Mateo 6:13 - Cofán: Chiga Tevaen'jen

¹³ Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan. Queyi qui Na'supa tsa'caen tsoñe osha. Queyi qui osha'choma oshacho. Queyi qui tsangae ti'tsse joccapitssia Na'su. Tsangaeyi.

Mateo 6:13 ပူးပေါင်းရင်းမြစ်များ

Génesis 22:1

Omboe Chigaja Abraham tise've in'jan'chove atesuye in'jamba mandacan. Tsa'caen in'jamba tise inisei'ccu tisema ttu'sesi Abrahamjan su: —Vani gi can'jen.

Salmos 10:16

Nane tsangae tsu Na'su Chigaja manda'jeya. ¡In'jambindeqquia tsu tise ande'ye joqquitssiange'faya!

Salmos 106:48

¡Na'su Chigama ñotsse afa'faja! ¡Tiseja Israel Na'su tsu! ¡Tsangae tsu tisema ñotsse afa'faya'cho! ¡Ñotssi tsu Na'su Chigaja!

Daniel 4:25

Nane Que, Ti'tsse'tssia qui aindeccu'ye joqquitssipa aiña'chondeccui'ccu canseya. Vaura'caen qui shoshovima amba canseya. Toya'caen que ai'vonga tsu suruno shequepa tssipoen'jeña. Tsa'caen qui siete canqque'fave canseya. Nane Joccapitssia Chiga tsu va ande'su nasundeccuma ma'caen tsoñe oshachopa tsayi majama na'suve tsoñe in'jan'da tsama na'suve tson'su qquen in'jaña'ngae qui tsa'caen canseya.

Mateo 26:41

Anambe'yi Chigama iñajan'faja qquepa egae tsinconsa'ne. Nane que injama'cho tsosipie in'jan'ma qui ai'voni shacapa tsa'caen tsoñe oshambi.

Mateo 28:20

Toya'caen pa'cco ña que'ima mandaqquia'caen qui tise'pama'qque atesiaña'cho cuintsu tsa'caen pañamba tson'faye. Tsa'caen in'jaemba ñotsse in'jan'faja: Tsangae osefaeña'gae gi que'i'ccu can'jeña. Tsangaeyi.

Mateo 5:37

Tsa'ma jongoesuma afambe'yi aqquia'yi “ju” qquen su'faya'cho. Tsambi'ta “me'i” qquen su'faya'cho. Osha'cho ti'tsse afa'je'choja cocoya na'su in'jaensi afa'je'cho tsu.

Mateo 6:10

Queyi na'suve dapa poima mandaja. Que in'janqquia'caeñi pa'cco tsu jinchoja. Que sefacconi mandaqquia'caen va andeni'qque mandaja.

Juan 17:15

Tise'pama va ande'ye joqquitssiañe'da iñajambi gi. Tsa'ma cocoya Satana tise'pama dañosa'ne que se'piye gi iñajan.

1 Corinto'su 10:13

Que'ija egae tsoñe in'jan'da qui poiyi'cco a'i'ccu fae'ngatssi'fa. Ccaninga'fambi qui. Tsa'ma Chigaja ño'a. Tiseja antteya'bi cuintsu que'i panshaen egae tsoñe in'jamba egae tsincoñe'da. Nane egae tsincoñe in'jan'ninda que'ima tsu fuiteya que'i in'jan'cho'ye somboemba ccushaeñe.

1 Corinto'su 14:16

Tsa'cambi'ta queja ccaninga aya'fangae Chigama ñotsse afa'ninda ¿ma'caen tsu cca'indeccuja pañamba quei'ccu fae'ngae Chigama ñotsse afa'faya? Nane que su'cho aya'fama atesumbipa fae'ngae afaye osha'fambi.

2 Corinto'su 1:20

Chigaja osha'cho a'inga tsoña'choma condasepa Jesucristoi'ccu tsa'caen tson. Tsa'cansi ingi'qque Cristove in'jamba Chigane ñotsse afa'ta “Tsangaeyi” qquen gi su'fa.

Galacia'su 1:4

Na'su Jesucristoja tisuma afepa ingi egae tsincon'choma joqquitssiañe tsu pa. Nane ja'ño'su aindeccu egae tsincon'cho'ye Tiseja tsa'caen ingima ccushaen. Chiga ingi Quitsa tsu tsa'caen in'jan.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.

1 Tesalónica'su 1:10

Toya'caen tsu conda'fa ma'caen que'i Chiga Dutssi'ye Jesús sefaccone jiya'chove ronda'je'choma. Chiga Quitsaja pa'cho'ye tsama ccase qquendyaen. Tsa'caen qquendyaensi tsu Chiga ingima iyicca'yepa catiya'cho'ye ccushaen.

