Mateo 4:7 - Cofán: Chiga Tevaen'jen

⁷ Jesúsja su: —Toya'caen tsu Chiga Tevaen'jenjan qquen su: “Chigaja que Na'su tsu. Tisema qqueñambe canjan.”

Mateo 4:7 ပူးပေါင်းရင်းမြစ်များ

Salmos 106:14

Tseni, a'i menia tisupayi can'jemba tise'pa in'jangae in'jan'chove iñajamba Chigama qqueñacañe iñajan'fa.

Salmos 78:18

Iyicca'yepa Chigama atesucañe in'jamba dyombi'tsse tise'pa in'jan'cho anqque'suve iñajan'fa.

Salmos 78:41

Injanga tson'ñaccapa Chiga iyicca'yepa tson'jen'chove atesu'fa. Tsa'caen tsomba Israel Ñotssia Joccapitssia Chigama ñoquimbian'fa.

Salmos 78:56

Tsa'ma ccase injanga tson'jen'fa Chiga tsoña'chove atesuye. Joccapitssia Chigama pañambipa tise'pa in'janqquia'caen tson'fa. Na'su manda'choma chi'gapa tsa'caen tson'fambi.

Salmos 95:9

Nane que'i tayopi'su coenzandeccuja ña ñotsse tson'choma atte'ma ñama noñangian'fa.

Éxodo 17:2

Tsa'cansi tsu aindeccuja Moisési'ccu qquen afacco'fa: —¡Tsa'ccuma afeja ingi cui'ye! Tsonsi Moisésja su: —¿Jongoesie qui ñai'ccu afacco'fa? ¿Jongoesie qui Chigama noñangiancán'fa?

Éxodo 17:7

tsa'caen tsomba tse'ttima Meriba qquen inisian. Nane israendeccu afacco'fattisi tsa'caen inisian. Toya'caen Masah qquen inisian, israendeccu Chigama noñangiamba'ttisi. Nane noñangiancamba tsu qquen su'fa: “¿Can'jen miconde Na'su Chigaja ingi'ccu? ¿Tsambi'ta me'in?”

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Mateo 21:16

Jesúsma su'fa: —¿Pañambi ti qui tise'pa su'chomajan? Jesús tise'pama su: —Ju, paña. Tsa'ma paña'fambi ti qui Chiga Aya'fa tsane qquen su'choma: Que anttesi dushunaccu, nane toya chocho'jendeccu'qque quema tansintsse ñotsse settapoen'fa.

Mateo 21:42

Qquen susi Jesús tise'pama su: —¿Can'fambi ti qui Chiga Tevaen'jen tsane qquen su'choma? Qquen tsu su: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da. Tsa'caen tsu Na'suja tson. Ingija attepa can'boemba “Ñotssi tsu” qquen asi'ttaen'fa.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Mateo 4:4

Tsa'ma Jesúsja su: —Chiga Tevaen'jeni qquen tsu tevaen: “Aqquia'yi anqque'suma amba a'ija canse'faya'bi. Tsa'ma Chiga Aya'fa a'ima in'jaensi tsu canse'faya.”

Lucas 4:12

Tsa'ma Jesúsja tisema su: —Chiga Tevaen'jenga qquen tsu su: “Chigaja que Na'su tsu. Tisema qqueña qquen tsonjama.”

Tson'fa'cho 15:10

Tsa'can'ma ¿jongoesie qui que'ija ja'ño Chiga tson'choma in'jambipa Moisés manda'choma israembindeqquianga'qque manda'fa? Tsata tsu tssai'a andu'choma anduqquia'can. Nane ingi ni ingi tayopi'su coenzandeccu'qque va manda'choma tsoñe osha'fambi.

Tson'fa'cho 5:9

Tsonsi Pedroja su: —¿Jongoesie qui que'ija fae'ngae Na'su Chiga Qquendya'panga ya'caen afopoen qquen tson'jen'fa? Que canjan. Tsotefae tsu jiña'fa que tsa'nduma atusundeccu. Quema'qque tsu anga'faya.

1 Corinto'su 10:9

Na'su Chigama iyicca'yian qquen tsonjama. Majan ingi tayopi'su coenzandeccu tsa'caen tsonsi Chigaja iyoi'ccu tise'pama fi'tti.

Deuteronomio 6:16

Qqueñacan qquen tson'fajama Na'su que'i Chigama Masahni can'jemba tson'faqquia'caen.

Hebreo'su 3:9

Que'i tayopi'su coenzandeccuja tsa'caen a'i menia can'jemba Ñama pañambipa injanga Ñama patsu qquen tsincon'fa. Ñajan cuarenta canqque'fave tise'pama ñotsse tsonsi tsu atte'fa. Atte'ma toya in'jambipa Ñama patsu qquen tsincon'fa.