Mateo 26:38 - Cofán: Chiga Tevaen'jen

³⁸ tsendeccuma su: —Injama'cho tsosipie paqquia'caen gi asi'ttaemba ñombi'ye. Va'ttinga catiyepa anambe caña'jen'faja ña'caen.

Mateo 26:38 ပူးပေါင်းရင်းမြစ်များ

Isaías 53:10

Nane Na'suja in'jamba tsu tisema dañomba vanae. Egae tsincon'chone afe'chove tisema tson'ni'qque can'jemba jai'ngae tise dutssiyendeccuma atteya. Nane Na'suja tisei'ccu tisu in'jan'choma ñotsse nanitsse tsoña.

Isaías 53:12

Tise tsa'caen tsonsi Chigaja tisema joccapitssia've tsoña cuintsu ti'tsse mandasundeccui'ccu fae'ngae patsu'faye. Nane tiseja fi'tti'chonga afeyepa faesu egae tsincon'su tsu, qquen su'fa. Tsa'ma ñoa'me tsain'bio aindeccu egae tsincon'choma anga tsendeccune Chigama iñajamba ñoquiañe.

Isaías 53:3

Nane a'ija tisema chi'gapa cati'fa. Ñombi'ye'su a'i tsu. Nane vanañe atesu'cho tsu. A'tuqquia'caen gi tisema panshan'fa. Barembi tsu qquen in'jamba gi tisema chi'ga'fa.

Mateo 25:13

Qquen condasepa Jesús su: —Tsa'caeñi qui minga'ni na'su jiya'chove ni maqui a'ta jiya'chove'qque atesu'fambi. Atesumbipa ñotsse camba tise jiya'chove ronda'je'faja.

Marcos 14:34

tsendeccuma su: —Injama'cho tsosipie paqquia'caen gi asi'ttaemba ñombi'ye. Va'ttinga catiyepa anambe caña'jen'faja.

Juan 12:27

Ja'ño gi injama'cho tsosipie ñombi'ye. ¿Jongoe qquen gi suya? “Yaya Chiga Quitsa, ñama ccushaenjan va ñanga tson'faya'chone” qquen suye oshambi gi. Tsane gi ji'cho.

Romanos 8:32

Nane Chiga Quitsaja ingima in'jamba se'pimbe'yi Tise Dutssi'yema afe cuintsu tsaja papa ingima ccushaeñe. Ñoa'me tsu Chigaja Jesucristoi'ccu fae'ngae osha'choma inginga afeya.

2 Corinto'su 5:21

Nane Jesucristoja egae tsincombi. Tsa'ma Chigaja ingi egae tsincon'choma Jesúsnga antte. Tsa'caen anttesi Jesúsja tisu ñotssiama inginga antte. Chiga tsa'caen in'jansi gi Chigambe ño'andeccuve da'fa.

Galacia'su 3:13

Majañi'qque naniñe oshaya'bipa poiyi'cco tsu Chigane shacapapa catiye'faya'cho. Tsa'ma Cristoja tsa shacama tisunga isu, Chiga Tevaen'jen suqquia'caen, “Quini'cconga dusiamba fi'tti'cho a'ita tsu catiya'cho.”

1 Pedro 2:24

Jesucristoyi tsu tise ai'vonga ingi egae jincho'choma isupa anga avuja'cconga. Tsa'cansi gi egae tsincon'cho'ye tayo papa ñotsse canse'fa. Tiseja iñacca que'ima ccushaeñe.

1 Pedro 3:18

Jesucristoyi tsu ingi egae jincho'chone vanamba pa. Fae seyi tsu pa poiyi'cco a'ine. Tiseja ño'amba ingi ño'ambindeqquiane pa ingima Chiganga catsiañe. Nane tise ai'vo pa'ni'qque tise qquendya'paja toya canse.

1 Pedro 4:7

Osefaeña'cho a'ta tayo tsu napiji. Tsa'cansi que'ija ñotsse in'jamba opatsse Chigama iñaján canse'faja.