေါင်းရင်းမြစ်များ

Salmos 82:8

¡Chiga Quitsa, jangipa va ande'su aindeccuma ñoquiamba tise'pane tansintsse afaja! ¡Que qui ñoa'me poi ande'su Na'su!

Isaías 65:25

Putsa'su ain, oveja'qque fae'ngae ccuipa shoshovima an'jen'faya. Ttesi'qque vaura'caen shoshovi sambama an'jeña. Tsa'ma iyota tsu andema amba canseya. Nane pa'cco ña ñotssia ccotta'cconi'qque jongoesu dañoña'choja jinchoya'bi.” Na'su tsu tsa'caen su.

Isaías 9:7

Na'su David dyaipa'chonga dyaipa tsu poi ande'su aindeccuma mandaya. Nane ñotsse mandasi majañi'qque tisema joqquitssiañe oshambisi poiyi'cco a'i tsu asi'ttaembe'yi opatsse canse'faya. Nane tansintsse mandapa poi a'inga tise'pa cansepa injienge'choma antteya. Ja'ño tsa'caen mandapa tsangae tsu tsa'caen mandaya. Nane Na'su Osha'choma Oshacho'cho Chigaja ñoa'me in'jamba tsu tsa'caen tsoña.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Oseas 2:18

Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

Oseas 2:20

Queja ña pushesi gi tsangae quema an'biaña. An'biansi qui ñama que Na'su qquen injan'jeña.

Zacarías 9:10

Jipa tsu Efraín (israendeccu) gera caroma nepiaña. Jerusaléni'su (judándeccu) gera cavayoma'qque itsapa gera battittianccuma'qque u'ccaya. Poi andeni “¡Opatsse canse'faja!” qquen mandapa tsu fae mar'ye faesu marnga mandaya. Nane Eufrates naene sefacco já ccutsuni tsu mandaya.

Canjaen'cho 19:11

Tsomba gi Chiga sefacco fettaye'choma attepa totoa cavayoma'qque atte. Cavayonga dyaipa jacan'sumbe iniseja “Tansintsse Su'su.” Toya'caen “Tise Suqquia'caen Tson'su.” Tiseja ñotsse in'jamba tsu a'i injama'choma tansintsse somboen'jen. Ñotsse in'jamba tsu ñotsse mandapa geraen'jen.