Mateo 9:38 - Cofán: Chiga Tevaen'jen

³⁸ Tsa'cansi Taiñaña'cho Na'su Chiganga iñajan'faja cuintsu faesu semasundeccuma manda moensi tsendeccu taiqquia'caen tise'panga atesiañe.

Mateo 9:38 ပူးပေါင်းရင်းမြစ်များ

Salmos 68:18

Queja Chiga, tsain'bio piccoye'chondeccuma ccushaemba sefacconi ansundepa tsendeccuma'qque ansundian. A'i patsuyepa afe'choma qui isu. Nane tayoe pañambindeqquia'qque tsu quenga afe'faya, Na'su.

Mateo 9:37

Tise'pama mende'yepa tisema shondosundeccuma su: —Vandeccuja Chigama na'sian'cho aindeccuve daye ronda'je'fa. Tsa'ma taiya'cho injantssisi semasundeccu shacasi majan tise'panga atesiaña'chove tsu me'i'on.

Juan 20:21

Tsomba ccase Jesúsja inginga su: —¡Opatsse canse'faja! Ña Yaya ñama mandamoenqquia'caen gi ña'qque que'ima mandamoeña ñane condase'suve.

Juan 4:35

Nane que'ita qui su'fa: “Toya tsu shaca cuatro ccovu taiya'cho napiya'cho” Tsa'ma ñanda gi su: Asuccopa nasipama can'faja. Nasipanga jon'cho cu'chosi taiya'cho napiqquia'caen tsu a'ija pañañe ronda'je'fa.

Tson'fa'cho 13:2

Tseite tsendeccu ambe'yi Na'su Chigama afa'je'fa'ni Chiga Qquendya'paja tise'pama su: —Ñambe moenjan Bernabé, Sauloma'qque cuintsu ña manda'cho sema'bama sema'faye.

Tson'fa'cho 8:4

Tsa'ma majan Jerusaléne ccuyapa mani ja'a'qque toyayi Chiga Aya'fa ñotsse condase'choma condase'fa.

1 Corinto'su 12:28

Toya'caen Cristo ai'vove da'fasi Chigaja que'i'su majama ccaningae semañe ttu'se. Jesucristone afasundeccuve ttu'sepa manda. Omboe Chiga Aya'fama afasundeccuve ttu'sepa manda. Tsomba omboe atesiansundeccuve manda atesiañe. Toya'caen Chiga agattoen'choma canjaensundeccu, paji'suma ccushaensundeccu, fuitesundeccu, mandasundeccu, ccaninga aya'fama afasundeccuma'qque ttu'sepa Chigaja manda.

Efeso'su 4:11

Tise a'inga in'jaen'cho tsu qquen: Majan a'ima tsu in'jaen Jesúsne afasundeccuve da'faye. Cca'indeccuma in'jaen Chiga Aya'fama afasundeccuve da'faye. Toya'caen majanjan ñotsse condase'choma candusiansundeccuve tsu da'fa. Majan a'i Cristove in'jan'chondeccuma coira'suve tsu da'fa. Majan a'i atesiansundeccuve tsu da'fa.

2 Tesalónica'su 3:1

Faengasundeccu, tsangaeyi gi su: Ingine Chigama iñajan'faja cuintsu ingija junde Na'sune condase'choma poinga condasesi tsendeccu'qque ñotsse paña'faye que'i pañaqquia'caen.