Mateo 26:45 - Cofán: Chiga Tevaen'jen

⁴⁵ Iñajan nanimba toequi tisema shondosundeccunga jipa su: —¿Toya ti qui anambani ccui'fa? ¿Toya ti qui ñofa'je'fa? Que can'faja. Tayo tsu hora napi. Ja'ño tsu Sefaccone Ji'cho A'ima egae tsinconsundeccunga chi'gapa afeya.

Mateo 26:45 ပူးပေါင်းရင်းမြစ်များ

1 Reyes 18:27

Enttinge a'ta nepijisi Elíasja tise'pai'ccu feñamba su: —¡Tiseja ñoa'me chiga tsu! ¡Ti'tsse quian'me fundo'faja! Isha tsu toya sema'jemba pañambi'ya. ¿Tsambi'ta ti cco'pa'su ja? Isha tsu pasia'suta ja'ya. Tsambi'pa ana'jen'ninda tsu qquendyaeña'cho.

Mateo 26:18

Qquen iñajampañasi tsu su: —Jerusaléni ca'nimba ingi in'jan'chonga japa su'faja: “Atesian'su tsu quema su: Tayo tsu ña hora napiji. Tsa'cansi gi ñama shondosundeccui'ccu Chiga panshaen'cho injienge'cho aña'choma que tsa'onga añe in'jan.”

Mateo 26:2

—Que'i atesuqquia'caen dos a'ta tsu shaca Chiga panshaensi injienge'cho fiestama panshaeñe. Fiestama panshaen'jen'qui aindeccuja Sefaccone Ji'cho A'ima indipa afe'faya avuja'cconga otipa fi'ttiye.

Mateo 26:44

Ana'jen'fasi attepa tise'pama catipa ccase Chigama iñajañe ja. Ccase japa toesuveyi iñajan.

Mateo 26:46

Jangi'faja. Jinge jaye. ¡Ñama chi'gapa afe'su tayo tsu ji!

Marcos 14:35

Qquen supa Jesúsja ti'tsse joccani ja. Japa andenga puvi ccuipa Chigama iñajan cuintsu osha'ta tise vanaña'cho hora pasaye.

Lucas 22:53

Ñajan Chiga ettini poi a'ta que'i'ccu can'jen'ma qui ñama pporaen'fambi. Tsa'ma va tsu que'i patsuya'cho hora. Sinttia'su na'su, Satana, tsu ja'ño patsu.

Juan 12:23

Jesúsja pañamba su: —Tayo tsu napi Sefaccone Ji'cho A'i ti'tsse'tssia've daya'cho.

Juan 12:27

Ja'ño gi injama'cho tsosipie ñombi'ye. ¿Jongoe qquen gi suya? “Yaya Chiga Quitsa, ñama ccushaenjan va ñanga tson'faya'chone” qquen suye oshambi gi. Tsane gi ji'cho.

Juan 13:1

Chiga panshaen'cho injienge'cho fiesta pan napijisi Jesúsja in'jan tayo tsu napi tise va ande'ye sombopa Chigani jaya'cho. Tsa'ma ingi tisema shondosundeccuja va andeni can'jensi tiseja ingima in'jamba ti'tsse tsu canjaen tise ingima in'jan'choma.

Juan 17:1

Jesúsja qquen condasepa sefacconima camba qquen su: —Yaya Chiga Quitsa, tayo tsu napi. A'inga canjaenjan ña que Dutssi'yeja ti'tsse'tssia. Tsonsi gi ña que Dutssi'ye'qque canjaeña que'qque ti'tsse'tssia.