Mateo 5:32 - Cofán: Chiga Tevaen'jen

³² Tsa'ma ñanda gi que'ima su: Majan a'i tise pushe faesui'ccu can'jemba tsa'caen egae tsincon'ninda tisema catiye osha. Tsa'ma tise pushe ñotsse tisei'ccuyi can'jen'choma, tsandie chi'gapa catiye in'jan'da egae tsu tsincoen pushesuma. Toya'caen faesu tsandie tsa catiye'cho pushesuma pushe'ta tise'qque tsai'ccu can'jemba egae tsincon.

Mateo 5:32 ပူးပေါင်းရင်းမြစ်များ

Mateo 5:28

Tsa'ma ñanda gi que'ima su: Majan a'i pushesuma camba in'jangae in'jan'da tayo tsu tisu injama'choni tisei'ccu fae'ngae can'jen'ma'caen in'jamba egae tsincon.

Lucas 16:18

Poiyi'cco majan tise pushema catipa faesu pushesuma pushe'ta ñoa'me tsu egae tsincomba canse. Toya'caen tsa'caen tise pushema catisi majan tsa pushesuma pushe'ta tsa'qque egae tsincomba canse.

Lucas 9:30

Dos a'i'qque a'tatssia've attiamba Jesúsi'ccu condase'je'fa. Tsendeccuja tayopi'su Moisés, tayopi'su Elías'qque. Jesús Jerusaléni japa paya'chone tsu condase'je'fa.

Lucas 9:35

Ccuttopa'si'ye aya'faja qquen afa: —Vaja ña in'jan'cho Dutssi'ye tsu. Tisema paña'faja.

Romanos 7:3

Toya'caen pushesuja tise tsa'ndu toya canse'ni faesu tsandiei'ccu can'jen'da egae tsu tsincon. Tsa'ma tise tsa'ndu pa'ninda tsa'ndui'ccuyi canseya'chove manda'choma pasapa egae tsincombe'yi tsu faesu tsandiema tsa'nduye osha.

1 Corinto'su 7:4

Nane pushe tsu tisu ai'voma mandambi. Tsa'ma tise tsa'nduja tise na'su tsu. Toya'caen tsa'ndu tisu ai'voma mandambisi tise pushe tsu tise na'su.

Deuteronomio 24:2

Pushesu'qque tsa'o'ye sombopa faesuma tsa'nduye osha.