Mateo 5:18 - Cofán: Chiga Tevaen'jen

¹⁸ Ñoa'me gi que'ima su: Sefacco ande'qque osefaeña'cho napiya'ngae tsu Chiga manda'choja toya jinchoya. Ni fae tevaen'tti'cco tsu pasaya'bi. Nane Chiga in'jamba manda'chove tsoña'gae ni fae e'e'qque pasaya'bi.

Mateo 5:18 ပူးပေါင်းရင်းမြစ်များ

Salmos 102:26

Osha'cho tsaja sefaqque'su tsu. Tsa'ma queja tsangae can'jeña. Osha'cho tsaja sarupa'caen tssoruve dapa congoña. Nane ondiccu'jema cambianqquia'caen queja tsama ccaningae tsonsi tsu tsa'caen ccaningae daya.

Isaías 40:8

Shoshovi sambasi te'ta'qque pandipa sheque'faya. Tsa'ma ingi Chigambe Aya'faja tsangae tsu jinchoya.”

Mateo 10:15

Ñoa'me gi que'ima su: Osefaeña'cho a'ta napijisi tsa canqquesundeccu tsu bove dyo'tsse da'faya. Nane tayopi'su Sodoma canqquesundeccu, Gomorra canqquesundeccu'qque ñoa'me egae tsincomba tsequi a'ta ñoa'me vana'faya. Tsa'ma que'ima chi'gasundeccuja tise'pama ti'tsse tsu vana'faya.

Mateo 10:23

Fae canqqueni que'ima noñangiansi faesu canqquenga tsu ccuyapa ja'faya'cho. Ñoa'me gi que'ima su: Tsa'caen cca'tti cca'ttinga japa poiyi'cco israe'su canqquenga toya ja'fambi'te Sefaccone Ji'cho A'i gi ccase jiya.

Mateo 10:42

Majan ñama shondosundeccu du'shuaca'on joccapitssiambi tsu. Tsa'ma majan a'i “Tsendeccu Jesúsve in'jan'fa” qquen in'jamba cha'ndia tsa'ccuma cui'ña'da tise'qque Chigane ñotsse tsu isu'faya.

Mateo 11:11

Ñoa'me gi que'ima su: Va andeni faesu a'i Feti'su Juanma ti'tsse'tssiaja me'i'on tsu. Tsa'ma Chigama na'sian'cho a'i, tsa ñoa'me utu'ccoa tsu Juanma ti'tsse'tssia.

Mateo 13:17

Ñoa'me gi que'inga tansintsse su: Tsain'bio tayopi'su Chiga Aya'fama afasundeccu, tayopi'su Chigave in'jamba ño'a aindeccu'qque que'i ja'ño atte'choma atteye ñombi'ye'ma atte'fambi. Que'i ja'ño paña'choma'qque pañañe ñombi'ye'ma paña'fambi.

Mateo 16:28

Ñoa'me gi que'inga su: Majan que'i'suja toya pambi'te qui Sefaccone Ji'cho A'i na'suve dapa jiya'choma atte'faya.

Mateo 17:20

Jesúsja su: —Que'ija toya ñame ñoa'me in'jan'fambi. Nane ñame aqquia re'riccoe in'jan'da ñoa'me osha'choma qui osha'faya. Mostasa cho ñoa'me'qque chipiri tsu. Que in'jan'choja tsa'caen chipirisi va rande ccotta'ccoma “Joqquitssipa cca'ttinga japa ccutsuja” qquen mandasi tsa'caen tsu jaya. Que'i tsa'caen ñame in'jamba nane osha'choma qui osha'faya.

Mateo 18:18

Tansintsse gi que'ima su: Osha'cho jongoesuve qui va andenga se'pi'ninda tsa'caen tsu Chiga sefacconi'qque se'piya'cho. Osha'cho jongoesuma qui va andenga in'jamba manda'ninda tsa'caen tsu Chiga sefacconi'qque in'jaña'cho.

Mateo 18:3

Tisema ccutsiamba shondosundeccuma su: —Ñoa'me gi que'ima su: Va du'shua'caen da'ta qui Chigama na'sian'cho a'ive da'faya. Tsambi'ta joccapitssia've daye in'jan'da ni ca'ni'faya'bi qui.

