Mateo 5:6 - Cofán: Chiga Tevaen'jen

⁶ Que'i majan qquipoe'supa toya'caen tsaqquie'supa ttepuye in'janqquia'caen ño'ame daye in'jan'da ñoa'me qui avujatssi'fa. Chiga tsu que'ima ño'ame tsoña.

Mateo 5:6 ပူးပေါင်းရင်းမြစ်များ

Lucas 1:53

Qquipoe'sundeccuma o'fianqquia'caen ñotssiama afe. Tsa'ma osha'choma an'biansundeccumajan me'ccoeyi maña.

Lucas 6:21

Que'i qquipoe'sundeccu ñoa'me qui avujatssi'fa. Que'i qui tteppu'faya. Que'i inasundeccu ñoa'me qui avujatssi'fa. Que'i qui feña'faya.

Lucas 6:25

Vana'faya qui que'i amba tteppu'chondeccu. Qquipoe'su'faya qui. Vana'faya qui que'i ja'ño feñasundeccu. Ñombi'yepa qui i'na'faya.

Juan 4:14

Tsa'ma majan ña cui'ña'cho tsa'ccuma cu'i'ta minga'ni'qque tsu tsaqquie'su'faya'bi. Ña cui'ña'cho tsa'ccuta tsu tisenga sombopa oshaqquia'caen tsangae canseya'chove cansiaña.

Juan 6:27

Congonqque'su aña'choma in'jan'fajama. Tsa'ma Sefaccone Ji'cho A'i quenga afe'cho tsangae cansiaña'cho anqque'suma ñotsse in'jan'faja. Chiga Quitsa tsu ñama in'jamba tsa'caen afeye manda antte.

Juan 7:37

Fiesta pasaya'cho a'ta tsu ñoa'me ti'tsse'tssia fiesta a'ta. Tsequi a'ta Jesúsja jangi ccutsupa quia'me afa: —Majan tsaqquie'su'ta ñani jipa cu'ija.

Canjaen'cho 7:16

Ccase tsu qquipoe'su'faya'bi. Ni tsaqquie'su'faya'bi. Coejechiga ni ju'rutssia fingian'qque tise'pama cuñaña'bi.