Mateo 6:12 - Cofán: Chiga Tevaen'jen

¹² Ingi quema egae tsincomba shacaen'choma aqquepoenjan, ingi ingima egae tsincomba shacaensundeccuma aqquepoenqquia'caeñi.

Mateo 6:12 ပူးပေါင်းရင်းမြစ်များ

1 Reyes 8:30

Ña iñajan'choma pañamba poi israendeccu iñajan'choma'qque pañajan a'i vanima camba iñajan'fasi. Nane sefacconi can'jemba pañamba ingi egae tsincon'choma joqquitssianjan.

1 Reyes 8:50

Que aindeccu quenga egae tsincon'choma joqquitssianjan. Tise'pa quenga iyicca'ye'choma'qque ñoquianjan. Toya'caen tise'pama patsusundeccuma in'jaenjan cuintsu que aindeccuma mende'yepa ñotsse tson'faye.

Salmos 32:1

Avujatssi tsu tsa a'ija tise egae tsincon'cho tayo joqquitssisi. Nane tise in'jangae tsincon'choma ccuchasi avujatssi tsu.

Éxodo 34:7

Nane mil omba'su dutssiyendeccunga gi antte'beyi tsangae ñotsse in'jamba tise'pa egae tsincon'choma joqquitssiamba shacama'qque ccuchaya. Tsa'ma ñama chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma gi somboeña.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Mateo 26:28

Va cui'ccuja ña anjampa tsu. Chiga a'i'ccu fae'ngae injancco'fa'chove canjaen'cho anjampa tsu. Tsain'bio a'ine ña anjampa tssamba catiyeya tise'pa egae tsincon'choma joqquitssiañe.

Mateo 9:2

Jisi ishopa paji'suma tisupa ana'jen'chonga opi i'fa Jesúsnga. Jesúsja tise'pa Chigave in'jan'choma in'jamba ishopa paji'suma su: —Jaricho dyojama. Tayo tsu que egae tsincon'choma joqquitssian.

Marcos 11:25

Chigama iñajan'jen'da tisu majain'ccu iyiccaye'je'choma in'jamba japa ñoquiaña'cho. Tsa'caen tsonsi tsu Chiga que'i Quitsa sefacconi canjen'su'qque que'i egae tsincon'choma joqquitssiamba ñoquiya.

Lucas 11:4

Ingi quema egae tsincomba shacaen'choma aqquepoenjan, ingima egae tsincomba shacaensundeccuma aqquepoenqquia'caeñi. Ingi egae tsinconsa'ne ottuni ttupa coiraja. Tsomba osha'cho ega'ye ingima ccushaenjan.

Lucas 13:4

Toya'caen voeyi tsu Siloé'su se'fatssia tsa'o osuipa amppisi diez y ocho a'i pa'fa. ¿Tsendeccuta ti poiyi'cco Jerusalensundeccuma ti'tsse shacapa'fa?

Lucas 6:37

Cca'i egae tsincon'choma ttatta'fambian'da Chiga'qque que'i egae tsincon'choma tta'ttaya'bi. Ni cca'imbe egae tsincon'cho shacane qquen afambian'da Chiga'qque que'i egae tsincon'cho shacane afaya'bi. Cca'indeccu que'ima egae tsincon'ninda tise'pama in'jamba tise'pa egae tsincon'choma aqquepoen'faja. Tsa'caen aqquepoe'ninda Chiga'qque que'ima in'jamba que'i egae tsincon'choma aqquepoeña.

Tson'fa'cho 13:38

Antiandeccu, atesu'faja: Va tsandieta tsu a'i egae tsincon'choma joqquitssian'su. Tsane gi que'inga condase.

Efeso'su 1:7

Chigaja ñoa'me ingima in'jamba ccushaen. Nane Jesucristo anjampa tssansi Chigaja ingima ccushaemba ingi egae tsincon'choma'qque joqquitssian.

Efeso'su 4:32

Anttepa tisupapora ñotsse tson'faja. Que'ija Cristombe'fasi Chigaja que'i egae tsincon'choma tayo aqquepoen. Tsa'caen que'i'qque tisupapora mende'yepa tise'pa que'inga egae tsincon'choma aqquepoen'faja.

Colosa'su 3:13

Tisupaporai'ccu iyicca'yembe'yi canse'faja. Tsa'ma faesu que'ima egae tsincon'ninda tise'pa egae tsincon'choma aqquepoemba ñoquicco'faya'cho. Nane Na'su Jesúsja tsa'caen ingi egae tsincon'choma aqquepoe'ninda ingi'qque cca'i ingima egae tsincon'choma aqquepoemba ñoquiya'cho.