Mateo 8:20 - Cofán: Chiga Tevaen'jen

²⁰ Jesús tisema su: —Quiya tsu tise'pa ana'jen'cho changove an'bian'fa. Chhiriria'qque tise'pa tsao'pave an'bian'fa. Tsa'ma Sefaccone Ji'cho A'i gi mani japa anaña'chove mecho.

Mateo 8:20 ပူးပေါင်းရင်းမြစ်များ

Salmos 109:22

Ñajan va'chapa noñangiañemba vana'jen'cho. Ña injama'cho'qque dañongeqquia'caen oshambi.

Salmos 69:29

Tsa'ma ña pajipa vana'jen'choma chigáne, Ña Chiga, ñama pañamba jangiamba ccushaenjan.

Mateo 12:32

Nane poiyi'cco majan Sefaccone Ji'cho A'ima afase'ninda tise tsa'caen egae tsincon'choja joqquitssiqque'su tsu. Tsa'ma majan Chiga Qquendya'pama afase'ninda ñoa'me tsu tise egae tsincon'choja joqquitssi'masia. Ni ja'ño ni jai'ngae tsangae joqquitssi'masia tsu.

Mateo 12:40

Nane Jonás tres a'ta, tres cose'qque rande avu ttopani can'jenqquia'caen gi Sefaccone Ji'cho A'i'qque papa tres a'ta, tres cose'qque andenga a'tu'fasi can'jeña'cho.

Mateo 12:8

Sefaccone Ji'cho A'i gi sema'ma'qquia a'ta se'pi'cho manda'choma ti'tsse'tssia.

Mateo 13:37

Qquen su'fasi Jesúsja su: —Ñotssia trigo choma jon'suja Sefaccone Ji'cho A'i tsu.

Mateo 16:13

Tsomba Jesús Cesarea Filipo canqque jincho andeni napipa tisema shondosundeccuma qquen iñajampaña: —Ñajan Sefaccone Ji'cho A'i. Tsa'ma ¿majan qquen tsu ñama faesu a'ita su'fa?

Mateo 16:27

Ñajan Sefaccone Ji'cho A'i joccapitssia've dapa ccase jiya. Chiga ña Quitsaja ñama ñotssiave canjaensi Chigama sefacconi'su shondosundeccui'ccu jipa gi attiaña. Ñajan tsa'caen attiamba a'i tsonqquia'caen poiyi'cco a'inga afeya. Ñotsse tso'ninda ñotssiama gi afeya. Ega tso'ninda egama gi afeya.

Mateo 17:9

Ccotta'cco'ye ande jipa Jesús tise'pama manda: —Que atte'choma ña toya can'jen'ni majangayi'qque conda'fajama. Sefaccone Ji'cho A'i gi ccase qquendyasi condaya'cho.

Mateo 19:28

Qquen susi Jesús su: —Ñoa'me gi su: Jai'ngae osha'cho cuname dasi Sefaccone Ji'cho A'i tise ñotssia dyaipa'chonga dyaipa manda'nijan que'i'qque doce dyaipa'chonga dyaipa doce israendeccu'su aindeccuma manda'faya.

Marcos 8:38

Majan a'ija ñama, ña aya'fama'qque chi'gapa ansangepa va ñame in'jambipa egae tsinconsundeccunga ñane tansintsse condaye dyojo'fa. Tsa'caen ñama ansange'fa'nijan ñajan, Sefaccone Ji'cho A'i, jipa ccane'qque tsendeccuma ansangeya. Nane Chiga ña Quitsa ñama ñotssiave tsonsi, Tisema sefacconi'su ño'a shondosundeccui'ccu jipa gi tsendeccuma ansangeya.

Lucas 12:8

Ñoa'me gi que'inga su: Majan ñame in'jamba dyombi'tsse cca'indeccunga condase'ninda ccane'qque ñajan tsane ñotsse afaya. Chiga sefacconi'su shondosundeccu paña'jen'ni gi afaya.