Mateo 19:23

Tsonsi Jesús tisema shondosundeccuma su: —Ñoa'me gi su: Aiye'pa tsu rico a'i Chigama na'sian'cho a'ive daye.

Mateo 19:28

Qquen susi Jesús su: —Ñoa'me gi su: Jai'ngae osha'cho cuname dasi Sefaccone Ji'cho A'i tise ñotssia dyaipa'chonga dyaipa manda'nijan que'i'qque doce dyaipa'chonga dyaipa doce israendeccu'su aindeccuma manda'faya.

Mateo 21:21

Jesús tise'pama su: —Ñoa'me gi que'ima su: Ñame in'jamba injama'cho shacambi'ta que'i'qque ña higuera'jima tsonqquia'caen qui tson'faya. Toya'caen ti'tsse tsomba qui va ccotta'ccoma suye osha'faya: “Va'ttie joqquitssipa marnga japa andeccoja.” Qquen mandasi tsu tsa'caen tsoña.

Mateo 21:31

Tsa dos dutssi'ye, ¿majan tsu tise yaya in'janqquia'caen tson? Pañasundeccuja su'fa: —Otien'su. Tsonsi Jesúsja su: —Ñoa'me gi su, govierno impuestoma isusundeccu, tisu ai'voi'ccu gana'su pushesundeccu'qque que'ima o'tie tsu Chigama na'sian'cho a'ive da'faya.

Mateo 23:36

Tsa'cansi ñoa'me gi su pa'cco tsaite fi'tti'chone'qque ja'ño'su aindeccuja shacaen'faya.

Mateo 24:2

Condasesi Jesús tise'pama pañamba su: —¿Va tsa'oma ti qui atte'fa? Ñoa'me gi su: Ni fae patuyi'qque faesu patumbe ombani ottaya'bi tsu. Pa'ccoma tsu asitta'faya'cho.

Mateo 24:47

Nane ñoa'me gi su: Na'su mandaqquia'caen tsonsi attepa tsu pa'cco tisu an'bian'choma tsanga afeya cuintsu coiraye.

Mateo 25:12

Tsa'ma na'su pañamba su: “Ñoa'me gi ñajan que'ima atesumbi.”

Mateo 25:40

Qquen iñajampañasi na'su tsu suya: “Ñoa'me gi su: Osha'cho jongoesuve qui va ñame in'jamba utu'ccoandeqquianga ñotsse tson'da qui ñanga'qque tson.”

Mateo 25:45

Qquen iñajampaña'fasi Na'su tise'pama suya: “Que'i va ñame in'jamba utu'ccoandeqquianga jongoesuve fuitembi'ta qui ñama'qque fuite'fambi.”

Mateo 5:26

Ñoa'me gi su: Tseni piccoye'ta tsu pa'ccoma nane reama'qque afepoeña'cho tisu somboye.

Mateo 6:16

Asettupa ambe ca'an'qque ñombi'ye'fajama qquipoe'su'choma canjaeñe. Ñotsse attiañe qquen afopoensundeccuja tsa'caen ñombi'yepa tise'pa ambe can'fa'choma poiyi'cconga canjaen'fa. Tsa'caen tsincon'da tsangae ti'tsse'tssia've Chigane ñotsse isu'faya'bi.

Mateo 6:2

Tsa'cansi va'chandeccunga afeye tson'jen'da poiyi'cco a'ima ttu'se'fajama tsendeccu caña'jeni afeye. Nane ñotsse attiañe in'jan'chondeccuja Chiga Aya'fama atesian'jen'ttinga, tsaiquinga'qque fendo'ccoma fendo'fa poiyi'cco a'ima canjaeñe cuintsu tise'paja ño'a'fa qquen in'jan'faye. Nane ñoa'me gi su, tsendeccuja tsa'caen a'i ñotsse afa'choma pañamba Chiga ñotsse afa'chomajan paña'faya'bi.

