Mateo 27:19 - Cofán: Chiga Tevaen'jen

¹⁹ Tsa'ma Pilato tsa'caen tise dyaipa'chonga dyaipa aindeccuma afa'je'ni tise pusheja qquen su'choma tisenga moen: “Va Jesús egae tsincombi'choa tsu. Tisene gi ja'ño cose dyo'oe ayo'o. Tisema egae tsonjama.”

Mateo 27:19 ပူးပေါင်းရင်းမြစ်များ

Génesis 31:11

Tsa'caen ayo'o'je'ni tsu Chigama sefacconi'su shondo'su ña inisei'ccu ñama ttu'se. Ttu'sesi gi su: ‘Va'tti gi can'jen.’

Génesis 31:24

Tsa'ma tsequi cose Chigaja ayo'oni, Labán, tsa arameo'su a'inga attiamba su: “¡Injama'tse! Jacobma iyicca'yeye'tsse afajama.”

Génesis 31:29

Nane ñoa'me gi ñajan que'ima egae tsoñe osha. Tsa'ma ja'ño cose tsu que yayambe Chiga ñama afapa qquen su: ‘¡Injama'tse! Jacobma iyicca'yeye'tsse afajama.’

Isaías 53:11

Injama'choni tsain'bitsse vana'jemba tsu ccase qquendyapa cansepa avujatssiya. Na'suma ño'an shondo'suja tsa'caen atesupa tsain'bio a'ima ccushaemba ño'ame tsomba tise'pa egae tsincon'choma angapa catiya.

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Números 12:6

qquen su: “Va ña que'inga su'choma paña'faja: Minga'ni Chiga Aya'fama afa'su que'i'ccu can'jeni ñajan attian'choi'ccu toya'caen ayo'oni tisema afa'je.

Mateo 1:20

Tsa'caen asi'ttaen'jen'ni Na'su Chigama sefacconi'su shondo'su tisenga ji. José anamba ayo'osi sefacconi'su shondo'su attiamba su: —¡José, David dutssi'ye! Dyombe'yi que pushe Maríama que tsaoni angaja. Tise ttopanga an'du'cho du'shuja Chiga Qquendya'pa du'shu tsu.

Mateo 2:19

Omboe Herodes pasi Na'su Chigama sefacconi'su shondo'suja ccase Josénga attian. José Egiptoni can'jemba anamba ayo'osi attiamba

Mateo 2:22

Tsa'ma Herodes dutssi'ye, Arquelao, Judea na'suve da'choma pañamba tseni jaye dyojo. Dyojopa ccase ayo'opa in'jamba Judeani jambe'yi Galilea andeni japa can'jen'fa.

Mateo 27:18

Nane israe'su nasundeccu injama'choni Jesúsma se'pipa afe'fa qquen in'jamba Pilatoja tsa'caen aindeccunga Jesúsma ccupaye su.

Mateo 27:24

Tsa'caen fundo'je'fasi Pilatoja ti'tsse afa'a'qque patsuya'bi qquen tsu in'jan. Tsa'caen in'jamba tsu ziya aindeccu panshaen qquejian'fasa'ne. Ziyapa tsa'ccuma iñajamba isupa poiyi'cco aindeccu caña'jen'ni tisu tivema otishipa su: —In'jambi gi mandaye va a'ima fi'ttiye. Tsa'ma que'i in'jamba manda'cho tsu.

Mateo 27:4

angapa afepa su: —Egae tsincombi'choama fi'ttiye afepa gi egae tsincon. Tsa'ma Chigama afa'su nasundeccuja su'fa: —¿Jongoesie qui ingingata ji? Que tsa'caen tson'choja que in'jan'cho tsu.

Lucas 23:41

Ingija egae tsincomba gi ja'ño vanamba tsane afepoen'jen'fa. Nane manda'cho mandaqquia'caen gi pa'faya. Tsa'ma va a'ija egae tsincombi.

Lucas 23:47

Tsonsi sundaro capitán tsa'caen da'choma attepa Chigama ñotsse afapa su: —Ñoa'me va a'ija egae tsincombi.

Juan 19:13

Tsa'caen pañamba Pilatoja patu ccuiña'cho atandundunga ja. Tse'ttima tsu inisian'fa Gabata, qquen hevreo aya'fangae. Tise dyaipa'chonga dyaipa Jesúsma somboeñe manda.

Tson'fa'cho 12:21

Tsonsi na'su Herodes maqui a'ta tise condaseye su'cho napisi pa'cco tise ñotssia na'su ondiccuqque'suma ondiccupa na'su dyaipa'chonga ansundepa dyaipa poiyi'cconga quia'me candusian.

Tson'fa'cho 18:12

Tsa'ma Galión, Acaya ande'su governarorve dasi Corinto'su israendeccuja bopa Pabloma indi'fa. Indipa na'su governaror dyaipa'chonga angapa

Tson'fa'cho 18:16

Tsa'caen supa tise dyai'ttie poiyi'ccoma tteyamaña.

Tson'fa'cho 18:17

Tsa'caen tteyasi poiyi'cco griegondeccu iyicca'yepa Sostenesma qquitssa indi'fa. Tsaja israe Chigane atesian'jen'tti'su na'su. Tisema indipa tsse'tsse'fa na'su Galión caña'jen'ttinga. Tsa'ma na'suja tsa'caen tson'jen'fa'choma attembiqquia'caen ccutsu.

Tson'fa'cho 25:10

Tsa'ma Pabloja su: —Va'tti gi ccutsu César Na'su mandasi dyai'choni. Va'ttinga tsu ñama pañaña'cho ña egae tsincon'choma atteyeta. Tsa'ma egae tsincombi gi israendeccunga. Que'qque tsamajan atesu.

Tson'fa'cho 25:17

Tsa'camba tsendeccu vani bo'fasi ñajan junde, ccaqui a'ta, na'su dyaipa'chonga dyaipa Pabloma iye manda.

Tson'fa'cho 25:6

Tsomba Festoja ocho a'ta, nane diez a'taqquia'caen tsendeccui'ccu can'jemba toequi Cesareani ja. Japa ccaqui a'ta na'su dyaipa'chonga ansundepa dyai. Dyaipa manda cuintsu Pabloma i'ngaye.

1 Pedro 2:22

Tiseja mingavieyi'qque egae tsincombi ni majameñi'qque afopoembi.

1 Juan 2:1

Ña dushundeccu, qquen gi que'inga tevaen cuintsu que'i egae tsincombe canse'faye. Tsa'ma que'i egae tsincon'ninda Jesucristo, tsa Ño'a, tsu que'ine Chiga Quitsanga afa'su.