2 Tesalónica'su 3:3

Tsa'ma Na'suja Tise suqquia'caen ñoa'me tsoña. Tiseja aqque'pambe'yi que'ima an'biamba fuiteya que'i egae tsinconsa'ne.

1 Timoteoga 1:17

Na'su Chiganga gi ñotsse afa'fa. Ñoa'me tsu Na'suja ñotssia. Tsangae can'jemba tsangae Na'su tsu. Tiseja pa'masia, atte'masia tsu. Faesu chigave me'i'on. Tsangae tsu Tiseja ñotssia. Tsangaeyi.

Hebreo'su 11:36

Toya'caen a'ija majan Chigave in'jan'chondeccuma afasepa ma'ppi'fa. Candenai'ccu tandamba picco'je'cho ettinga picco'fa.

1 Pedro 5:8

Cocoya na'su, que'i'ccu iyicco'suja, putsa'su ttesia'caen a'tutsse majama patsuye ttattacan. Tsama injan'jemba ñotsse caña'jen'faja.

2 Pedro 2:9

Na'su Chigaja atesu ño'a a'ima ccushaeñe tise vana'jen'cho'ye egae tsinconsa'ne. Tsa'ma Tiseja egae tsinconsundeccuma an'bian injama'choma somboeña'cho a'ta vanaeña'chove.

1 Juan 3:8

Tsa'ma majan egae tson'suja cocoya na'su a'i tsu. Tsa cocoya na'su tsu me'ttia'ye egae tson'su. Tsa'cansi Chiga Dutssi'yeja va andenga ji, cocoya na'su tson'choma battianqquia'caen catiye.

Canjaen'cho 1:18

Cansian'su gi. Papa gi ccase qquendya. Qquendyapa tsangae gi canse. Nane pa'chombe na'suma patsupa gi na'suve da. Pa'chondeccu can'jen'ttima fetta'je'cho yavema itsapa gi an'bian.

Canjaen'cho 19:1

Tsomba tse'i tsain'bio a'i Chiga sefacconi bopa afasi gi paña. Qquen tsu quia'me afa'fa: ¡Aleluya! Chiga ingima Ccushaen'suja Osha'choma tsu Oshacho. Tisema ñotsse afa'faya'cho.

Canjaen'cho 19:4

Tsonsi tsu veinticuatro coenzandeccu, cuatro canse'pa jinchondeccu'qque andenga puntssan ccuipa Chigama ñotsse afa'fa. Nane Chiga Tise na'su dyaipa'choni dyaisi tsu Tisema su'fa: —Tsangaeyi, ¡Aleluya!

Canjaen'cho 2:10

Ti'tsse qui vanaña. Tsa'ma dyojama. Nane Satana majan que aindeccuma picco'je'ttinga piccoye tson'jen que'i poiyi'ccoma qqueñacañe que ñame in'jan'choma cative'se. Nane diez a'taqquia'caen qui osha'chone tsa'caen vanaña. Tsa'ma ñame in'jamba paya'ngae ñame in'janjan. Que tsa'caen in'jan'ninda gi quema otifaeña. Otifaensi qui tsangae na'suve dapa canseya.

Canjaen'cho 21:4

Chigaja jipa aindeccu inanzaccuma ccuchaqquia'caen tsu osha'choma ñotssiave ñoñaña. Nane a'ija pa'faya'bi. Ñombi'ye'faya'bi. I'na'faya'bi. Iña'su'faya'bi. Nane osha'cho tayoe jincho'cho tsu tsangae pasaya.

Canjaen'cho 3:10

“Vana'je'an'qque dyombi'tsse canseja” qquen ña mandasi qui pañamba tsa'caen tson. Tsa'cansi gi ñoa'me vanaeña'cho napisi quema ñotsse coiraya. Nane ñoa'me vanaeña'cho tsu pa'cco andeni napiye tson'jen poi ande'su a'i injama'choma atesuye. Tsa napisi gi quema coiraya.

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su:

Canjaen'cho 5:13

Toya'caen gi paña pa'cco Chiga agattoen'cho settapoen'choma. Nane pa'cco Chigambe sefacconi'su jincho'cho, pa'cco andeni'su jincho'cho, toya'caen ande tsosini, mar tsosini jincho'cho'qque tsu qquen settapoen'fa: Na'su dyaipa'chonga dyai'suja ñotssia osha'choma oshacho. Oveja'qque tsu ñotssia, osha'choma oshacho. Tsangae tsu Tise'panga ñotsse tsoña'cho. Tsangae tsu Tise'panga ñotsse afaya'cho.