Lucas 18:8

Me'i, se'pimbipa junde tsu tise'pama ccushaeña. Tsa'ma ñajan Sefaccone Ji'cho A'i ccase ji'ta ¿jongoesuma gi va andeni atteya? ¿Ñame in'jamba tsa'caen iñajamba ronda'je'chondeccuma ti gi atteya?

Lucas 2:12

Nane ña su'cho du'shumanda qui atte'faya sarupai'ccu findipa vaura an'jen'cho cafonga ppiña'choma.

Lucas 2:16

Cunshoa'me japa Maríama, Joséma'qque cachui'fa. Tsomba du'shuma'qque atte'fa, vaura an'jen'cho cafonga ppiña'choma.

Lucas 2:7

A'i ana'jen'cho tsa'o panshaen on'basi vaura ettini can'jemba Maríaja tseni tise aishe tsandie du'shuma isu. Isupa sarupai'ccu findipa vaura an'jen'cho cafonga ppiña.

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Lucas 8:3

Faesuja Juana. Tise tsa'nduja, Choza, tsu ande na'su Herodes tsa'o na'su. Toya'caen Susana, cca'indeccu'qque fae'ngae jacan'fa. Tise'pa an'bian'choi'ccu, tise'pa corifin'di'ccu Jesúsma, tisema shondosundeccuma'qque fuitepa osha'chove ñoña'fa.

Lucas 9:58

Jesúsja tisema su: —Quiyata tsu tise'pa ana'jen'cho changove an'bian'fa. Chhiriria'qque tise'pa tsao'pave an'bian'fa. Tsa'ma Sefaccone Ji'cho A'i gi mani japa anaña'chove an'biambi.

Juan 1:51

Toya'caen Jesúsja su: —Nane ñoa'me gi que'inga su: Sefacco fettayesi qui atte'faya Chigama sefacconi'su shondosundeccu ñani ji'ngipa ja'je'choma. Sefaccone Ji'cho A'i gi.

Juan 12:34

Tsonsi a'ija su'fa: —Paña'fa gi Chiga manda'cho tevaen'jen qquen su'choma: “Cristoja tsangae can'jeña.” Tsa'camanda ¿ma'caen qui queja su: “Sefaccone Ji'chomajan jangiaña'cho tsu”? ¿Va Sefaccone Ji'cho A'ita ti Cristombi?

Juan 13:31

Judas sombopa jasi Jesúsja su: —Ja'ño tsu aindeccuja in'jan'faya Sefaccone Ji'cho A'ija ti'tsse'tssiave. Tsa'caen ñama attepa tsu Chiga Quitsa'qque ñoa'me ti'tsse'tssia qquen in'jan'faya.

Juan 3:13

Majañi'qque sefacconi ansundepa andepa conda'fambi. Tsa'ma Sefaccone Ji'cho A'i gi andenga ande'cho condaye osha.

Juan 3:14

Moisés a'i menia can'jemba ñoña'cho iyoma jangianqquia'caen Sefaccone Ji'cho A'ima jangiaña'cho

Juan 6:27

Congonqque'su aña'choma in'jan'fajama. Tsa'ma Sefaccone Ji'cho A'i quenga afe'cho tsangae cansiaña'cho anqque'suma ñotsse in'jan'faja. Chiga Quitsa tsu ñama in'jamba tsa'caen afeye manda antte.

Juan 6:53

Jesúsja su: —Ñoa'me gi su: Que'ija Sefaccone Ji'cho A'i ai'voma ambi'ta, tise anjampama cu'imbi'ta canse'faya'bi qui.

Juan 6:62

¿Ma'caen qui in'jan'faya Sefaccone Ji'cho A'i toeni tise can'jeni ansundinja'choma atte'ta?

Tson'fa'cho 7:56

Tsa'caen attepa su: —¡Can'faja! Atte gi sefacco fettaye'choma. Sefaccone Ji'cho A'i'qque Chiga tansinfani ccutsu'choma gi atte.

2 Corinto'su 8:9

Atesu'fa qui ingi Na'su Jesucristo ñoa'me osha'choma an'biamba tsama catipa mechoave da que'ima fuiteye. Tsa'caen tsu tson cuintsu tiseja me'ccoe dasi que'ija osha'choma an'bian'faye.