Mateo 8:2 - Cofán: Chiga Tevaen'jen

² Na congomba paji'su tisenga catsepa ccaru dyai. Jesúsnga ccaru dyaipa iñajan: —Na'su, que in'jan'da qui ñama giya'tsse ccushaeñe osha.

Mateo 8:2 ပူးပေါင်းရင်းမြစ်များ

2 Reyes 5:1

Fae a'i tsu can'jen tise inise Naamán. Tiseja Siria ande'su sundaro na'su. Na'su Chiga Siriama fuitepa anttesi Naamán ñotsse geraemba patsusi tsu ande na'su tisema ñotsse in'jan. Tsa'ma Naamánjan na congomba paqque'sunga dañonge'cho tsu.

Números 12:10

Tsa'caen japa unjimba'cco carpa tsa'o'ye joqquitssisi tse'faei'ccuyi María pa'cco tise ttono congomba tototsse da. Aarónjan Maríama piyicamba tise ttono congo'choma attepa

Mateo 10:8

Toya'caen pajisundeccuma ccushaen'faja. Pa'chondeccuma ccase qquendyaen'faja. Na congomba pajisundeccuma giya'tsse ccushaen'faja. Cocoyama'qque joqquitssian'faja. Chiga aqquia afeqquiacaen que'ima tsa'caen oshaensi jongoesuma iñajambe'yi tsu aqquia afeqquia'caen tsoña'cho.

Mateo 13:58

Tsenisundeccu tisema in'jambisi Jesúsja tsain'bio canjaen'choma tse'ttinga canjaembi.

Mateo 14:33

Shavoni can'jensundeccu Jesúsnga catsepa ccaru dyaipa tisema ñotsse afa'fa qquen supa: —Que qui ñoa'me Chiga Dutssi'ye.

Mateo 15:25

Pushesu tise su'choma pañamba catsepa Jesús tsutteccofanga ccaru dyaipa su: —Na'su, ñama fuiteja.

Mateo 18:26

Na'su qquen mandasi shacaen'choja na'su tsutteccofanga andenga amppi ccuipa iñajan: “Na'su, ñama mende'yepa ronda'jeja. Ñajan pa'ccoma afepoeña.”

Mateo 2:11

Tsaoni ca'nimba du'shu Jesúsma atte'fa, tise mama Maríama'qque. Du'shuma attepa ccaru dyaipa tisema iñajamba ñotsse afa'fa. Ñotsse afapa tise'pa cafoma'qque fettapa osha'cho ñotssiama afe'fa. Nane cori, toya'caen bare'cho oque oraenqque'su ñome'ba, toya'caen mirra ñome'bama'qque afe'fa.

Mateo 20:20

Tsonsi Santiago chan Jesúsnga catse. Tsaja Zebedeo pushe. Tise dos dutssi'ye, Santiago, Juan'qque, Jesúsnga catse'fa. Catsepa pushesu tisenga ccarupa dyai tisu in'jan'choma iñajañe.

Mateo 26:6

Jesús Betaniani japa na congomba pajipa ccusha'cho Simón tsaoni can'jen.

Mateo 28:17

tse'ttinga tisema cachui'fa. Cachuipa tisema in'jamba ñotsse afa'fa. Tsa'ma majan tisema attepa injama'cho shacasi ñoa'me Jesús tsu qquen in'jan'fambi.

Mateo 28:9

Jayi'fasi tse'faei'ccuyi Jesús tise'pama cachuipa chigambian. Chigambiansi tisenga catsepa ccaru dyaipa tise tsu'ttema munsin indi'fa. Munsin indipa tisema in'jamba ñotsse afa'fa.

Mateo 4:9

su: —Que qui ñanga ccarupa iñajan'ninda gi pa'cco va andema quenga afeya que na'suve dapa pa'tssima mandaye.

Mateo 8:1

Jesús atesian nanimba ccotta'cco'ye ande. Andesi tsain'bio a'i toya tisei'ccu jacan'fa.

Mateo 8:25

Tisema shondosundeccu dyopa Jesúsnga catsepa qquendyaemba su'fa: —Na'su ingima ccushaenjan. Cu'nomba gi paye tson'jen'fa.

Mateo 9:18

Jesús tsa'caen atesian'jen'ni fa'e israe'su na'su tisenga jipa andenga ccarupa iñajan: —Tayo tsu ña onque'nge pa. Tsa'ma que jipa que tivei'ccu tisema pporaenjan. Pporaensi tsu ccase qquendyaya.

Lucas 4:27

Toya'caen Chigama afa'su Eliseo can'jeinte tsain'bio na congomba pajisundeccu israe andeni can'jen'fa. Tsa'ma Chigaja tsendeccuma ccushaembisi ccushambe canse'fa. Tsa'ma faesuma, Siria ande'su Naamámeñi tsu Chigaja ccushaen.

Juan 9:38

Tsonsi a'ija Jesúsnga ccaru dyaipa su: —Na'su, in'jan gi.

Tson'fa'cho 10:14

Tsa'ma Pedroja su: —Me'i, Na'su, in'jambi gi. Minga'ni'qque gi ambi tsa'caen an'masia aña'chomaja.

Tson'fa'cho 10:25

Tsa'caen ronda'jepa Pedro tsa'onga napisi Cornelioja sombopa cachui. Cachuipa Pedronga ccarupa Chigama iñajanqquia'caen iñajan.

1 Corinto'su 14:25

Nane Chiga Aya'faja pa'cco tise'pa injama'cho ma'caen asi'ttaemba in'jan'choma tsu canjaeña. Tsa'caen canjaensi in'jamba tsu ccarupa Chigama iñajan'faya. Chiga ñoa'me que'i'ccu can'jen'chove tsu atesupa conda'faya.

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.