Mateo 5:39 - Cofán: Chiga Tevaen'jen

³⁹ Tsa'ma ñanda gi que'ima su: Cca'i quema egae tsincon'ni'qque tsama se'pijama. Nane a'i quema faefa'su tsovejuma tssai'ninda ccafa'su tsovejuma canjaen'faja cuintsu tsama'qque tssaiye.

Mateo 5:39 ပူးပေါင်းရင်းမြစ်များ

Levítico 19:18

“Que faenga'su quema egae tson'ninda ccane'qque tisema egae tsonjama. Ni tise tsa'caen egae tson'ni'qque que injama'choni botsse tisema chi'gajama. Tsa'ma tisuma in'janqquia'caen que faenga'suma ñotsse in'janjan. Ña gi Na'su.

Mateo 5:40

A'i que contoma itsaye in'jamba na'sunga quema angaji'ninda que ondiccu'jema'qque se'pimbe'yi afeja.

Lucas 22:64

Tise tso'fema sarupai'ccu tandamba tise cambajuma tssaipa iñajampaña'fa: —Injama'choi'ccu in'jamba condaja majan tsu quema tssai.

Lucas 6:7

Fariseondeccu, Chiga Aya'fama atesiansundeccu'qque Jesúsma camboen'jen'fa. Nane sema'ma'qquia a'ta Jesús se'je ccushaen'ninda, tiseja egae tsincon'su qquen suye ronda'je'fa.

Juan 18:23

Jesúsja su: —Ña egae su'nijan condaja ma'caen tsu ega. Tsa'ma ña su'cho ñotssiamajan ¿jongoesie qui ñama tssai?

1 Corinto'su 6:7

Nane faenga'sui'ccu iyiccopa patsuye in'jan'da ñoa'me qui tayo qque'fa. ¿Bove ñotssimbi ti que faenga'su quema iyicca'ye'ninda tisema antteye cuintsu quema patsuye? ¿Bove ñotssimbi ti se'pimbe'yi tise itsaye in'jan'choma afeye cuintsu iyicca'yembe'yi pasaye?

1 Tesalónica'su 5:15

Injama'tse, majan que'ima egae tsonsi ccane'qque egae tsonsa'ne. Tsa'ma ma'caen osha'ta tisupapora, nane poiyi'ccoma ñotsse tson'faja.

Santiago 5:6

Nane que'ija injama'choma somboemba ño'a aindeccuma fi'ttipoen'fa. Tsendeccuja afaye oshambipa pa'fa.

1 Pedro 3:9

Faesu que'ima egae tsonsi ccane'qque egae tson'fajama. Egae afasesi ccane'qque afase'fajama. Tsa'ma ccane'qque tisema ñotsse tson'faja. Nane Chigaja que'ima in'jamba tsa'caen ttu'se osha'cho ñotssiama que'inga afeye.