Mateo 8:10

Jesús tsama pañamba sundaro capitáne asi'ttaén ccutsu. Tsomba piyicamba tisei'ccu jacansundeccuma su: —Ñoa'me gi su, va a'ija ñoa'me tsu ñame in'jan. Ni fae israe'su tsa'caen ñama in'jambi.

Marcos 10:15

Nane ñoa'me gi su, majan ñame in'jambipa va dushundeqquia'cambija osha'faya'bi tsu Chiga sefacconi ca'niñe.

Marcos 10:29

Tsonsi Jesúsja su: —Ñoa'me gi su, majan a'i ñama in'jamba, va ccushaya'chone ñotsse condase'choma in'jamba osha'choma cati'ta ja'i tsu ñoa'me ti'tsse'tssia've isuya. Nane majan tise tsa'o, tise antiandeccu, tise yaya, tise mama, tise pushe, tise dushundeccuma, tise andema'qque cati'ta tsaja toya va andeni cansepa tsu injan'tsse isuya. Nane tsa'o, antiandeccu, mamandeccu, dushundeccu, andeve'qque ti'tsse tsu isuya. Toya'caen tsa'caen da'fasi cca'indeccuja tisema chi'gapa in'jangae tsincon'faya. Tsa'ma jai'ngae tsa chi'ga'cho tsu tsangae canse'pama isuya.

Marcos 11:23

Nane ñoa'me gi su, majan a'i va ccotta'ccoma “Joqquitssipa marnga jaja” qquen susi tsa'caen tsu jaya. Nane tisu injama'cho shacambipa, “tisu suqquia'caen tsu daya,” qquen in'jan'ninda tsa'caen tsu daya.

Marcos 12:43

Tsama attepa Jesús tisema shondosundeccuma ttu'sepa su: —Ñoa'me gi su, va'cha pajaen'cho tsu cca'ima ti'tsse ppiña corifin'dima ppiña'jen'chonga.

Marcos 13:30

Ñoa'me gi su: Va ja'ño'su aindeccu toya pambi'te tsu pa'cco ña su'choja napiya.

Marcos 14:18

Tsomba mesani piyive ccuipa an'jemba Jesúsja su: —Ñoa'me gi su, fa'e que'i'suyi ñai'ccu fae'ngae an'jen'cho, tsa tsu ñama chi'gapa cca'indeccunga afeya.

Marcos 14:25

Ñoa'me gi su, ccatsse'qque vani cu'iya'bi gi o'fa tsaja vinoma. Jai'ngae Chiga Quitsa tise aindeccuma mandasi gi tseni tise'pai'ccu cuna vinoma cu'iya.

Marcos 14:30

Tsa'ma Jesúsja su: —Ñoa'me gi su, ja'ño cose'yi que'qque toya arapa dos se se'yombi'te tres se qui ñane a'tieña.

Marcos 14:9

Ñoa'me gi su: Poi ande'ye mani va ñotsse condase'choma condase'ta va pushesu tson'choma'qque tsu condase'faya cuintsu tisema injan'jen'faye.

Marcos 3:28

Nane ñoa'me gi su: Osha'cho egae tsincon'cho, osha'cho Chiganga afase'cho'qque a'i'ye joqquitssiqque'su tsu.

Marcos 6:11

Majandeccu que'ima chi'gapa que aya'fama paña'fambi'nijan tsa canqque'ye sombopa ja'faja. Jayipa que tsu'ttenga ancamba totopa'ma fanttundu cati'faja tise'pa egae tson'choma canjaeñe. Ñoa'me gi que'ima su: Osefaeña'cho a'ta napijisi tsa canqquesundeccu tsu bove dyo'tsse da'faya. Nane tayopi'su Sodoma canqquesundeccu, Gomorra canqquesundeccu'qque ñoa'me egae tsincomba tsequi a'ta ñoa'me vana'faya. Tsa'ma que'ima chi'gasundeccuja tise'pama ti'tsse tsu vana'faya.

Marcos 8:12

Jesús injama'chone ñombi'yepa qquendyaccopa su: —¿Jongoesie tsu va aindeccuja sefacconi'su canjaen'chove iñajan'fa? Ñoa'me gi su, mingavieyi'qque tise'panga canjaen'chove canjaeña'bi gi.

