Mateo 26:18 - Cofán: Chiga Tevaen'jen

¹⁸ Qquen iñajampañasi tsu su: —Jerusaléni ca'nimba ingi in'jan'chonga japa su'faja: “Atesian'su tsu quema su: Tayo tsu ña hora napiji. Tsa'cansi gi ñama shondosundeccui'ccu Chiga panshaen'cho injienge'cho aña'choma que tsa'onga añe in'jan.”

Mateo 26:18 ပူးပေါင်းရင်းမြစ်များ

Mateo 21:3

Majan a'i que'i tson'jensi jongoesu qquen iñajampaña'nijan, “Na'su tsu vanga dyaipa japa ccase i afeya,” qquen su'faja.

Mateo 23:10

Ni que'imajan “na'su” qquen afa'faya'bi. Fae'cco tsu que'i na'su. Tsaja Cristo tsu.

Mateo 23:8

Tsa'ma que'ija tsa'caen afaye'faya'bi qui. Tsa'caen tson'fajama a'i que'ima “injama'pa atesian'su” qquen afa'faye. Que'ija poiyi'cco faengasundeccu qui. Fae injama'pa atesian'suve qui an'bian'fa. Tsaja Cristo tsu.

Mateo 26:19

Jesúsma shondosundeccu tise suqquia'caen japa tson'fa. Tsa'caen tsomba Chigama panshaen'cho aña'choma sho'ccoen'fa.

Mateo 26:2

—Que'i atesuqquia'caen dos a'ta tsu shaca Chiga panshaensi injienge'cho fiestama panshaeñe. Fiestama panshaen'jen'qui aindeccuja Sefaccone Ji'cho A'ima indipa afe'faya avuja'cconga otipa fi'ttiye.

Mateo 26:49

Tsa'caen toeni supa Judas jipa tse'faei'ccuyi Jesúsnga catsepa su: —¿Vani ti qui can'jen, na'su? Qquen supa Jesúsma mocha.

Marcos 5:35

Tsa'caen Jesús toya afa'je'ni atesian'jen'tti'su na'su tsaone ji'fa. Jipa Jaironga su'fa: —Tayo tsu que onque'ngeja pa'ya. Tayo pa'nijan ¿jongoesie qui ti'tsseja na'suma noñagian?

Lucas 22:53

Ñajan Chiga ettini poi a'ta que'i'ccu can'jen'ma qui ñama pporaen'fambi. Tsa'ma va tsu que'i patsuya'cho hora. Sinttia'su na'su, Satana, tsu ja'ño patsu.

Juan 11:28

Tsomba Marta tise que'tte Maríama ttuse'su japa a'tutsse su: —Atesian'su tsu tayo jipa queve ttuse'je.

Juan 12:23

Jesúsja pañamba su: —Tayo tsu napi Sefaccone Ji'cho A'i ti'tsse'tssia've daya'cho.

Juan 13:1

Chiga panshaen'cho injienge'cho fiesta pan napijisi Jesúsja in'jan tayo tsu napi tise va ande'ye sombopa Chigani jaya'cho. Tsa'ma ingi tisema shondosundeccuja va andeni can'jensi tiseja ingima in'jamba ti'tsse tsu canjaen tise ingima in'jan'choma.

Juan 17:1

Jesúsja qquen condasepa sefacconima camba qquen su: —Yaya Chiga Quitsa, tayo tsu napi. A'inga canjaenjan ña que Dutssi'yeja ti'tsse'tssia. Tsonsi gi ña que Dutssi'ye'qque canjaeña que'qque ti'tsse'tssia.

Juan 20:16

Tsonsi Jesúsja su: —¡María! Maríaja piyipa hevreo aya'fangae su: —¡Ravoni! —atesian'su qquen su'cho.

Juan 7:30

Jesús qquen susi indiye in'jan'fa. Tsa'ma majañi'qque indi'fambi, toya indiya'cho napimbisi.

Juan 7:6

Tsonsi Jesúsja su: —Toya tsu ña jaya'cho napimbi. Tsa'ma que'inejan maqui a'ta ja'ngae jaye tsu ñotssi.

Juan 7:8

Que'iyi jaja'faja fiestanga. Ñajan ja'ño fiestanga jaya'bi gi. Toya tsu ña jaya'cho napimbi.