Miqueas 4:1 - Cofán: Chiga Tevaen'jen

¹ Osefaeña'cho a'ta nepijisi ma'ttinga Na'suma iñajan'jeña'cho ccotta'ccoja poi ccotta'ccoma joccapitssiya. Tsangae tsu tsa'caña. Nane poi faesu ccotta'ccoma patsusi poi ande'su aindeccu tseni ja'faya.

Miqueas 4:1 ပူးပေါင်းရင်းမြစ်များ

Génesis 49:1

Jacobja poiyi'cco tise dutssiyendeccuma ttu'sepa su: “Ñanga catse'faja ña que'inga condaye jai'ngae ma'caen daya'choma:

Génesis 49:10

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

Salmos 110:3

Que aindeccuja dyombe'yi tsu Zión ccotta'cconga bo'faya que patsuya'cho a'ta nepisi. Nane suruno sinte pa'ccoma piccopa chanjunqquia'caen qui queja poi a'ta cuname daya.

Isaías 54:2

Que carpama ti'tsse attajatsse ccutsiamba dyombipa que cuarto'su sarupama ti'tsse randeve dusianjan. Nane carpa tandan'jen'choma biañaemba tandañe dyaiña'jen'choma'qque ta'ya've dyaiñajan.

Jeremías 26:18

“Judá na'su Ezequías mandaite Na'su Chigaja Moreset canqque'su Miqueasma afafaensi tsu Judá aindeccunga qquen su: ‘Na'su Osha'choma Oshacho'choja qquen su: Zión canqquema nasipama'caen dyan'dyaya. Jerusalén'qque tsu catifo'cho boñame daya. Toya'caen Chiga etti'su ccotta'cco tsu ega shoshoviccuve daya.’

Daniel 2:28

Tsa'ma fae Chigayi tsu sefaccone que injan'choma canjaen. Toya'caen tsayi tsu Que Ti'tsse'tssia ma'caen jai'ngae daya'choma conda. Ja'ño gi condaya Que Ti'tsse'tssia anamba ayo'opa atte'choma:

Daniel 2:35

Tse'faei'ccuyi tsu yoshava, apicha, cu'a yoshava, totoacori, toya'caen ñoa'me cori'qque jimbitsse vuvu sheque. Nane coejefani trigoma qquesho'jesi fingian ttonoma metsse angaqquia'caen tsu ni minga'vieyi'qque jinchombitsse vuvu sheque. Tsa'ma tsa patu vuvian shequian'suja tse'ttinga ccuipa rande ccotta'ccove dasi pa'cco andema picco.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Zacarías 8:3

Ñombi'ye gi ccase tseni japa can'jeñe. Tseni can'jensi tsu Jerusalénma afa'faya Chigama Paña'jen'cho canqque. Toya'caen tsu Na'su Osha'choma Oshacho'cho Chiga can'jen'cho ccotta'ccoma afa'faya Chigambe ccotta'cco.

Tson'fa'cho 2:17

Chigaja su: —Osefaeña'cho a'ta napi'nijan poi aindeccunga gi Ña Qquendya'pama moeña. Que'i dutssiyendeccu, que'i onquengendeccu tsu Ñane afa'faya. Que'i chu'a tsandiendeccuja sefani'su attian'choma tsu atte'faya. Que'i coenzandeccuja ayó'pae tsu ayo'o'faya.

Hebreo'su 1:2

Chigaja tayopi tsendeccui'ccu condasepa ja'ñojan Tise Dutssi'yema moen cuintsu inginga condaseye. Tseyi me'ttia'ye Chigaja Dutssi'yema oshaensi tsu osha'cho andeni, sefacconi jinqque'suve agattoen. Toya'caen Chigaja pa'cco agattoen'choma Dutssi'yenga afesi tise tsu pa'ccone na'su.

2 Pedro 3:3

Ti'tsse vama injan'jen'faja. Jai'ngae tsu feñamba afasesundeccu ji'faya. Tise'pa in'janqquia'caen egae cansepa osha'cho Chigane jincho'choma feña'faya.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.

Canjaen'cho 15:4

Na'su, poiyi'cco tsu Quema ñotsse in'jamba dyoe'sui'ccu Quema ñotsse afa'faya. Nane Queyi qui ño'a. Aindeccuja poi andene jipa tsu Quema ñotsse afa'faya. Nane Que ñotsse tson'choma attepa tsu Quema ñotsse afa'faya.

Canjaen'cho 20:4

Tsomba tse'i tsain'bio na'su dyaipa'choma gi atte. Dyaipa'choma attepa gi tsanga dyaisundeccuma'qque atte. Chiga anttesi tsendeccuja injama'choma somboeñe dyai'fa. Toya'caen Jesúsve in'jansi fi'ttisi pa'chondeccuma'qque atte. Nane tsendeccuja Chiga Aya'fama candusiansi cca'indeccu iyicca'yepa tise'pa tsovema chattupa fi'tti'fa. Tsendeccuja dyo'ccoa cocoyama, ni ñoña'cho cocoyama'qque iñajan'fambi. Toya'caen tsu se'pi'fa cocoya inise tevaen'ttima tise'pa tivenga, tise'pa tsovejunga tevaeñe. Tsendeccuma fi'ttisi ccase qquendyapa mil canqque'fave Cristoi'ccu manda'je'fa.