Mateo 9:2 - Cofán: Chiga Tevaen'jen

² Jisi ishopa paji'suma tisupa ana'jen'chonga opi i'fa Jesúsnga. Jesúsja tise'pa Chigave in'jan'choma in'jamba ishopa paji'suma su: —Jaricho dyojama. Tayo tsu que egae tsincon'choma joqquitssian.

Mateo 9:2 ပူးပေါင်းရင်းမြစ်များ

Mateo 14:27

Tsa'ma Jesús tise'pama afapa su: —Dyombe can'faja. Ña gi.

Mateo 4:24

Pa'cco Siria ande'ye Jesús ji'choma pañamba pajisundeccuma tisenga i'fa. Majan a'ija osha'cho paqque'sui'ccu, osha'cho iña'sui'ccu, toya'caen cocoya ca'ni'cho'qque, shanccopajashendeccu, ishopa paqque'sunga dañongendeccuma'qque tisenga isi tsu poiyi'ccoma ccushaen.

Mateo 6:12

Ingi quema egae tsincomba shacaen'choma aqquepoenjan, ingi ingima egae tsincomba shacaensundeccuma aqquepoenqquia'caeñi.

Mateo 8:10

Jesús tsama pañamba sundaro capitáne asi'ttaén ccutsu. Tsomba piyicamba tisei'ccu jacansundeccuma su: —Ñoa'me gi su, va a'ija ñoa'me tsu ñame in'jan. Ni fae israe'su tsa'caen ñama in'jambi.

Mateo 8:16

Tayo chiga amppisi tsain'bio cocoya ca'ni'chondeccuma tisenga i'fa. Jesús fae aya'fave afapa cocoyama joqquitssian. Poiyi'cco pajisundeccuma'qque ccushaen.

Mateo 9:22

Tsa'ma Jesús in'jamba piyicamba pushesuma attepa su: —Shim'ppi, dyojama. Ñame in'jamba qui ccusha. Tse'faei'ccuyi pushesuja quinsetsse ccusha.

Mateo 9:5

Tayo gi su: “Que egae tsincon'choma tayo joqquitssian.” ¿Bove aiye'pambi ti qquen suye: “Jangipa tsui jaja.”?

Mateo 9:6

Tsa'ma Na'su Chigaja antte Sefaccone Ji'cho A'i va ande'su a'i egae tsincon'choma joqquitssiañe. Ñajan Sefaccone jipa tsa'caen oshapa que'inga canjaeñe tson'jen. Qquen supa Jesús ishopa paji'suma su: —Ña quema manda: Jangipa que ana'jen'choma isupa tisu tsaoni tsui jaja.

Marcos 1:32

Tayo sime, chiga amppisi, sema'ma'qquia a'ta pasasi poiyi'cco tsa canqque'su a'i tsa'o sombo'ttinga bo'fa. Pa'cco pajisundeccuma, cocoya ca'ni'chondeccuma'qque Jesúsnga i'fa.

Marcos 10:49

Tsonsi Jesús ja ccutsupa su: —Tisema ttu'se'faja. Tsonsi japa binima su'fa: —Dyombe jangipa jija. Queve tsu ttuse'je.

Marcos 5:34

Condasi pañamba Jesúsja su: —Shim'ppi, ñame in'jamba qui ccusha. Opatsse canseja. Ccatsse'qque tsa'caen vanaña'bi qui.

Juan 16:33

Vamanda gi conda que'i ñame in'jamba opatsse canse'faye. Va andeninda qui me'detsse canse'faya. Tsa'ma avuja'faja. Ñajan va andeni jincho'choma tayo patsu.

Juan 2:25

Nane Jesúsja poimbe injama'cho ma'caen jincho'choma atesuchosi tsu me'i'on tisenga ti'tsse a'ine conda'suve.

Juan 21:5

Tsonsi Jesús inginga su: —Dushundeccu, ¿avumanda ti qui indi'fambi? Ingija su'fa: —Me'i'fa.

Tson'fa'cho 14:9

Tsa'caen dyaipa Pablo afa'je'choma pañamba Chigave in'jan tisu ccushaye. Tsa'caen in'jansi attepa Pabloja

Tson'fa'cho 19:12

Nane Pablo pporaen'cho pañero, opoi'je'cho sarupama'qque pajisundeccunga anga'fasi pporaen'da tsu tise'pa paqque'suma ccusha'fa. Toya'caen a'inga ca'ni'cho cocoyama'qque tsa'caeñi joqquitssian'fa.

Tson'fa'cho 23:11

Cosesi Na'su Jesúsja Pablonga attiamba su: —Dyombe canjan. Queja ñane Jerusaléni condaqquia'caen qui Roma canqqueni'qque ñane condaya.

Romanos 5:11

Toya'caen Na'su Jesucristove in'jamba gi avujatsse Chigama ñotsse afa'fa. Nane Jesús tsu ingine Chiga Quitsama ñoquian'su.

Santiago 2:18

Tsa'ma majanda tsu suya: “Queja Cristove in'jansi ñajan ñotsse tson'jen. Ñotsse tsombi'ta ñanga canjaenjan que Cristove in'jan'choma. Tsa'ma ñajan afambe'yi ñotsse tson'da gi quenga canjaeña ña Cristove in'jan'choma.”