Mateo 6:31 - Cofán: Chiga Tevaen'jen

³¹ Tsa'cansi panshaen asi'ttaen'fajama qquen supa: “Aña'cho me'i'anda ¿ma'caen gi amba canse'faya?” “Cui'ccu me'i'anda ¿ma'caen gi cu'ipa canse'faya?” Toya'caen “¿Jongoesuma gi ondiccu'faya?”

Mateo 6:31 ပူးပေါင်းရင်းမြစ်များ

Salmos 37:3

Tsa'ma osha'choma Na'sunga anttepa ñotsse tsonjan va andeni opatsse can'jemba ñotssiama isuye.

Mateo 15:33

Jesúsma shondosundeccuja su'fa: —Vani a'i menia can'jemba ¿mani gi japa panma chavanga'faya va tsain'bio a'ima o'fiañe?

Mateo 4:4

Tsa'ma Jesúsja su: —Chiga Tevaen'jeni qquen tsu tevaen: “Aqquia'yi anqque'suma amba a'ija canse'faya'bi. Tsa'ma Chiga Aya'fa a'ima in'jaensi tsu canse'faya.”

Mateo 6:25

Tsa'cansi gi que'ima su: Que'i vani canse'chone panshaen asi'ttaen'fajama. Nane que'i anqque'su, que'i cuiqque'sune panshaen asi'ttaen'fajama. Que'i ai'vonga ondiccuqque'su sarupave'qque panshaen asi'ttaen'fajama. Ingi canse'cho tsu ingi anqque'suma ti'tsse'tssia. Ingi ai'vo tsu ingi ondiccuqque'suma ti'tsse'tssia.

Mateo 6:27

Toya'caen ¿majan qui que'i'yeja aqquia in'jamba fae a'ta ti'tsse canseye'ta oshaya? Ñoa'me qui osha'fambi.

Lucas 10:41

Tsa'ma Na'su Jesús Martama su: —Marta, Marta, iyicca'yembe canjan. Panshaen qui asi'ttaemba osha'chove ñoñañe vase'je.

Lucas 12:11

Ñame in'jansi que'ima indipa Chigane atesian'jen'ttinga anga'faya cuintsu nasundeccu, joccapitssiandeqquia'qque que'i injama'choma somboeñe. Que'ima tsa'caen iñanjansepoen'fa'ni'qque dyo'fajama jongoe qquen asi'ttaemba suya'chove tisuma ccushaeñe.

Lucas 12:22

Tsomba Jesúsja tisema shondosundeccuma su: —Tsa'cansi gi que'ima su: Que'i vani canse'chone panshaen asi'ttaen'fajama. Que'i anqque'sune panshaen asi'ttaen'fajama. Que'i ai'voni jinqque'su sarupave'qque jongoesuma ondiccuye panshaen asi'ttaen'fajama.

Lucas 12:29

Panshaen asi'ttaen'fajama. Que'i anqque'suve, que'i cuiqque'suve ttatta'fajama.

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.

1 Pedro 5:7

Chigaja que'ima coira'je qquen in'jamba que'i panshaen asi'ttaen'choma Tisenga antte'faja.