Marcos 9:1

Toya'caen tsu Jesúsja su: —Ñoa'me gi su, majan que'i'su toya pambi'ta Chiga Quitsa que'i na'suve dapa manda'choma qui atesu'faya. Nane tsequi a'ta osha'choma tsu mandaya.

Marcos 9:41

Majan a'i ñame in'jamba que'inga ñotsse afe'ninda Chigaja tsanga ñotsse afeya. Nane que'ija Cristombe a'i qquen in'jamba aqquia tsa'ccuma cui'ña'a'qque ñotsse tsu isuya.

Lucas 11:51

Me'ttia'ye tayopi'su Abelma fi'tti ashaemba fitti'tti canse'fa. Voeyiyitsse Zacaríasja Chiga ettini ccutsupa Chiganga oque oraen'jen'cho jin'tti Chiga Aya'fama condase'je. Condase'je'ni tisema fi'tti'fa. Tsa'caen tsomba tsu shacapa'fa. Shacama tsa'caen boñasi tsu Chigaja va ja'ño'su aindeccuma iñajan.

Lucas 12:37

Majan semasundeccuja tise'pa na'su ji'je'ni toya anambi'ta ñoa'me tsu avujatssi'faya. Ñoa'me gi su tsama attepa tsu na'suja mandaya cuintsu an'jen'cho mesanga dyai'faye. Tsomba na'suja osha'choma ñoñamba tise'be semasundeccunga o'fiaña.

Lucas 13:35

¡Que canjan! Chigaja que'i can'jen'ttima tsu catiya. Ñoa'me gi su, Ccatsse qui ñama atte'faya'bi que'i ñama qquen suya'ngae: “Ñoa'me ñotssia tsu Na'su Chiga moensi ji'cho.”

Lucas 16:17

Tsa'ma Chiga manda'choja pasaya'bi. Ni fae tevaen'ttiyi'qque pasaya'bi. Nane bove aiye'pambicco tsu sefacco, ande pasa'faya'cho. Tsa'ma Chiga manda'choja pasaya'bi.

Lucas 18:17

Ñoa'me gi su: Va dushundeccuja ñame in'jan'fa. Majan tise'pa'caen ñame in'jan'da Chiga aindeccuve dapa Chigama paña'faya. Tsa'ma majan ñame in'jambi'ta ca'ni'faya'bi Chigai'ccu tsangae canseye.

Lucas 18:29

Jesús tise'pama su: —Ñoa'me gi su, majan a'i tise tsa'o, tise pushe, antian, mama, yaya, du'shuma'qque catipa Chiga in'jan'chove in'jan'da

Lucas 23:43

Jesúsja tisema su: —Ñoa'me gi su, ja'ño a'ta qui ñai'ccu Chiga ñotssiani can'jeña.

Lucas 4:24

Toya'caen Jesúsja ti'tsse candusiamba su: —Ñoa'me gi que'inga su, tisu andeni jisi tsu tisu aindeccu tsa Chiga Aya'fama afa'suma chi'ga'fa.

Juan 1:51

Toya'caen Jesúsja su: —Nane ñoa'me gi que'inga su: Sefacco fettayesi qui atte'faya Chigama sefacconi'su shondosundeccu ñani ji'ngipa ja'je'choma. Sefaccone Ji'cho A'i gi.

Juan 10:1

Nane ñoa'me gi su majan oveja ttuccu sombo'tti'ye ca'nimbipa ccafae ca'ni'chota ccanamba tsu. A'tutsse ccana'su tsu.

Juan 10:7

Jesúsja ccase condaseye ashaen: —Ñoa'me gi su: Ña gi oveja cani'jen'cho sombo'ttia'can.

Juan 12:24

Ñoa'me gi su: Ppu'ppu choma andenga jombian'da aqquia fae ppu'ppu choyi tsu. Tsa'ma andenga jonsi tsangae napipa ccase tsu atapaya ti'tsse'e. Tsa'caen ñajan papa gi ña a'ima ti'tsse'e atapoeña.

