Mateo 8:4 - Cofán: Chiga Tevaen'jen

⁴ Jesús tisema manda: —Cca'indeccunga condajama. Tsa'ma japa Chigama afa'sunga tisuma canjaenjan. Moisés mandaqquia'caen ccusha'chone afe'choma afeja cuintsu tsa'caen tsonsi poiyi'cco a'i que ccusha'chone in'jan'faye.

Mateo 8:4 ပူးပေါင်းရင်းမြစ်များ

Mateo 10:18

Ju, que'i ñame in'jansi tsu governarorondeccunga, ande nasundeccunga'qque que'ima indipa anga'faya. Angasi qui tsendeccunga'qque ñane conda'faya. Israembindeqquianga qui ñane conda'faya.

Mateo 16:20

Qquen supa Jesús tisema shondosundeccuma su cca'inga tiseja Cristo qquen condambe'yi can'faye.

Mateo 17:9

Ccotta'cco'ye ande jipa Jesús tise'pama manda: —Que atte'choma ña toya can'jen'ni majangayi'qque conda'fajama. Sefaccone Ji'cho A'i gi ccase qquendyasi condaya'cho.

Mateo 3:15

Tsa'ma Jesúsja Juanga su: —Cuintsu queja ñama fetiya'cho. Tsa'caen tsomba gi ingija pa'cco Chiga in'jan'chove ñotsse tson'faya. Tsa'caen susi Juanjan ti'tsse se'pimbe'yi Jesúsma feti.

Mateo 5:17

Jimbi gi Chiga manda'choma joqquitssiañe; ni tayopi'su Chiga Aya'fama afasundeccu su'choma joqquitssiañe. Tsa'caen in'jan'fajama. Ñanda gi ji tsama joqquitssiambe'yi pa'cco Chiga manda'cho, pa'cco Chiga Aya'fa su'choma'qque tsoñe.

Mateo 6:1

Injama'tse, aqquia cca'i queja ño'a qquen in'jañe tsu ñotsse tson'choma tson'masia. Tsa'caen tso'ninda Chiga que'i Quitsa sefacconi canjen'su'qque que'inga ñotsse afeya'bi.

Mateo 9:30

Qquen pporaemba susi binindeccu ccase atteye osha'fa. Tsonsi Jesús tise'pama quia'me manda: —Que can'faja. Cca'indeccunga que'i ccusha'choma conda'fajama.

Marcos 13:9

¡Que'iyi'qque in'jan'faja! Que'ima indipa nasundeccu bo'fa'chonga afe'faya cuintsu iyu'u'faye. Nane Chigane atesian'jenttinga angapa que'ima ma'ppi'faya. Que'i ñama in'jansi tsu que'ima ccutsian'faya quini'ccopandeqquianga, ande nasundeccunga'qque. Tsa'caen ccutsian'fasi qui tise'panga ñane ñotsse afa'faya.

Marcos 3:12

Tsa'ma Jesús tise'pama iyu'upa se'pi: —Majangayi'qque tsa'caen conda'fajama.

Marcos 5:43

Tsa'ma Jesús tise'pama iyu'upa su: —Majangayi'qque conda'fajama. Tsa'caen supa du'shuma o'fian'faye manda.

Marcos 6:11

Majandeccu que'ima chi'gapa que aya'fama paña'fambi'nijan tsa canqque'ye sombopa ja'faja. Jayipa que tsu'ttenga ancamba totopa'ma fanttundu cati'faja tise'pa egae tson'choma canjaeñe. Ñoa'me gi que'ima su: Osefaeña'cho a'ta napijisi tsa canqquesundeccu tsu bove dyo'tsse da'faya. Nane tayopi'su Sodoma canqquesundeccu, Gomorra canqquesundeccu'qque ñoa'me egae tsincomba tsequi a'ta ñoa'me vana'faya. Tsa'ma que'ima chi'gasundeccuja tise'pama ti'tsse tsu vana'faya.

Marcos 7:36

Tsomba Jesús poiyi'ccoma mandapa su: —Majangayi'qque conda'fajama. Tsa'ma ti'tsse'tsse se'pi'choma tise'paja ti'tsse condase'fa.

Marcos 8:30

Tsa'ma Pedro tsa'caen susi Jesúsja mandapa su: —Majangayi'qque tsama conda'fajama.

Marcos 9:9

Tsa'caen tsomba ccotta'cco'ye ande jipa Jesús tisema shondosundeccuma manda cuintsu tise'pa atte'choma condambe can'faye. Ja'i Sefaccone Ji'cho A'i papa ccase qquendyasi condaseye ñotssi.

Lucas 17:14

Jesúsja tise'pama attepa su: —Japa Chigama afasundeccunga tisuma canjaen'faja. Tise'pa jayi'fa'ni Jesúsja tise'pama ccushaen.

Lucas 21:13

Tsa'caen que'ima iyu'uye angasi qui tansintsse ñane conda'faya.

Lucas 4:41

Jesús mandasi cocoyandeccu'qque tsain'bio a'i'ye sombombopa qquen fundo'fa: —¡Queja Chiga Dutssi'ye qui! Tsa'ma Jesúsja cocoyama iyu'upa afaye se'pi. Cocoyandeccu'qque atesu'fa Jesúsja Chiga in'jan'cho Cristo tsu.

Lucas 5:14

Jesús tisema manda: —Cca'indeccunga condajama. Tsa'ma japa Chigama afa'sunga tisuma canjaenjan. Moisés mandaqquia'caen ccusha'chone afeya'choma afeja cuintsu poiyi'cco a'i que ccusha'choma tsa'caen atesu'faye.

Lucas 8:56

Du'shumbe yaya, du'shumbe mama'qque can'boen ccutsu'fa. Tsa'ma Jesúsja tise'pama manda cuintsu cca'indeccunga condambe can'faye.

Lucas 9:21

Qquen susi Jesúsja tise'pama quia'me manda cuintsu majangayi'qque condambe can'faye.

Juan 5:41

Tta'ttambi gi a'i ñane ñotsse suya'chove.

Juan 7:18

Majan tisuyi afa'chota patsuye in'jan'cho tsu. Tsa'ma majan tisema moen'sune ñotsse afaye in'jan'chota tsu afopoembe tansintsse afa'su.

Juan 8:50

Nane a'i ñama ñotsse su'faye in'jambi gi. Tsa'ma faesu tsu ñama ti'tsse'tssia've tsoñe in'jan. Tsaja ñoa'me ti'tsse atesu'cho tsu.