Mateo 9:22 - Cofán: Chiga Tevaen'jen

²² Tsa'ma Jesús in'jamba piyicamba pushesuma attepa su: —Shim'ppi, dyojama. Ñame in'jamba qui ccusha. Tse'faei'ccuyi pushesuja quinsetsse ccusha.

Mateo 9:22 ပူးပေါင်းရင်းမြစ်များ

Mateo 15:28

Qquen susi Jesús tisema su: —Pushesu, ñoa'me qui ñame in'jan. Que in'janqquia'caen tsu tayo tson. Jesús qquen su'je'ni pushesumbe onque'ngeja ccusha.

Mateo 17:18

Du'shuma isi Jesús cocoyama iyu'upa joqquitssian. Iyu'usi du'shu'ye sombosi tse'faei'ccuyi du'shuja ccusha.

Mateo 8:13

Tsomba Jesús capitáma su: —Que tsaoni jaja. Que in'janqquia'caen tsu da. Tse'faei'ccuyi capitámbe sema'suja ccusha.

Mateo 9:2

Jisi ishopa paji'suma tisupa ana'jen'chonga opi i'fa Jesúsnga. Jesúsja tise'pa Chigave in'jan'choma in'jamba ishopa paji'suma su: —Jaricho dyojama. Tayo tsu que egae tsincon'choma joqquitssian.

Mateo 9:29

Tsonsi Jesús tise'pa tso'fema pporaemba su: —Que'i in'janqquia'caen tsu que'inga tsoña.

Marcos 10:52

Tsonsi Jesúsja su: —Jaye qui osha. Tayo qui ccusha ñama in'jamba. Tse'faei'ccuyi binijan atteye osha. Ccushapa Jesúsi'ccu tsaiqui'ye ja.

Marcos 5:34

Condasi pañamba Jesúsja su: —Shim'ppi, ñame in'jamba qui ccusha. Opatsse canseja. Ccatsse'qque tsa'caen vanaña'bi qui.

Lucas 17:19

Tsomba Jesúsja tisema su: —Jangipa japa canseja. Queja ñame in'jamba qui ccusha.

Lucas 18:42

Tsonsi Jesúsja tisema su: —¡Tayo qui atteye osha! Queja ñame in'jamba qui ccusha.

Lucas 7:50

Tsonsi Jesús pushesuma su: —Opatsse canseja. Ñame in'jamba qui ccusha.

Lucas 8:48

Tsonsi Jesúsja tisema su: —Shim'ppi, ñame in'jamba qui ccusha. Opatsse canseja.

Juan 4:53

Tsonsi du'shumbe yaya in'jan tsa'cani Jesúsja tisema su'cho: “Que du'shuja canse.” Qquen in'jamba tsa a'i, tise antianaccui'ccu Jesúsve in'jan'fa.

Tson'fa'cho 14:9

Tsa'caen dyaipa Pablo afa'je'choma pañamba Chigave in'jan tisu ccushaye. Tsa'caen in'jansi attepa Pabloja

Tson'fa'cho 16:18

Qquen tsu poi a'ta ingima fundondo'e afa'je. Panshaen tsa'caen afasi Pabloja iyicca'yepa piyicamba cocoyama su: —Jesucristo iniseningae gi quema manda, ¡joqquitssija va pushesu'ye! Tsa'caen mandasi tse'faei'ccuyi cocoyaja somboin ja.

Hebreo'su 4:2

Nane Jesucristone ñotsse condase'choma candusiansi ingi'qque paña'fa. Tayopi'su a'i'qque tsa'caen Chiga Aya'fama paña'ma chi'gasi tsa Aya'faja tise'pama fuitembi opatsse can'jeña'chonga ca'ni'faye.