Juan 13:16

Ñoa'me gi su, sema'suja tise na'suma ti'tsse'tssimbi tsu. Mandasi ja'su'qque tisema manda'suma ti'tsse'tssimbi tsu.

Juan 13:38

Tsa'ma Jesúsja tisenga su: —¿Ñoa'me ti qui ñai'ccu fae'ngae paye dyojombi? Ñoa'me gi su, arapa gayo toya se'yombi'te tres se qui ñama atesumbi qquen a'tieña.

Juan 14:12

Ñoa'me gi su: majan ñame in'jan'da ña tsonqquia'caen tsu tson'faya. Nane ña tson'choma ti'tsse'tsse'qque tsu tson'faya, ña Quitsa can'jeni ña jasi.

Juan 16:20

Nane ñoa'me gi su: Que'ija ñombi'yepa i'na'faya. Tsa'ma ñame in'jambindeqquia tsu avuja'faya. Que'i ñombiye'je'cho pasasi jai'ngae qui ccase avuja'faya.

Juan 16:23

Tsequi a'taja ñama iñajampaña'faya'bi qui. Nane ñoa'me gi su ñame in'jamba qui osha'cho jongoesuve ña Yayama iñajan'ninda Tiseja que'inga afeya.

Juan 21:18

Nane ñoa'me gi su, que chuiteja tisu qui ondiccupa mani jaye in'jan'da ja. Tsa'ma coenza ccashe'yeve da'ta qui que tivema yasasi faesu tsu quema ondiqquiamba que jaye in'jambinia angaya.

Juan 3:11

Nane ñoa'me gi su, tisupa atesucho'choma gi afa'fa. Tisupa atte'choma gi condase'fa. Tsa'ma que'ija paña'fambi qui ingi condase'choma.

Juan 3:3

Tsonsi Jesúsja su: —Ñoa'me gi su, majan cuname isumbi'choa'manda ¿ma'caen tsu Chigaja tise na'suve daya?

Juan 3:5

Tsonsi Jesúsja su: —Nane ñoa'me gi su, majan tsa'ccui'ccu toya'caen Qquendya'pai'ccu isumbi'choa'ta tsu Chigama na'siañe oshambi.

Juan 5:19

Tsonsi Jesúsja tise'panga su: —Nane ñoa'me gi su: Tisuyi'ta gi Chiga Dutssi'ye'qque oshambi. Tsa'ma tisu Yaya tson'jensi attepa gi osha. Osha'choma tisu Yaya tson'jen'choma gi ña'qque tson'jen.

Juan 6:26

Tsa'ma Jesúsja su: —Ñoa'me gi su, que'i an tteppu'choveyi in'jamba qui ñame tta'tta'fa ña canjaen'choma in'jambipa.

Juan 6:32

Tsonsi Jesúsja su: —Ñoa'me gi su: Moisésja sefacconi'su panma afembi tsu. Tsa'ma Chiga ña Quitsa tsu que'inga afe'je ñoa'me Chiga sefacconi'su panma.

Juan 6:47

Ñoa'me gi su ñame in'jan'chota tsangae canseya'cho tsu.

Juan 6:53

Jesúsja su: —Ñoa'me gi su: Que'ija Sefaccone Ji'cho A'i ai'voma ambi'ta, tise anjampama cu'imbi'ta canse'faya'bi qui.

Juan 8:34

Jesúsja su: —Ñoa'me gi su poiyi'cco majan egae tsincon'fa'ninda egae tsincon'cho tsu tise'pa na'sia'caen tise'pama manda.

Juan 8:51

Ñoa'me gi su majan ña su'choma paña'da minga'ni'qque pa'faya'bi tsu.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

1 Pedro 1:25

Tsa'ma Na'su Chiga Aya'faja tsangae tsu jinchoya. Tsa Chiga Aya'faja que'inga condase'cho ccushaeña'cho aya'fa tsu.

Canjaen'cho 20:11

Tsomba rande totoa na'su dyaipa'choma gi atte. Tsani dyai'suma'qque gi atte. Pa'cco ande, pa'cco sefacco'qque Tisene ccuyin jaqquia'caen me'i'en da'fa. Tise'pa mani jinchoya'chove me'i'on.