Mateo 5:25 - Cofán: Chiga Tevaen'jen

²⁵ A'i quema iyicca'yepa que egae tson qquen supa na'sunga angaji'ninda tsu toya na'sunga napimbi'te tisema ñoquiaña'cho. Ñoquiambian'da tsu na'sunga quema afeya. Na'su'qque capitáma tsu mandaya quema indiye. Indipa tsu picco'je'cho ettinga quema piccoya.

Mateo 5:25 ပူးပေါင်းရင်းမြစ်များ

Salmos 32:6

Tsa'cansi tsu poiyi'cco Chigave in'jan'chondeccu quema iñajaña'cho. Nane que can'jensi atteye osha'ta tsu iñajaña'cho maqui a'ta vana'jen'cho ji'ni'qque opatsse can'jeñe.

Mateo 26:58

Jesúsma anga ji'fa'ni Pedro'qque biaccayi jiña. Jipa Caifás tsa'o atandundunga ca'nimba sundarondeccui'ccu dyai ma'caen tson'jen'chove atteye.

Lucas 18:3

Toya'caen tsandupajen'choqque tsa canqqueni can'jen. Faesu a'i tisema egae tsonsi tsa ñoquian'suma iñajan cuintsu tsambe injama'choma somboeñe. Zutsse jipa iña'jansi

2 Corinto'su 6:2

Nane Chigaja su: Paña'jen'cho a'ta gi que'ima paña. Ccushaeña'cho a'ta gi que'ima fuite. ¡Que canjan! Ja'ño tsu paña'jen'cho a'ta. Ja'ño tsu ccushaeña'cho a'ta.

Hebreo'su 12:17

Tsa'caen tsomba omboe tisenga afeye su'choma isuye in'jansi tise yayaja tisenga afeye se'pi. Se'pisi ñoa'me injama'choi'ccu in'jamba i'na. Tsa'ma i'na'a'qque isuye oshambi. Tsa'caen injanga catipa tsangae tsu pasa.

Hebreo'su 3:13

Tsa'ma “ja'ño a'ta” Chiga toya iyicca'yembi'te poi a'ta tisupapora candusiamba fae'ngae fuitecco'faja. Fuiteccopa egae tsincon'choma antte'faja, tisuma afopoenqquia'caen “Ñotssi tsu” qquen in'jan'fasa'ne. Nane tsa'caen in'jan'da injama'choni qquepa Chigama pañañe osha'faya'bi.

Hebreo'su 3:7

Tsa'cansi ñoa'me Chiga Qquendya'pa suqquia'caen tsu. Qquen tsu Chiga Tevaen'jenga su: Tayopi'su israendeccuja ñama patsu qquen tsincomba pañañe chi'ga'fa. Ja'ño a'ta Chiga Aya'fama paña'da que'i injama'choma tsendeqquia'caen se'pi'fajama ñoa'me pañañe. Nane tayopi'su israendeccuja a'i menia can'jemba toequi Egiptoni shandaye in'jan'fa. Tsa'caen in'jamba Chigama pañambipa injanga Tisema patsu qquen tsincon'fa.