Mateo 9:31 - Cofán: Chiga Tevaen'jen

³¹ Tsa'ma tsendeccuja tsaone sombopa pa'cco tsa ande'ye japa tise'pa ccusha'chone conda'fa.

Mateo 9:31 ပူးပေါင်းရင်းမြစ်များ

Mateo 14:1

Tse'i Galilea ande na'su Herodes osha'cho Jesús tson'chone paña.

Mateo 28:15

Qquen su'fasi sundarondeccu corifin'dima isupa tsendeccu mandaqquia'caen tsu su'fa. Tsa'caen su'fasi ja'ño a'ta pán tsu poi israendeccu tsa'caen pañamba in'jan'fa.

Mateo 4:24

Pa'cco Siria ande'ye Jesús ji'choma pañamba pajisundeccuma tisenga i'fa. Majan a'ija osha'cho paqque'sui'ccu, osha'cho iña'sui'ccu, toya'caen cocoya ca'ni'cho'qque, shanccopajashendeccu, ishopa paqque'sunga dañongendeccuma'qque tisenga isi tsu poiyi'ccoma ccushaen.

Mateo 9:26

Jesús tsa'caen ccushaensi pa'cco tsa ande'ye tsu tsane condasecco'fa.

Marcos 1:28

Tse'faei'ccuyi poiyi'cco tsa Galilea ande'su aindeccuja Jesúsne paña'fa.

Marcos 7:36

Tsomba Jesús poiyi'ccoma mandapa su: —Majangayi'qque conda'fajama. Tsa'ma ti'tsse'tsse se'pi'choma tise'paja ti'tsse condase'fa.

Lucas 4:14

Chiga Qquendya'pa tisema in'jaemba quiñaensi Jesús toequi Galileani shanda. Tseni jasi poiyi'cco pporotsse can'jensundeccu tisene pañamba condase'fa.

Lucas 4:37

Jesús tsa'caen tsonsi poiyi'cco tsa ande'su a'ija Jesúsne pañamba condasecco'fa.

Lucas 5:15

Tsa'ma Jesús tson'chone ti'tsse condasecco'fasi tsain'bio a'i bo'fa tisema pañañe. Pajisundeccu'qque bo'fa cuintsu tise'pa paji'choma ccushaeñe.

Lucas 7:17

Tsama condasesi poiyi'cco Judea andeni'su a'i'qque paña'fa. Poiyi'cco pporotsse can'jensundeccu'qque tsa'caen Jesúsne paña'fa.